| e-texts navigator |
| Wylie |
270b1 གམ། །ཡུད་ཙམ་ཉིན་གཅིག་ཟླ་རེ་འམ། །ལོ་ཡི་ཉི་མ་བཀྲ་ཤིས་ཀྱི། །དུས་ལ་བབ་པའི་དུས་ཆེན་དག་།བྱིན་གྱིས་བརླབས་པའི་དུས་ཆེན་ཡིན། །ཇི་ལྟར་འབྱོར་པའི་ཡོ་བྱད་རྣམས། །དག་དང་མ་དག་ཁྱད་པར་གྱིས། །གཙང་མ་ཁ་ཟས་ལ་སོགས་དང་། །རྣམ་རྟོག
270b2 ནད་འཇོམས་བདུད་རྩི་རྣམས། །རྒྱལ་བའི་ཚོགས་དང་འབྱུང་པོ་ལ། །ཇི་ལྟར་འབྱོར་ལྡན་ནན་ཏན་བྱ། །བདག་དང་གཞན་དང་གཉིས་ཀ་དང་། །ཆོས་ཀྱི་དོན་དུ་མི་འགྱུར་བའི། །སྐྱོན་བཞི་སྤངས་ཏེ་བཟློག་ཚུལ་སྦྱར། །རྣལ་འབྱོར་སྙིང་དང་མིག་ལྟ་བུར། །གདུང་བའི
270b3 འདུ་ཤིས་ཉེར་གཞག་སྟེ། །ཇི་བཞིན་འདོད་ལྟར་བདེ་བར་སྦྱར། །ལྷ་རྣམས་མཉེས་པར་བྱ་བ་དང་། །བགེགས་རྣམས་ཞི་བར་བྱ་བ་དང་། །དོན་གྲུབ་ཤི་བ་གསོ་བའི་ཕྱིར། །ལས་འདི་སྤྱད་པར་ཤིན་ཏུ་གཅེས། །འདི་དག་བློ་ཆུང་གསར་ཞུགས་པའི། །མདུན་དུ
270b4 བརྗོད་པར་བྱ་བའི་རིགས། །རྫས་དང་ཡོ་བྱད་ཐམས་ཅད་ཀྱང་། །ཅིས་འདུལ་དེ་ལྟར་རྩལ་དང་སྦྱར། །དེས་ན་ལས་འདི་ཁྱད་པར་ཡང་། །ཚོགས་ལ་ཚོགས་བསྐྱེད་སྒྲིབ་སྦྱངས་ཏེ། །བསྙེན་པ་དག་ལ་གོམས་བྱས་ནས། །བསྒྲུབས་པས་འབྲས་བུ་མཐར་ཕྱིན
270b5 པའོ། །དེ་སྐད་སེམས་དཔའ་རྡོ་རྗེ་དེས། །འདུས་པ་ཕལ་མོ་ཆེ་ལ་བཤད། །འདུས་པ་ཀུན་གྱི་དོན་མཐོང་བ། །རྡོ་རྗེ་འཛིན་པ་དེ་ལ་གསོལ། །སེམས་དཔའ་ཆེན་པོ་བདག་ཅག་གིས། །ཆོས་རྣམས་ཀུན་གྱི་རང་བཞིན་ནི། །ཐབས་ཉིད་ཤེས་རབ་ཉིད་བཀོད
270b6 དང་། །ཀུན་ནས་མཉམ་དང་བཅུ་དྲུག་ཆ། །ཡི་གེ་ཚོགས་དང་འབྱུང་བའི་དབྱིངས། །གཉིས་མེད་དྲ་བར་འབྲེལ་ལ་སོགས། །རང་བཞིན་ཏིང་འཛིན་གཟུགས་བརྙན་དུ། །སྣང་བར་ངེས་པར་མཐོང་ལགས་སོ། །དེ་སྐད་གསོལ་པས་དེས་གསུངས་པ། །གང་འདིར
270b7 འདུས་པའི་ཚོགས་མེད་ཀུན། །ཇི་ལྟར་མཐོང་བ་དེ་ལྟར་ཡིན། །ཡེ་ནས་མ་བཅོས་ཇི་བཞིན་ཉིད། །རང་བཞིན་དཀྱིལ་འཁོར་དེ་ཁོ་ན། །དགོངས་པ་དམ་པ་ལྷུན་གྲུབ་པ། །ཏིང་འཛིན་དཀྱིལ་འཁོར་དམ་པ་ཉིད། །དེ་དག་རྩ་བ་སེམས་ཉིད་པས། །སེམས་ཅན་གཟུགས
iiif viewer powered by OpenSeadragon
