| e-texts navigator |
| Wylie |
273b1 བར་ཁང་དག་གི་གླེགས་བམ་ལ། །རོ་ཡི་བཞིན་ཕྱོགས་རོ་བཞིར་བསྟན། །རོ་ཡི་སྟེང་ཁང་ཡང་ཐོག་ཏུ། །རས་ལ་སོགས་ལ་བྲིས་པ་ཡི། །ཕྱག་རྒྱའི་དཀྱིལ་འཁོར་གསལ་བར་དགོད། །རོ་ཁང་གློ་སྐར་བཞི་ཕྱེ་ལ། །རྡོ་རྗེ་གཟུངས་ཀྱི་རྒྱུད་ཐག་བཞིས། །བཏགས་ནས་བླ
273b2 མའི་ཕྱག་ཏུ་ཕུལ། །ཤིང་གི་བྱ་བ་རྫོགས་པ་དང་། །དེ་ཡི་ཕྱི་མཐའ་སྟེགས་བུ་ལ། །རྣམ་བཞི་ལས་ཀྱི་ལྷ་རྣམས་དགོད། །སྟེགས་བུ་རྫོགས་པར་གྱུར་པ་དང་། །རྡོ་རྗེ་ལས་ཀྱི་སྒོས་བཏབ་པ། །རྡོ་རྗེ་རྒྱལ་པོ་བླ་མ་ལ། །འཁོར་བ་སྲེག་པར་མངའ་གསོལ་ཏེ། །མི་གཡོ
273b3 མེ་ཆེན་རྩེ་གཅིག་པས། མི་ཡི་འདུ་འཕྲོ་རྒྱུན་དུ་བྱ། །རྡོ་རྗེ་སྔགས་ཀྱི་ལས་སྦྱར་ལ། །རྣམ་བཞི་ལས་ཀྱི་མངའ་གསོལ་ཏེ། །ལས་ཀྱི་ཕྲེང་བ་རྫོགས་པར་བྱ། །བླ་མ་རྡོ་རྗེ་དམ་པ་ཞིག་།རོ་ཡི་ཉེས་པའི་མཐའ་བཟུང་ནས། །ལས་ཀྱིས་བསགས་པ་བགྲང་ཞིང
273b4 གཤེགས། །སྐབས་སྦྱོར་རྡོ་རྗེ་བླ་མ་ཡིས། །བླ་མེད་མཆོད་པ་རྒྱུན་དུ་བྱ། །བྲོ་གར་གླུ་ཚིག་སྟབས་ཆེན་གྱིས། །མཆོད་པ་རོལ་མོ་སྣ་ཚོགས་དབུལ། །རྡོ་རྗེ་ལས་ཀྱི་སྨོན་ལམ་གདབ། །མཆོད་སྐབས་ལས་ཀྱི་མཇུག་ཏུ་བྱ། །རྡོ་རྗེ་ལས་ཀྱི་ལྟ་འཛིན་པས། །དཀར་བྱང
273b5 ལས་ཀྱི་ལྟ་བཟུང་སྟེ། །ལེགས་མཐའ་དམ་པ་རྣམས་ལ་དབུལ། །རོ་ཡི་ཉེས་མཐའ་གང་འཛིན་པས། །མཚན་མ་ནག་པོ་བུད་ཤིང་དག་།ཡེ་ཤེས་མེ་ཡི་ཀློང་དུ་སྲེག་།མེ་སྦྱོར་མེ་ལ་གནས་པའི་ལྷ། །མེ་ཡི་སངས་རྒྱས་འོད་དཔག་མེད། །མེ་ཡི་ལྷ་མོ་གོས་དཀར
273b6 མོ། །རྒྱལ་བ་ཀུན་གྱི་འོད་ཡིན་ཏེ། །འབྱུང་བ་མེ་ལ་དབང་བསྒྱུར་ཞིང་། །ཐམས་ཅད་ཀུན་གྱི་དྲོད་བདག་ཡིན། །སྲིད་གསུམ་སྲེག་པར་ཞལ་གྱིས་འཆེས། །དངོས་པོ་སྲེག་པའི་ཕྲིན་ལས་ནི། །ཐུགས་དམ་དབང་གིས་ཡང་མི་འདའ། །གང་གི་སྒྲིབ་སྲེག་དེ་ཉིད་མཁྱེན། །
273b7 རོ་ཡི་རྣམ་ཤེས་བྱང་མ་བྱང་། །མེ་ལ་མཁས་པས་དེ་བཞིན་བརྟག་།མི་སྡུག་ཚུལ་འབྱུང་སྲེག་སྦྱང་བྱ། །གལ་ཏེ་ལེགས་ན་མེ་དབང་བསྐུར། །ཐལ་བ་སྐུ་གདུང་རིང་བསྲེལ་དང་། །ཕྱག་རྒྱའི་དཀྱིལ་འཁོར་ལ་སོགས་བྱ། །དམ་པ་ཞིག་ན་གདུང་བཏགས་ཏེ། །བླ་མའི
iiif viewer powered by OpenSeadragon
