| e-texts navigator |
| Wylie |
289a1 དེ་ཉིད་ཚུལ་བཞིན་སྐད་ཅིག་མ། །ཀུན་གསལ་གཅིག་གིས་ཡོངས་སུ་སངས། །ཞེས་གསང་བ་དམ་པར་བསྔགས་སོ། །ལ་ལ་ནི་འདི་སྐད་དུ། མུན་པས་འཐིབས་པ་དེ་དག་གིས། །མི་གཡོ་མི་རྟོག་དེ་ཉིད་བལྟ། །དེ་མཐོང་མུན་པ་རྣམ་དག་སངས། །འགྱོད
289a2 སངས་ཀུན་གྱི་མཆོག་ཏུ་བཤད། །ཅེས་ཚངས་པ་དམ་པར་བསྔགས་སོ། །ལ་ལ་ནི་འདི་སྐད་དུ། །མི་མཐུན་གཉེན་པོ་མི་དམིགས་པ། །སྟོང་པ་ཉིད་ཀྱི་ཆོས་ཉིད་ལ། །གནས་པ་གང་ཡིན་དེ་དག་གིས། །གཉེན་པོ་བསྟན་དུ་ཅི་ཡང་མེད། །ཅེས་ལ་གཅད་པ་དམ་པར་བསྔགས
289a3 སོ། །ལ་ལ་ནི་འདི་སྐད་དུ། ཐམས་ཅད་རང་བཞིན་མ་བཅོས་པ། །ཇི་བཞིན་པ་ཡི་དེ་བཞིན་དུ། །རང་རིག་བླ་ན་མེད་པ་ཡི། །བྱང་ཆུབ་མཆོག་ཏུ་སེམས་བསྐྱེད་པའོ། །ཞེས་སེམས་བསྐྱེད་པ་རྣམ་པར་བསྔགས་སོ། །ལ་ལ་ནི་འདི་སྐད་དུ། ཅི་ཡང་མི་སེམས་མི་གཡོ་ཞིང་། །
289a4 མི་རྟོག་རྣམ་པར་མི་གཡེང་བ། །ཀུན་ལ་ཁྱབ་པར་བདལ་བའི་དབྱིངས། །ཀུན་ཤོང་བྱ་མེད་ཐེག་ཆེན་མཆོག་།ཅེས་ཐེག་པ་ཆེན་པོའི་གསང་བ་དམ་པར་བསྔགས་སོ། །ལ་ལ་ནི་འདི་སྐད་དུ། ཐེག་ཆེན་གསང་བའི་སྙིང་པོ་འདི། །དབུ་མར་མི་དམིགས་མཐའ་ལས་འདས། །གང
289a5 འདིར་དབུ་མར་འདོད་པ་དག་། མཐའ་ལས་འདས་པར་ག་ལ་འགྱུར། ཞེས་དབུས་མཐར་མི་དམིགས་པར་བསྔགས་སོ། །ལ་ལ་ནི་འདི་སྐད་དུ། ཆོས་ཀུན་མི་མཐོང་ཆོས་ཉིད་ཀྱང་། །མི་མཐོང་སེམས་ཅན་སེམས་མི་མཐོང་། །སངས་རྒྱས་མི་མཐོང་གང་མཐོང་བ། །དེ
289a6 ཡི་དོན་དམ་ཡང་དག་མཐོང་། །ཞེས་མཐོང་བ་ཡོངས་སུ་བསྔགས་སོ། །ལ་ལ་ནི་འདི་སྐད་དུ། ཡེ་ནས་མ་བཅོས་ཇི་བཞིན་པ། །མི་སྐྱེ་མི་འགག་རྣམ་ཀུན་མཁྱེན། །སུས་ཀྱང་མ་བྱས་རང་བྱུང་བ། །རྣམ་པར་རྟོག་པའི་གློ་བུར་ཡིན། །ཞེས་མ་བསླད་པར་དམ
289a7 པར་བསྔགས་སོ། །ལ་ལ་ནི་འདི་སྐད་དུ། དེ་ཉིད་དེ་དང་གང་ལྡན་པ། །དམན་པའི་ལུས་ལ་སངས་རྒྱས་ཡིན། །དེ་ལ་མ་གཏོགས་གང་ཞིག་ན། །སངས་རྒྱས་བྱ་བ་ག་ལ་ཡོད། །ཅེས་ཡེ་ནས་སངས་རྒྱས་པར་བསྔགས་སོ། །ལ་ལ་ནི་འདི་སྐད་དུ། བརྟན་གཡོ་དཀྱིལ
iiif viewer powered by OpenSeadragon
