| e-texts navigator |
| Wylie |
284b1 སོ། །ཡང་བཅོམ་ལྡན་འདས་གཙུག་ཏོར་སྙིང་པོ་ངོ་བོ་ཉིད་དག་པས་འདི་སྐད་དུ། ཇི་བཞིན་མ་བཅོས་དེ་ཉིད་ལ། །དེ་བཞིན་པ་ཡི་བློ་གནས་པ། །དེ་བཞིན་དེ་ཉིད་མ་ཡིན་པའི། །སྒྲུབ་དང་བསྒྲུབ་པ་ག་ལ་ཡོད། །ཅེས་གསུངས་སོ། །ཡང་བཅོམ་ལྡན་འདས་ངེས་པར
284b2 གཤེགས་པའི་ངོ་བོ་ཉིད་དག་པས་འདི་སྐད་དུ། མཁའ་ལ་གློ་བུར་སྤྲིན་འཐིབས་ལྟར། །དེ་བཞིན་གློ་བུར་རྟོག་པས་བསྒྲིབས། །མཁའ་དག་ནང་དུ་སྤྲིན་སངས་ལྟར། །རྣམ་རྟོག་སངས་པས་ངང་གིས་སངས། །ཞེས་གསུངས་སོ། །ཡང་བཅོམ་ལྡན་འདས་ངེས་པར་གསུངས
284b3 པའི་ངོ་བོ་ཉིད་དག་པས་འདི་སྐད་དུ། ཇི་སྙེད་དག་པའི་གསུང་བརྗོད་ཀྱང་། །རྡོ་རྗེ་གསུང་ལ་སྤྲོས་པ་མེད། །སྤྲོས་མེད་གསུང་ཉིད་ཀུན་གསལ་ཁྱབ། །མ་གསུངས་པ་ཉིད་རྒྱ་ཆེར་བཤད། །ཅེས་གསུངས་སོ། །ཡང་བཅོམ་ལྡན་འདས་ངོ་བོ་ཉིད་དག་པས་འདི་སྐད་དུ། ཐམས
284b4 ཅད་ཡུལ་ལ་འཇུག་པ་ཡི། །ཐོགས་མེད་མ་ཆགས་དེ་བཞིན་བློས། །ཇི་སྙེད་ཇི་བཞིན་ཉིད་དུ་བསྒྱུར། །ཟད་མེད་གཏེར་ལྡན་རིན་ཆེན་འབྱུང་། །ཞེས་གསུངས་སོ། །ཡང་བཅོམ་ལྡན་འདས་མེ་ཏོག་དབང་པོ་དབྱངས་ངོ་བོ་ཉིད་དག་པས་འདི་སྐད་དུ། ཇི་བཞིན་ཉིད་ལ་བཞུགས་པས
284b5 ན། །འདི་ཞེས་ཚིག་ཏུ་མ་གསུངས་ཀྱང་། །ཁྱབ་པས་གཅིག་པའི་བྱིན་བརླབས་ཀྱིས། །ཇི་ལྟར་འདོད་པ་སོ་སོར་མཇལ། །ཞེས་གསུངས་སོ། །ཡང་བཅོམ་ལྡན་འདས་གྲགས་པའི་དཔལ་ངོ་བོ་ཉིད་དག་པས་འདི་སྐད་དུ། སངས་རྒྱས་སེམས་ཅན་ལ་སོགས་པ། །ཐམས་ཅད་མ
284b6 ལུས་ལུས་པ་མེད། །རང་རིག་མ་རིག་རྟོག་པ་ཉིད། །ཀུན་ཀྱང་རང་བྱུང་ཡེ་ཤེས་ཉིད། །ཅེས་གསུངས་སོ། །ཡང་བཅོམ་ལྡན་འདས་སྤྲུལ་པའི་རྒྱལ་པོ་ངོ་བོ་ཉིད་དག་པས་འདི་སྐད་དུ། ཡི་གེ་ཕྱག་རྒྱ་ཡེ་ཤེས་ཀྱང་། །ཚིག་ལས་འབྱུང་བའི་གཞི་ཡིན་ཏེ། །དེ་ཉིད་དག་པས
284b7 ཐམས་ཅད་དག་། གསུང་ལ་གསུང་ཉིད་མི་གནས་པའོ། །ཞེས་གསུངས་སོ། །ཡང་བཅོམ་ལྡན་འདས་སྒྲ་དབྱངས་མི་ཟད་པ་ཉིད་དག་པས་འདི་སྐད་དུ། དེ་བཞིན་ཉིད་ཀྱང་རང་བཞིན་དུ། །ལྔ་ཕུང་ཉོན་མོངས་རྣམ་པར་དག་།རྣམ་རྟོག་རྡུལ་བྲལ་སྐྱེ་འགག་མེད། །ཐམས་ཅད
iiif viewer powered by OpenSeadragon
