| e-texts navigator |
| Wylie |
26b1 ཞེས་ཞུས་སོ། །ཀྱེ་སེམས་དཔའ་ཆེན་པོ་ཉོན་ཅིག་།སྐུ་ནི་ང་སྲས་རྒྱལ་བ་གསུམ་གྱི་སྐུ། །གདུང་ནི་དུས་གསུམ་རྒྱལ་བ་ང་ཡི་སེམས། །དུས་མེད་རྟག་ཏུ་སེམས་དཔའ་འདི་འཆང་ན། །དུས་གསུམ་སངས་རྒྱས་རྣམས་ཀྱི་མཆོད་པའི་རྟེན། །སྐུ་གདུང་རིང
26b2 བསྲེལ་ཞེས་ནི་དེ་ལ་བྱ། །ཀྱེ་སྟོན་པའི་སྟོན་པ་ཀུན་བྱེད་རྒྱལ་པོ་ལགས། །སྐུ་གདུང་རིང་བསྲེལ་དེ་ལྟར་ལགས་ན་ཡང་། །དེ་ལ་དུས་གསུམ་སངས་རྒྱས་ཇི་ལྟར་མཆོད། །མཆོད་པ་ལ་ནི་ཡོན་ཏན་ཅི་ཞིག་མཆིས། །ཞེས་ཞུས་སོ། །ཀྱེ་སེམས་དཔའ
26b3 ཆེན་པོ་ཁྱོད་ཉོན་ཅིག་། ང་ཡི་སྐུ་གདུང་རིང་བསྲེལ་དེ་ལ་ནི། །དུས་གསུམ་སངས་རྒྱས་རྟག་ཏུ་སེམས་ལྟས་མཆོད། །དེ་ཡི་ཡོན་ཏན་མི་འབྲལ་དེ་ཐོབ་ནས། །ཆོས་རྣམས་ཀུན་བྱེད་རྒྱལ་པོ་ནུས་པར་འགྱུར། །ཞེས་གསུངས་སོ། །བྱང་ཆུབ་ཀྱི་སེམས
26b4 ཀུན་བྱེད་རྒྱལ་པོ་ལས་སྐུ་གདུང་གཏད་པའི་ལེའུ་སྟེ་བཅུ་བདུན་པའོ། ། །།དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོ་དེས་ཆོས་ཐམས་ཅད་ཀྱི་ཆོས་ཉིད་ང་ཉིད་ཡིན་པའི་ལུང་འདི་གསུངས་སོ། །ཀྱེ་སེམས་དཔའ་ཆེན་པོ་ཉོན་ཅིག་།སྣང་སྲིད
26b5 སྣོད་བཅུད་ཐམས་ཅད་ཀུན། །སྣང་ནི་ང་ཡི་ངོ་བོར་སྣང་། །དག་ནི་ཆོས་ཉིད་དབྱིངས་སུ་དག་།འདུལ་བ་རྣམ་པ་སྣ་ཚོགས་སྟོན། །སྐུ་གསུམ་སྣ་ཚོགས་བྱུང་ནས་ནི། །ཐེག་པ་གསུམ་ནི་ངོ་ཡང་སྟོན། །རྒྱུ་འབྲས་ཅན་ནི་དེས་ཚིམ་བྱེད། །འདས་པ
26b6 ཡུལ་ལ་མི་ལྟོས་པས། །རྒྱུ་ལ་མི་བསྒྲུབ་འབྲས་མི་འདོད། །འདོད་པ་མེད་པའི་དགོངས་པ་དང་། །རང་བཞིན་ལྷུན་གྱིས་གྲུབ་པར་འགྱུར། །ཡེ་ནས་ཡིན་ལ་བྱ་མི་དགོས། །དོན་རྣམས་ཇི་བཞིན་བསྐྱོད་མེད་པས། །ཇི་བཞིན་པ་ལ་བསྒྲུབ་མི་དགོས། །
26b7 ཆོས་ཀུན་རང་བཞིན་ལྷུན་གྲུབ་ཕྱིར། །དུས་གསུམ་སངས་རྒྱས་གྲུབ་པས་ཀྱང་། །རྩོལ་ཞིང་སྒྲུབ་པའི་ལུང་མི་འབོགས། །བཙལ་ན་གང་བཙལ་ཏིང་འཛིན་དེས། །མི་གྲུབ་ཏིང་འཛིན་ནད་དུ་ཆེ། །ཀྱེ་སེམས་དཔའ་ཆེན་པོ། །ང་མིན་སྟོན་པ་ཐམས་ཅད
iiif viewer powered by OpenSeadragon
