| e-texts navigator |
| Wylie |
278a1 དེ་ཉིད་དོ། །འདིར་ནི་དམ་པ་གང་ངེས་པ། །རྣལ་འབྱོར་མཚན་མའི་སྔ་ལྟས་ཡིན། །ཆུ་ཀླུང་མེ་གསེར་ག་ན་བར། །འདུ་འཕྲོ་འབྱུང་རྩི་ངེས་པ་བཞིན། །དམ་པར་ངེས་ན་དམ་པར་འབྱུང་། །དམ་པར་མ་ངེས་ཐམས་ཅད་བདུད། །དམ་པར་ངེས་ན་ཆུང་ངུ་ཙམ། །
278a2 གང་འབྱུང་དམ་པའི་སྔ་ལྟས་སོ། །གང་གི་དམ་པ་ཉིད་ཐོས་ན། །མི་སྐྲག་མི་དངང་དགའ་བ་སྐྱེ། །གང་ཞིག་དམ་པ་ཉིད་ལྟ་བ། །ཐམས་ཅད་དམ་པ་ཉིད་དུ་མཐོང་། །དམ་པའི་ཀློང་དུ་གང་གྱུར་པ། །རྣམ་གྲངས་མང་པོ་དམ་པར་སྡུད། །དམ་པ་ངེས་པ་མཐོང་བ་ན། །ཚིག་ལམ
278a3 རྗེས་སུ་དེ་མི་འགྲོ། །དེ་མཐོང་ཐམས་ཅད་དམ་པར་གསལ། །སྣང་བ་མེད་པའི་དམ་པ་ནི། །སྣང་བ་མེད་པ་མཐོང་བར་འགྱུར། །དེ་ཉིད་ཀུན་གྱི་རྒྱུ་ཡིན་ཏེ། །ཆོ་འཕྲུལ་རྒྱུ་བ་ཐམས་ཅད་འབྱུང་། །གཡོ་དང་དྲོད་ཐོབ་བརྟན་པ་དང་། །གསལ་དང་རྟགས་ཐོབ་བརྟན་པ
278a4 དང་། །ཉི་ཟེར་རྡུལ་ཕྲན་སྨིག་རྒྱུ་དང་། །མཚོ་རླབས་རླུང་དང་ཆར་གྱི་རྒྱུན། །སྤྲིན་ལྡིང་ཏ་ལ་གང་འཕར་འགྲོ། །ས་གཡོ་འབྱུང་བའི་སྐྱེ་མཆེད་སྣང་། །འབྱུང་རྒྱུན་ཟུག་རྔུ་ལ་སོགས་པ། །གང་གིས་ཡོངས་སུ་ནད་ཞི་བ། །མུན་པའི་སྐྱེ་མཆེད་ཆོམས་པ་དང་། །ལུས་ཀྱི
278a5 བཟོད་པ་ཐོབ་པ་དང་། །ཀུན་ལ་བདེ་བླག་ཇི་བཞིན་པའོ། །གང་མིན་གང་དུ་སྒྱུར་བ་དང་། །གང་མེད་པ་ལས་གང་འབྱིན་པའོ། །ཡིད་འོང་འདོད་གྲུབ་རྫས་མཆོག་རྙེད། །ཀུན་དགའ་ཀུན་འདུད་ཀུན་ཡིད་དང་། །ཀུན་ལ་དབང་སྒྱུར་མཆོག་འགྲུབ་ལྟས། །ཡུད་ལས་སྔོན
278a6 དུ་འབྱུང་བའི་ལྟས། །སྒྲེན་མོར་བྱུང་དང་རྟག་པར་འཁྲུ། །རྣམ་དག་ཆུ་བོར་འབོགས་དང་རྐྱལ། །ཆར་རྒྱུན་བུམ་ཆུ་འབྱུང་བ་དང་། །གསེག་དང་གཡེང་དང་རྣམ་པར་འཐོར། །འདི་གང་སྦྱོང་བ་དག་པའི་ལྟས། །གང་འདིར་འཇིགས་དང་བྲལ་བ་ཡང་། །གཡུལ་འགྱེད་ཞི་དང
278a7 ཟུག་རྔུ་བྱང་། །ཐ་མར་གྲོལ་དང་གཤེད་ལས་ཐར། །གདུག་པའི་ཚོགས་བྲལ་དུག་ནད་ཞི། །བཅིང་གྲོལ་བཙད་ལྟས་བཟང་པོ་ཡིན། །ཁྱད་པར་དམ་པའི་སྔོན་བྱུང་བ། །ཁྲི་རྐང་ཤིང་དང་ལྗོན་ཤིང་སྐས། །འཛེག་དང་གྱེན་དུ་འགྲོ་བ་དང་། །རི་རྩེའི་མཆོད་རྟེན་ནམ་མཁའི
iiif viewer powered by OpenSeadragon
