| e-texts navigator |
| Wylie |
274a1 རྟེན་དུ་དབུལ་བར་བྱ། །འདི་ནི་སྦྱོར་བ་ཀུན་གྱི་མཆོག་།དེ་སྐད་སེམས་དཔའ་མཆོག་དེས་སྨྲས། །གྲོགས་པོ་དག་དེ་དག་ནི་མེའི་བྱ་བས་ཡོངས་སུ་ཤེས་པར་བྱའོ། །རྡོ་རྗེ་གསང་བ་ཆོས་ཀྱི་སྤུན། །མེ་ཡི་བྱ་བ་ལས་བྱུང་བ། །གདུང་ཞེས་གྲགས་པའི་ཤ་རི་རམ། །དཔག་མེད
274a2 ཇི་སྲིད་དུས་དག་ནས། །གྲངས་མེད་སྤྲུལ་པའི་རྒྱལ་བ་དག་།མྱ་ངན་འདས་པར་གྱུར་ཕྱི་ན། །མེད་པ་ལས་བྱུང་སྐུ་གདུང་ནི། །སྐུ་ཡི་གདུང་དང་རིང་བསྲེལ་ཞེས། །འགྲོ་བའི་བསོད་ནམས་རྟེན་དུ་གྲགས། །རྒྱལ་བ་རྣམས་ནི་དངོས་མེད་པས། །སྐུ་གདུང་རིང་བསྲེལ་མི
274a3 སྲིད་ན། །སེམས་ཅན་རྣམས་ལ་ཕན་དོན་དུ། །མེད་ལས་ཐུགས་རྗེའི་ཆོ་འཕྲུལ་བཞག་།དེ་བཞིན་གང་དུ་གང་བྱུང་བའི། །གང་འདིར་སྣང་བ་སྒྲོན་མ་དག་།མྱ་ངན་འདས་པའི་སྐུ་གདུང་ཡང་། །ཤ་རི་རམ་ཞེས་གྲགས་པར་འགྱུར། །དེ་ཡི་ལས་ཀྱང་དེ་བཞིན་ནོ། །དེ
274a4 ལ་སོགས་པའི་རྒྱལ་བ་རྣམས། །རང་འབྱུང་རྗེས་གནས་འབྱུང་བཅས་རྣམས། །ཚུལ་མཐུན་གཅིག་པར་གྱུར་པ་ཡི། །སྐུ་གདུང་ས་བོན་བྱིན་བརླབས་ཀྱི། །ཡོན་ཏན་ཆ་ལས་རྩིར་འཕེལ་བ། །འཛམ་གླིང་ས་ཁམས་ཁྱབ་པར་སྣང་། །གདུང་ལས་བྱུང་ཕྱིར་སྲ་མཁྲེགས་ཟླུམ།
274a5 ཐ་སྐད་རྡོ་རྗེ་རབ་ཏུ་གྲགས། །ལྒང་བུ་ཟུར་གསུམ་ཏིལ་ལྒང་འདྲ། །གཞོན་ཚེའི་མར་རམ་འོ་མར་སྣང་། །ནར་སོན་སྨིན་རྟགས་སྲ་ཞིང་མཁྲེགས། །ཙ་ན་ཀ་ཡི་འབྲུ་བཞིན་དུ། །དཀར་ལ་ཙན་དམར་ཁ་དོག་གསལ། །ཟོས་པའི་ཡོན་ཏན་བསམ་མི་ཁྱབ། །བདུད་རྩི་སྨན་གྱི
274a6 མཆོག་ཏུ་གྲགས། །དེ་བཞིན་རིག་འཛིན་སེམས་དཔའ་རྣམས། །མི་ཡི་ལུས་སུ་སྤྲུལ་པ་དང་། །གང་ཟག་ས་པ་ཆོས་མིག་ལྡན། །བསོད་ནམས་དཔལ་ཞིང་དག་པ་དག་།སྡོང་བུ་སྙིང་པོར་སྦྱངས་ཕྱི་ན། །སྐལ་བ་ཅན་ལ་སྣང་བ་ནི། །ལ་ལ་དག་ལ་ཤ་རི་རམ། །ལ་ལ་དག་ལ
274a7 རིང་བསྲེལ་སྐུ། །སྐལ་ངན་དག་ལ་སྣང་མི་འགྱུར། །ལ་ལ་སྣང་བར་གྱུར་ན་ཡང་། །སྦྱོར་བ་དག་ལ་ཡུན་དུ་རྟག་།མ་དག་ནུབ་ཅིང་འབྲོས་པར་འགྱུར། །ཡིད་དུ་འོང་དང་མི་འོང་བའི། །འབྱུང་བའི་ལྟས་ནི་སྟོན་པར་བྱེད། །ཡོད་པར་རྟག་པ་མ་ཡིན་ལ། །མེད་པ་རླག་པར་ཡང
iiif viewer powered by OpenSeadragon
