| e-texts navigator |
| Wylie |
26a1 མེད། །སེམས་དཔའ་ཆེན་པོ་རྡོ་རྗེ་ཁྱོད་ཉིད་ཀྱང་། །ཀུན་བྱེད་ང་ཡི་རང་བཞིན་བསྟན་པའི་ཕྱིར། །ཁྱོད་ཀྱང་ང་ལས་ང་ཡིས་ཕྱུང་བ་ཡིན། །ཀུན་བྱེད་ང་ནི་ཆོས་ཀྱི་སྙིང་པོར་ཞོག་།ཀུན་བྱེད་ང་ནི་ཡེ་ནས་བྱས་ཟིན་གྱིས། །ད་གདོད་བྱ
26a2 དགོས་ཀུན་ལ་ལུང་མ་སྟོན། །ད་གདོད་བྱ་དགོས་འཁོར་ལ་ལུང་བསྟན་ན། །འཁོར་རྣམས་རྩོལ་བའི་ནད་ཀྱིས་ཟིན་པར་འགྱུར། །རང་འབྱུང་ཡེ་ཤེས་མེད་པའི་སྐྱོན་དུ་འགྱུར། །བྱང་ཆུབ་སེམས་ལ་འཆོས་པའི་སྐྱོན་དུ་འགྱུར། །དེ་བཞིན་ཉིད་ལ
26a3 འཆོས་པའི་སྐྱོན་དུ་འགྱུར། །སྐྱོན་གྱིས་ཡོན་ཏན་ཁྱད་དུ་གསོད་པར་འགྱུར། །གྱིས་བདེན་པ་བསླུས་པས་བསླད་པས་ན། །མིན་པའི་རྩོལ་བས་བྱ་མེད་ཡིན་མ་སྒྲུབ། །སེམས་དཔའ་ཁྱོད་ཀྱིས་ཀུན་བྱེད་ང་རིག་གིས། །ང་ཡིས་བྱས་པའི་ཆོས
26a4 རྣམས་ཐམས་ཅད་ཀུན། །ཡེ་ནས་རང་འབྱུང་ཡེ་ཤེས་དེ་བཞིན་ཉིད། །སྟོན་གསུམ་ང་ཡི་རང་འབྱུང་ཡེ་ཤེས་ཡིན། །བསྟན་པ་གསུམ་ཡང་ང་ཡི་དེ་བཞིན་ཉིད། །འཁོར་རྣམས་ཀུན་ཀྱང་སེམས་དཔའ་རྡོ་རྗེའི་ཚུལ། །དུས་གནས་ཕུན་སུམ་ཚོགས་པ
26a5 ཐམས་ཅད་ཀུན། །ཀུན་བྱེད་རྒྱལ་པོ་ང་ཡིན་བྱང་ཆུབ་སེམས། །ཞེས་གསུངས་སོ། །བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལས། །སེམས་དཔའ་རྡོ་རྗེ་ལ་གདམས་ངག་ཕོག་པའི་ལེའུ་སྟེ་བཅུ་དྲུག་པའོ།། །།དེ་ནས་བྱང་ཆུབ་ཀྱི་སེམས་ཀུན
26a6 བྱེད་རྒྱལ་པོ་དེས་ཉིད་ཀྱི་སྐུ་གདུང་འདི་ཟུང་ཤིག་པར་གསུངས་སོ། །ཀྱེ་སེམས་དཔའ་ཆེན་པོ་འདི་ཟུང་ཞིག་།སྐུ་གདུང་རིང་བསྲེལ་རྟག་འཆང་ན། །རྒྱལ་བའི་ཡང་མེས་ཀུན་བྱེད་ང་དང་མཉམ། །ཞེས་གསུངས་སོ། །དེ་ནས་སེམས་དཔའ་རྡོ་རྗེས་ཞུས་པ། །ཀྱེ
26a7 དུས་གསུམ་སངས་རྒྱས་ཀུན་གྱི་ཡང་མེས་པོ། །སྟོན་པའི་སྟོན་པ་ཀུན་བྱེད་རྒྱལ་པོ་ལགས། །སྐུ་གདུང་རིང་བསྲེལ་རྟག་ཏུ་ཟུང་ཞིག་པ། །སྐུ་ནི་རྒྱལ་བ་གང་དང་གང་གི་སྐུ། །གདུང་ནི་སངས་རྒྱས་གང་དང་གང་གི་གདུང་། །རིང་བསྲེལ་ཞེས་ནི་ཇི་ལྟ་བུ་ལ་བགྱི། །
iiif viewer powered by OpenSeadragon
