| e-texts navigator |
| Wylie |
270a1 པོའི་ཡུལ་དེ་ཉིད། །རྩལ་དང་ལྡན་པའི་གསང་སྒོ་བ། །འདི་ལ་གསང་སྒོ་དབྱེ་བར་བྱའོ། །གསང་འདིར་ཆུད་པའི་བུ་རྣམས་ནི། །བློ་གྲོས་ཆེན་པོ་ཐབས་ལྡན་པས། །མི་སྐྲག་དགའ་བའི་ངོ་མཚར་སྐྱེ། །གསང་ཆེན་གསང་བའི་དཀྱིལ་འཁོར་འདི། །
270a2 རྡོ་རྗེ་རྒྱལ་པོ་རྒྱལ་མོར་བཅས། །ལྔ་གཉིས་ཟུང་དུ་འཁྲིལ་བ་ནི། །གཡས་ནས་གཡོན་དུ་འཁྲིལ་ཚུལ་སྦྱོར། །གཡས་ཉིད་བྱང་ཆུབ་རྡོ་རྗེ་དང་། །རང་རང་མཚན་མ་འབར་བའོ། །གཡོན་ཉིད་སྒྲ་བརྙན་དྲིལ་བུ་དང་། །རྟགས་ཀྱིས་མཛེས་པར་གསལ་བ་ལ། །འཕྱོ་ཞིང
270a3 འདུད་པའི་མདངས་ལྡན་པས། །ཆགས་ཤིང་གཡོ་བའི་ཚུལ་གྱིས་ནི། །སེང་ཆེན་གཡོ་བའི་ཚུལ་གྱིས་ནི། །སེང་ཆེན་ཁྱུ་མཆོག་ལ་སོགས་པ། །སེམས་པ་དམན་པའི་ལུས་ཁྲི་ལ། །རྫོགས་པའི་ཚུལ་གྱིས་བསྒྱིངས་བཅས་ཏེ། །ཁ་དོག་ལྔ་ཡི་འོད་འབར་བ། །
270a4 བཅུ་གསུམ་ཆ་ལུགས་བསྒེགས་པ་རྣམས། །རིམ་གྱིས་སམ་ནི་ཅིག་ཅར་བསྐྱེད། །གང་འདིར་འདོད་ཁམས་ཆགས་ཞེན་པའི། །དབང་པོ་རིམ་པར་སྦྱང་བར་བྱ། །དེ་མིན་ཡབ་ཡུམ་ཡང་མི་དམིགས། །གསང་ཉིད་ཚོགས་ཀྱི་འཁོར་རྣམས་ཀྱང་། །གནས་འགྱུར
270a5 བ་ཡི་རང་བཞིན་གྱིས། །ཕྱག་རྒྱ་རྒྱལ་པོ་རྒྱལ་མོར་བཅས། །བརྒྱད་གཉིས་ཟུང་སྒྲིལ་འཁྲིལ་འབྱུང་སྦྱོར། །ས་དང་ནམ་མཁའ་སྤྱན་རྡོ་རྗེ། །བྱམས་དང་རྡོ་རྗེ་ཀུན་བཟང་དཔལ། །ནང་དང་ཕྱི་ཡི་ཡོ་བྱད་ནི། །བཞི་གཉིས་དག་གིས་མཉེར་སྦྱོར་བ། །བསམ་བྱ་ལ
270a6 སོགས་དེ་བཞིན་ནོ། །རྡོ་རྗེ་སྒོ་དང་བཅས་པར་ནི། །རྡོ་རྗེ་འཁྲིལ་འཁྱུད་གསང་བའི་ཚོགས། །རྣལ་འབྱོར་ལོངས་སྤྱོད་ཆེར་སྦྱར་བས། །མཉེས་ནས་སྦྱར་ཕྱིར་རིམ་བཞིན་དབུལ། །གསང་བའི་འཇུག་ཚུལ་ལ་སོགས་ཀྱིས། །གསང་བའི་དོན་རྣམས་བསྒྲུབ་པར་བྱ། །
270a7 འཇུག་སྒོ་སྤྱོད་དང་ལྟ་བ་མཐུན། །ཐམས་ཅད་གཅིག་པར་གྱུར་པ་ཡི། །རྒྱུ་དང་རྐྱེན་ལྡན་ཕུན་སུམ་ཚོགས། །མཛའ་འཕྲོད་རྐྱེན་དང་དགྱེས་སྦྱོར་ལྡན། །ལྷ་དང་རིག་འཛིན་རྣལ་འབྱོར་རིལ། །མ་ལུས་ཚོགས་པས་ཆོས་འདི་སྤྱད། །སྐད་ཅིག་ཡུད་ཙམ་ཐང་ཅིག
iiif viewer powered by OpenSeadragon
