| e-texts navigator |
| Wylie |
269b1 པ། །དེ་བཞིན་ཉིད་དུ་སྦྱངས་པས་ན། །མཉམ་པས་སྟོང་པར་གྱུར་པ་ལ། །ཐམས་ཅད་ཆོས་སྐུར་རྫོགས་བྱང་ཆུབ། །སྡུག་བསྔལ་བྱང་ཆུབ་གཉིས་མེད་དེ། །རྨད་བྱུང་སེམས་བསྐྱེད་ལས་ཆེན་སྤྱད། །ཕྲ་མོ་དྲོད་དུ་གྱུར་པ་ན། དམ་པ་སྤྱད་ན་ཉི་མ་འཆར། །དུས་འདི་རྒྱུན
269b2 གྱི་བར་ཆད་ན། །སྙན་པ་དག་གིས་བཟློག་པར་དཀའ། །བར་ཆད་བྱུང་ན་བསྐང་གསོ་བྱ། །མཁའ་ལ་ཟླ་གསལ་གྲཝ་རྒྱས་བཞིན། །ས་ལ་རྣལ་འབྱོར་གྲཝ་རྒྱས་སྤྱད། །གང་འདི་རྒྱས་ན་བསོད་ནམས་དང་། །བསྔོ་བ་ཆེན་པོའི་ལས་རྣམས་བྱ། །དེས་ནི་ཉི་ཟླ་ཞོན་འགྲོ་བའི། །
269b3 རིག་འཛིན་ས་ལ་གནས་ཕན་ཆད། །བདེ་ཆེན་བཅུ་གསུམ་ས་ལ་འགྲུབ། །གཞན་ཡང་རྒྱུན་དུ་བྱ་བ་ནི། །ཆོས་ཀུན་རྒྱལ་བའི་རང་བཞིན་ཏེ། །རྒྱལ་བ་སྐུ་གསུང་ཐུགས་སུ་སྣང་། །སྐུ་དང་གསུང་ཐུགས་ཕྱག་རྒྱ་དག་།ཡི་གེ་ཕྲེང་བ་ཉིད་ལ་རྫོགས། །ཡི་གེ་ཕྱག་རྒྱའི
269b4 ཡེ་ཤེས་རྣམས། །རྒྱུན་གྱི་རྒྱུན་དུ་བྱ་བ་ཡིན། །དེས་ནི་རྒྱུན་གྱི་ཏིང་འཛིན་ཐོབ། །རྒྱུན་གྱི་རྒྱུན་དུ་མི་གཅད་པ། །རྡོ་རྗེ་ནམ་དང་ཉི་ཚོད་ལ། །ཡི་གེའི་ཚོགས་ནི་བསྐྱེད་སྦྱར་ལ། །མཆོད་བསྙེན་བཅས་སྦྱར་དེ་བཞིན་ནོ། །འདི་ནི་དོན་དམ་ཉེ་བའི་ལམ། །དམ་པ་བསྐྲུན
269b5 པར་འགྱུར་ཕྱིར་རོ། །འདིར་ནི་རྒྱུན་གྱི་རྒྱུན་ཚོགས་དེས། །དམ་པའི་དམ་པར་དེ་ཉིད་འགྱུར། །གཞན་ཡང་རྡོ་རྗེ་དྲ་བའི་དབྱིངས། །ཐུགས་ཀྱི་གསང་ཆེན་གསང་བ་འདི། །རྡོ་རྗེ་རྡོ་རྗེ་ཡིན་པས་ན། །རྡོ་རྗེ་དབང་ཡུལ་འབྲེལ་པས་ནི། །ཐམས་ཅད་འབྱུང་བས་དབྱིངས་ཞེས
269b6 བྱ། །རྡོ་རྗེ་འཛིན་མ་འཛིན་རྫོགས་བཅས། །འཁྲིལ་མཉམ་པ་ཡང་དེ་བཞིན་ཏེ། །གཟུགས་བརྙན་ཏིང་འཛིན་རང་བཞིན་གནས། །ཇི་ལྟར་རིམ་བཞིན་སྦྱར་བྱས་ན། །ཇི་ལྟར་འདོད་པ་དེ་ལྟར་ནི། །འདོད་པའི་ཁམས་ལྟར་མཉམ་པར་གསུངས། །གཞན་ཡང་གང
269b7 དུ་གང་འབྲེལ་པའི། །གསང་ཆེན་དམ་པའི་དཀྱིལ་འཁོར་ནི། །ཆོས་རྣམས་ཀུན་གྱི་རང་བཞིན་འདི། །ཕན་ཚུན་དྲ་བས་འབྲེལ་པ་ལ། །སྟོང་ཉིད་ནམ་མཁའི་རང་བཞིན་ལས། །སྤྲུལ་པ་བྱེ་བ་ཅིར་ཡང་སྣང་། །གཉིས་མེད་དྲ་བའི་ཚུལ་དུ་འབྲེལ། །རྣལ་འབྱོར་ཆེན
iiif viewer powered by OpenSeadragon
