| e-texts navigator |
| Wylie |
52b1 ལྔ་པའོ། ། །།དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོ་དེས་རྫོགས་པ་ཆེན་པོའི་དམ་ཚིག་བསྲུང་དུ་མེད་པོ་འདི་གསུངས་སོ། །ཀྱེ་སེམས་དཔའ་ཆེན་པོ་ཉོན་ཅིག་།རྫོགས་ཆེན་དམ་ཚིག་བསྲུང་དུ་མེད་བསྟན་པ། །ཀུན་བྱེད་བྱང་ཆུབ་སེམས་ཀྱི་རང
52b2 བཞིན་ནི། །མ་སྐྱེས་སྤྲོས་དང་བྲལ་བའི་རང་བཞིན་གྱིས། །སྐྱེ་བའི་ཆོ་འཕྲུལ་སྣ་ཚོགས་ཡུལ་བྱུང་ནས། །ཡུལ་དེ་རང་གི་རང་བཞིན་ཡིན་ཞེས་བྱས། །དེ་ལ་མི་རྟོག་རྟོག་པའི་ཡུལ་ལས་འདས། །ཡུལ་ལ་མི་འཛིན་སྤོང་དང་ལེན་མེད་པས། །མེད་པ་ཕྱལ་བ་གཅིག
52b3 པུ་ལྷུན་གྲུབ་སྟེ། །བསྲུང་བར་བྱ་བའི་སྡོམ་ཁྲིམས་ཀུན་དང་བྲལ། །བསྲུང་མེད་ང་ལས་བྱུང་བའི་སྟོན་གསུམ་གྱིས། །མུ་སྟེགས་སྡེ་བཞི་ཐུགས་རྗེས་བྱིན་བརླབས་ནས། །འདུལ་བ་ཕོག་པའི་འཁོར་ནི་སྡེ་བཞི་ལ། །བསྲུང་བར་བྱ་བའི་ཁྲིམས་ནི་འདི་ལྟ་སྟེ། །
52b4 རྩ་བ་དང་ནི་ཡན་ལག་བསྲུང་བའི་གྲངས། །ཉིས་བརྒྱ་ལྔ་བཅུ་ལྔ་བརྒྱ་ལྔ་བཅུ་ཁྲིམས། །བསྲུང་བའི་དུས་ན་གྲངས་དང་དོན་མི་ཤེས། །དེས་ན་སྡོམ་པ་མི་ཐུབ་བསྲུང་ཐབས་མེད། །རྫོགས་ཆེན་ཅི་སྤྱོད་རྟོག་པ་ཀུན་ལས་འདས། །སྡོམ་པ་རྒྱ་མཚོ་མཐའ་ཡས
52b5 གྲངས་མང་བ། །ལུས་ངག་ཡིད་ལ་བསྡུས་པ་རྣམ་པ་གསུམ། །དབང་པོ་ཡུལ་ལས་སྡུག་བསྔལ་བྱུང་ནས་ནི། །ལུས་ཀྱིས་འགྲོ་འདུག་གོམ་པ་བོར་ས་མེད། །ངག་གིས་ཚིག་བརྗོད་དོན་གྱིས་བདེན་པར་དཀའ། །ཡིད་ཀྱིས་བསམ་པ་བདེན་པ་ཀུན་ལས
52b6 འགལ། །མ་ནོར་བསམ་པ་ཀུན་ཀྱང་བསྒྲུབ་ཏུ་མེད། །ལུས་ངག་སྡོམ་པ་རྒྱ་མདུད་དམ་པོ་དེས། །བདེན་ཉིད་དོན་དང་ཕྲད་པ་ཤིན་ཏུ་དཀའ། །བསྲུང་མེད་ཉམས་པ་མེད་དང་ཕྲད་མི་འགྱུར། །བསྲུང་མེད་ཉམས་པ་མེད་པ་ཀུན་བྱེད་ལུང་། །ཀྱེ་སེམས
52b7 དཔའ་ཆེན་པོ་ཉོན་ཅིག་། ང་ལས་བྱུང་བའི་སྟོན་པས་ལུང་ཕོག་པ། །གཟའ་དང་རྒྱུ་སྐར་དུས་ཚིགས་བཟང་སྒོ་ནས། །ཕྱི་ནང་གཙང་མའི་ཁྲུས་ཀྱིས་དག་བྱས་ཏེ། །སྡོམ་པ་ཚུལ་ཁྲིམས་འགྲོ་དོན་ཞལ་འཆེས་པ། །གང་ཡང་དམ་བཅས་ཚུལ་བཞིན་མི་འགྲུབ
iiif viewer powered by OpenSeadragon
