| e-texts navigator |
| Wylie |
286b1 པར་བསྔགས་སོ། །ལ་ལ་ནི་འདི་སྐད་དུ། དེ་ཉིད་མཚན་ཉིད་མེད་པ་ལས། །མཚན་ཉིད་སྣ་ཚོགས་པར་སྣང་བས། །ཀུན་འབྱུང་དབྱིངས་ཀྱི་རང་བཞིན་པས། །མེད་ལ་ཟད་མི་ཤེས་པར་མཛོད། །ཅེས་གསང་བ་དམ་པར་བསྔགས་སོ། །ལ་ལ་ནི་འདི་སྐད་དུ། སྣ་ཚོགས
286b2 ཐེག་པའི་ལྟ་བ་དང་། །སྡོམ་པ་སྲུང་བའི་བྱ་བ་ཀུན། །སྤྱད་པར་བྱ་བ་མ་ཡིན་ཡང་། །ཀུན་ཀྱང་མ་འདྲེས་ཡོངས་སུ་རྫོགས། །ཞེས་གསང་བ་དམ་པར་བསྔགས་སོ། །ལ་ལ་ནི་འདི་སྐད་དུ། དེ་ལ་ཕྱོགས་དང་དུས་མེད་པར། །གང་གིས་ཕྱོགས་དང་དུས་བརྟགས་པའི། །དེ་ཉིད་དེ
286b3 ལ་རྣམ་པར་སྣང་། །སངས་རྒྱས་ཀྱིས་ནི་དེ་མི་མཁྱེན། །ཞེས་གསང་བ་དམ་པར་བསྔགས་སོ། །ལ་ལ་ནི་འདི་སྐད་དུ། བསམ་གྱིས་མི་ཁྱབ་ཀུན་ཤེས་ནས། །བསམ་དུ་མེད་པར་དེ་བཞག་ན། །དཔག་ཏུ་མེད་པའི་ཡོན་ཏན་འབྱུང་། །རྣམ་པ་ཐམས་ཅད་མཁྱེན་པ་ཡིན། །
286b4 ཞེས་གསང་བ་དམ་པར་བསྔགས་སོ། །ལ་ལ་ནི་འདི་སྐད་དུ། བསམ་གྱིས་མི་ཁྱབ་མི་ཤེས་པར། །བསམ་མེད་ངང་དུ་གང་འཇོག་པ། །བྱིས་པ་དེ་ནི་བླུན་པ་སྟེ། །མུན་པའི་སྐྱེ་མཆེད་ཉིད་དུ་འགྱུར། །ཞེས་ཀུན་ནས་བརྩེ་བ་དམ་པར་བསྔགས་སོ། །ལ་ལ་ནི་འདི་སྐད་དུ།
286b5 བསམ་མེད་བསམ་གྱིས་མི་ཁྱབ་ཆོས། །ལྷག་པར་མཐོང་ནས་ཞི་གནས་པ། །རྣམ་རྟོག་སྤོང་ལེན་གང་བྱེད་པ། །དེ་དག་སྒྲིབ་པ་མུ་མཐའ་ཡས། །ཞེས་བཤེས་གཉེན་དམ་པ་ཉིད་དུ་གདམས་སོ། །ལ་ལ་ནི་འདི་སྐད་དུ། སྣ་ཚོགས་སོ་སོ་ཀུན་རིག་ཀྱང་། །ཀུན་གྲོལ
286b6 རྣམ་དག་ལམ་མེད་ན། །དམ་པ་ཉིད་ལས་ཤིན་ཏུ་གོལ། །ནམ་ཡང་ངེས་པ་རྙེད་པ་མིན། །ཞེས་བཀའ་དམ་པར་གདམས་སོ། །ལ་ལ་ནི་འདི་སྐད་དུ། །སྣ་ཚོགས་རིམ་གྱིས་འཇུག་པ་དང་། །བསམ་སྤྱོད་བློ་ཡི་ནང་དུ་འགྱུར། །བསམ་མེད་ཡོངས་སུ་རྫོགས་པའི་དོན། །
286b7 རིམ་གྱིས་པ་ཡི་དུག་ཆེན་ཡིན། །ཞེས་ཁྱད་པར་དམ་པར་གདམས་སོ། །ལ་ལ་ནི་འདི་སྐད་དུ། སྣ་ཚོགས་སོ་སོར་མ་རིག་པར། །དེ་བཞིན་ཉིད་དུ་ངེས་མི་རྙེད། །དེ་ཉིད་ངེས་པ་མ་རྙེད་ན། །སྣ་ཚོགས་སྨྲ་བ་རུང་མ་ཡིན། །ཞེས་ནན་ཏན་དམ་པར་གདམས་སོ། །ལ་ལ་ནི་འདི་སྐད
iiif viewer powered by OpenSeadragon
