| e-texts navigator |
| Wylie |
274b1 མི་འགྱུར། །རྣལ་འབྱོར་ལས་དང་འབྱོར་བ་རྣམས། །དག་དང་མ་དག་ཚུལ་ལ་སྦྱོར། །དེ་ཡང་བསོད་ནམས་དག་པ་ཡིས། །གང་ལམ་རྒྱ་ཆེར་མོས་པ་དང་། །རྣལ་འབྱོར་རྩེ་གཅིག་རྨོག་བཏུད་ན། །རྡོ་རྗེས་སྦྲེལ་དང་ལས་མཐུན་ན། །རྒྱུད་རྣམས་ཡོངས་སུ་དག་ལ་འབབ། །དེ་ཡང
274b2 ཁྱད་པར་རིམ་པས་ནི། །རྒྱལ་བའི་སྐུ་གདུང་ཤ་རི་རམ། །ཞིང་ཁམས་ཀུན་དུ་ཁྱབ་པར་ནི། །མགར་དང་བཟོས་ནི་བཟླུམས་པ་བཞིན། །བྱས་པ་མེད་ལས་སྣང་བ་དག་།དཀར་འཚེར་མདོག་གསལ་འཛག་འདྲ་བ། །ཙན་དམར་མདངས་སུ་གསལ་བ་ཡི། །ནམ་མཁའ་གང་བར
274b3 ཆར་བཞིན་འབབ། །རིག་འཛིན་སེམས་དཔའ་སྤྲུལ་པའི་གདུང་། །དཀའ་གསལ་འགའ་འགའ་ཙམ་དུ་འབྱུང་། །གང་ཟག་ས་པའི་རྟགས་ཆེན་ནི། །མདོག་མཉམ་གཅིག་གསུམ་གཉིས་གསུམ་གཅིག་།ལ་ལར་ལྔ་འམ་བཅུ་འབྱུང་ཞིང་། །ཡོན་ཏན་དེ་ནི་དེ་ལྟར་རོ། །དེ
274b4 ཡང་སྲ་མཁྲེགས་རྡོ་རྗེ་འདྲ། །ལྕགས་ཀྱི་གཏུན་གྱིས་ཡང་མི་ཆོགས། །འདི་དག་ཕེབས་པའི་ཡོན་ཏན་ཡང་། །གང་དང་གང་དུ་བབས་པ་ཡི། །ཡུལ་ཁམས་དེ་དག་ཐམས་ཅད་དུ། །ནད་དང་མི་ངས་བགེགས་རྣམས་ཞི། །གནོད་སྦྱིན་སྲིན་པོ་མ་རུངས་པ། །དྲག་པོ་གཏུམ་པོའང
274b5 ལྷན་ནེར་འགྱུར། །རྒྱལ་པོ་འཁྲུགས་དང་ཁམས་འཁྲུགས་དང་། །ཡུལ་ཁམས་འཁྲུགས་པའང་ཞི་བར་འགྱུར། །འབྲས་བུ་ལོ་ཏོག་འཕེལ་སྨིན་ཅིང་། །ཡིད་དུ་འོང་བ་ཐམས་ཅད་འབྱུང་། །ཡུལ་དེ་དམངས་དང་རྒྱལ་པོ་ཡི། །ས་བོན་ཐམས་ཅད་བུ་ཕོར་འགྱུར། །བདེར་བཅས
274b6 མཚན་ལྡན་རིགས་མཐོན་ནི། །བུ་ཕོ་ཀུན་ཀྱང་འབྱུང་བར་འགྱུར། །འདི་དག་སུ་ལ་འཆད་པ་རྣམས། །རིག་འཛིན་ས་དང་སྐལ་བ་མཉམ། །འཇིག་རྟེན་འདི་ཡི་བསོད་ནམས་ཀྱང་། །འཁོར་ལོས་སྒྱུར་རྒྱལ་དག་དང་མཉམ། །དེ་ཡི་དགོངས་པ་ཀུན་དུ་འགྲུབ། །ཚེ་དང་སྐོངས
274b7 དང་ལས་འགྲུབ་འགྱུར། །ཕྱིན་ཅད་བླ་མེད་བྱང་ཆུབ་ནི། །ས་ལ་རེག་པའི་རྟགས་ཆེན་ཡིན། །གཞན་ཡང་ཡོན་ཏན་བསམ་མི་ཁྱབ། །དེ་དག་རང་གི་རང་བཞིན་དུ། །གནས་པའི་ཡོན་ཏན་དེ་དག་གོ། །བསྒྲུབས་ན་ཡོན་ཏན་བསམ་མི་ཁྱབ། །སེམས་ཅན་རྣམ་པ་ཐམས
iiif viewer powered by OpenSeadragon
