| e-texts navigator |
| Wylie |
268a1 ཡང་བཟློག་པར་འགྱུར། །རོ་ལངས་གྲུབ་པའི་རྐང་འགྱོགས་ནི། །དཔག་པའི་ཚད་ལས་འདས་པ་སྟེ། །སྐྱེས་བུ་རྩལ་དང་ལྡན་པ་ཡིས། །ཕྱོགས་བཞིར་བལྟས་ཏེ་དུས་གཅིག་ཏུ། །མདའ་འཕངས་ས་ལམ་བབས་པར། །མཐའ་བླངས་སྐད་ཅིག
268a2 འཇིག་རྟེན་བསྐོར། །སྐྱེས་བུ་ལག་ཚོད་མ་ཡལ་བར། །དེ་མ་ཐག་ཏུ་གནས་སུ་སླེབས། །ཡུད་ལྟར་ཤིན་ཏུ་མྱུར་བ་འཐོབ། །དེ་ལ་སོགས་པ་མཐའ་ཡས་པ། །རོ་ལ་འདོད་པ་ཐམས་ཅད་འབྱུང་། །རོ་ལ་རོར་བསྒྲུབས་རོ་གྲུབ་ན། །རོ་ཡི་དངོས་པོ་མི་སྣང་བར། །གང
268a3 ལྟར་བསྒྲུབས་པ་དེ་སྣང་ཕྱིར། །རོ་ལ་རྣམ་རྟོག་ག་ལ་ཡོད། །རོ་ལ་རོ་ཡི་རང་བཞིན་དག་།མེད་པར་ཤེས་པས་ཐག་ཆོད་བཞིན། །སྤྱོད་པས་དེ་ལྟར་མཉམ་སྤྱད་ན། །ལྟ་སྤྱོད་མཉམ་ཞེས་དམ་པས་བཤད། །འདི་ནི་ཤི་བ་སློང་བ་ཡི། །བདུད་རྩི་དམ་པའི་སྤྱོད
268a4 པའོ་ཞེས། །དགོངས་པ་དམ་པའི་ཀུན་འདུས་གསུངས། །གྲོགས་པོ་དག་དེ་དག་ནི་ཤི་བ་སློང་བའི་རྟོག་པ་ཡོངས་སུ་སྤྱོད་པར་ཤེས་པར་བྱའོ། །གྲོགས་པོ་དག་དེ་ལ་སྦྱོང་བའི་སྤྱོད་པ་གང་ཞེ་ན། འདི་ལྟ་སྟེ། རྟོག་པའི་ཟུག་རྔུ་སྦྱང་བ་དང་། རྒྱུད་ཡོངས་སུ་སྦྱང་བའོ། །
268a5 དེ་ལ་རྟོག་པའི་ཟུག་རྔུ་སྦྱང་བ་ནི་གང་རྟོག་པའི་དངོས་པོ་སྦྱོང་བའོ། །གྲོགས་པོ་དག་རྒྱུད་ཡོངས་སུ་སྦྱང་བ་ནི་བཀོད་པའི་བྱ་བས་སྦྱང་བ་དང་། མེའི་བྱ་བས་སྦྱང་བའོ། །དེ་ལ་བཀོད་པའི་བྱ་བས་སྦྱང་བ་གང་ཞེ་ན། བརྩམ་པ་ལས་ཀྱི་དང་པོ་དང་། །དམ་པའི་དོན་ལ
268a6 འཇུག་པ་ན། ཐབས་མཆོག་ལྔས་ནི་སྦྱང་བར་བྱ། །རྡོ་རྗེ་དུས་ཚིགས་བསྙེན་པ་དང་། །གང་འདིར་ཉེ་བར་བསྒྲུབ་པ་དང་། །སྒྲུབ་པོ་ཆེན་པོས་སྦྱོར་བ་ལ། །གྲངས་དུས་མཚན་མར་བཅས་པར་བྱ། །རྣལ་འབྱོར་བཅད་པའི་བཀའ་སྒོ་འདིར། །གསང་སྒོ་མི་དབྱེ་སྐྲག
268a7 པར་འགྱུར། །ཅི་ཕྱིར་དང་པོ་ཡིན་པས་ན། །བྱིས་པ་བློ་ཤེད་མ་བྱེ་བ། །མ་ངེས་ལྡོག་འཇུག་བཅས་པ་ཡིས། །ཐེག་ཆེན་དོན་ལས་གོལ་བར་འགྱུར། །གནས་འདིར་འཇུག་པའི་བྱིས་པ་དག་།འཇིག་རྟེན་དྲུག་ལས་དྲངས་ནས་ཀྱང་། །འགྱུར་དབང་མ་ངེས་སར་བཞག
iiif viewer powered by OpenSeadragon
