| e-texts navigator |
| Wylie |
278b1 སྐས། །གོང་ནས་གོང་དུ་འཕར་བའི་ལྟས། །གང་ལ་གནས་དང་ནོན་པ་ཡང་། །ཁྲི་མཐོན་ལ་འདུག་གླང་ཆེན་ཞོན། །སེང་ཆེན་ཁྱུང་ལྡིང་འདབ་ཆགས་དང་། །མཆོད་རྟེན་རྩེ་དང་རི་བོའི་སྤོ། །ནམ་མཁའི་དབྱིངས་ན་འདུག་པ་དང་། །ལུས་ལས་སྤྲིན་བྱུང་ཉི་ཟླ་ལ། །འདུག
278b2 པ་གང་ལ་གནས་པའི་རྟགས། །དམ་པ་རིགས་ཀྱི་སྔོན་བྱུང་བ། །བཀའ་རྟགས་དབང་པོར་དབང་སྒྱུར་བྱེད། །འཇིག་རྟེན་སྐས་ལ་འབེབས་པ་དང་། །དབང་སྡུད་གཡུལ་རྒྱལ་བར་འགྱུར། །མགོ་ལ་མེ་ཏོག་ཐོད་སྐྱེས་པའོ། །ཆོས་གང་དབང་སྒྱུར་སྔོན་བྱུང་བ། །
278b3 གླེགས་བམ་རྙེད་དང་འདྲི་སྤྱོད་དང་། །གཞན་ལ་སྟོན་དང་གཏན་ལ་འབེབས། །མེ་ལོང་བུམ་གང་ལྟ་རྟོག་འཐུང་། །ནོར་བུ་ཐུ་དང་འཁོར་ལོ་བབས། །ཉི་ཟླ་ཟིན་དང་རི་རབ་སྐོར། །གང་ལ་སྒྲ་བརྒྱས་སྟོང་གསུམ་གང་། །དངོས་པོ་མཐའ་དག་ཡི་གེར་མཐོང་། །གྲགས་པས
278b4 ངོ་མཚར་ཀུན་སྐྱེད་དང་། །མཁའ་ལས་མེ་ཏོག་ཆར་འབབ་པའོ། །དམ་པ་མཐོང་བ་སྔོན་བྱུང་བ། །སྔོན་མ་མཐོང་བ་ཡུལ་མཐོང་དང་། །སྟོང་གསུམ་མཐོང་ཞིང་གླིང་རྣམས་བགྲོད། །རི་རབ་རྩེར་ཕྱིན་ཐམས་ཅད་མཐོང་། །ནམ་མཁའ་མཐའ་ཡས་མཐོང་བ་དང་། །རྒྱ་མཚོ
278b5 གཏིང་དུ་ཕྱིན་པ་དང་། །སྒྲོན་མེ་ཐོགས་དང་སྣང་སྲིད་དཔྱོད། །ཉི་མའི་སྙིང་པོ་ལྟ་བུའོ། །ལུང་ཆེན་ཐོབ་པ་སྔོན་བྱུང་བ། །རོལ་མོ་འབྲུག་སྒྲ་སེང་གེ་དང་། །ཆོས་ཀྱི་བགྲོ་བ་ཐོས་པ་དང་། །གཟུགས་བརྙན་ཞལ་འཛུམ་འོད་འབྱུང་དང་། །དམ་པའི་གསུང་ཐོས་སྐུ་མི་མཐོང་། །ལྷ་མོ
278b6 གླུ་དབྱངས་སྒྲོགས་པ་དང་། །གཞལ་ཡས་དག་ལ་སྒྲ་འབྱུང་དང་། །གྲོགས་པོ་དམ་པ་ཞེས་འབྱུང་ཞིང་། །དེ་ཉིད་འགྲོ་བར་བྱེད་པའོ། །རིག་འཛིན་དམ་པའི་ལྟས་ཤར་ན། །བྱིན་བརླབས་མཐུ་ཡི་ཆོ་འཕྲུལ་ཡང་། །ཉི་ཟླ་ཞོན་ནས་འགྲོ་བ་དང་། །རི་རབ་རྐེད་ནས་གསོར་བ་དང་། །
278b7 འཇིག་རྟེན་རྒྱང་མར་འཕང་བ་དང་། །སྲེག་པའི་བསྐལ་པ་གཞིལ་བ་ལ། །སོགས་པའི་ཆོ་འཕྲུལ་ཐམས་ཅད་ཀྱང་། །ཁྱད་པར་རྩལ་གྱིས་སྟོན་པར་ནུས། །འདུལ་བའི་འགྲོ་བ་ཐམས་ཅད་ལ། །སོ་སོ་སྐད་དུ་ཆོས་མཐུན་པར། །འདུལ་བའི་སྒོ་ནི་སྣ་ཚོགས་སུ། །གང་ལ་དེ་ལྟར
iiif viewer powered by OpenSeadragon
