| e-texts navigator |
| Wylie |
267b1 གྱིས། །དང་པོ་ལས་ཀྱི་ཁྱད་པར་ལས། །སོགས་པའི་རྣལ་འབྱོར་ཆུང་ངུ་རྣམས། །རང་རང་རྩ་བ་བོར་ནས་ནི། །རྩལ་ཆེན་རྫོགས་པའི་རྣལ་འབྱོར་ལ། །སོགས་པའི་རྣལ་འབྱོར་ཆེན་པོའི་ཚུལ། །སྤྱོད་པར་བྱེད་དང་དོན་འདོད་པ། །སྦལ་བུས་མཁའ་ལྡིང་ལས་སྤྱད་ཀྱང་། །
267b2 བཙལ་བའི་ཡུལ་ནི་ཆད་མ་ཡིན། །ནོར་བུ་ལས་ཀྱི་འཕང་དམས་པ། །རང་སྐལ་འཚོ་བའི་ཚོད་བོར་ནས། །རྒྱལ་པོ་ཐབས་ཀྱིས་འཕང་མཐོ་བའི། །ལོངས་སྤྱོད་ཆེ་ལ་དམིགས་བཅས་ཀྱང་། །དེ་དག་མི་འཐོབ་འཚོ་བྲལ་ཞིང་། །སྐལ་ལྡན་ཅན་གྱི་དོན་འདི་དག་།
267b3 སྐལ་ཞན་དག་གིས་འགྲུབ་པར་དཀའོ། །དེ་ཕྱིར་དགོངས་པ་ཀུན་འདུས་ལ། །གང་འདིར་རྣལ་འབྱོར་དམན་དོན་དུ། །གསོ་དང་སྦྱོང་བའི་སྤྱོད་པ་དག་།དམན་པ་དག་དང་མཉམ་པར་གསུངས། །གསོ་དང་བསླང་བའི་རྟོག་པ་འདི། །རྟོག་པ་ཅན་དང་མཐུན་པར
267b4 སྤྱད། །གསོ་བ་རྟོག་པས་ཟིན་པའི་ནད། །ལྟ་སྤྱོད་ཉམས་པའི་སྨན་གྱིས་གསོ། །ཤི་བསླང་བ་ཡི་རྟོག་པ་འདི། །ཁམས་གསུམ་འཁོར་བའི་ནད་པ་རྣམས། །རྟག་ཆད་མཐར་ཤི་རོ་གླིང་ནས། །གཏི་མུག་བམ་ཆེན་རོ་བླངས་ཏེ། །སྐྱེ་འགག་མེད་པར་བླང་བའི་ཕྱིར། །
267b5 རོ་ལ་ཡིད་བཞིན་ནོར་བུ་ཡི། །སྔགས་ཀྱིས་བཏབ་སྟེ་གནོན་པར་བྱ། །རོ་ཡི་གཉེན་པོར་བདག་གྱུར་ནས། །རོ་སྔགས་རྒྱུན་མི་འཆད་པར་བཟླས། །རོ་ཡི་གཟི་བྱིན་བྱུང་བ་ན། །བར་ཆད་མེད་པའི་བརྩོན་འགྲུས་བྱ། །རོ་དེ་འགུལ་བར་གྱུར་པ་དང་། །གང་གི་འགྱུར་རྩིས
267b6 བྱུག་པར་བྱ། །རོ་ཡི་ཡན་ལག་ཀུན་བཅིངས་ནས། །བཟླས་པ་དྲག་པོ་རྒྱུན་མི་གཅད། །གང་དེར་ལངས་པར་གྱུར་པ་དང་། །ཆོ་འཕྲུལ་འཇིགས་ཚལ་སྟོན་པར་བྱེད། །བརྟུལ་ཞུགས་ལྡན་པའི་སྐྱེས་བུ་ཡིས། །དེ་ཚེ་རོ་ཡི་ལྕེ་བཅད་ནས། །རོ་ལ་བརྡབས་ན་གསེར་དུ
267b7 འགྱུར། །དེ་བཞིན་ཇི་ལྟར་འདོད་པ་ཡི། །རྐྱེན་གྱིས་བསྒྱུར་ན་དེ་ལྟར་འགྱུར། །ལྕེ་བཤད་རལ་གྲི་མཚོན་ཆ་དང་། །རོ་ཡི་མགོ་བོ་གཅད་པ་དེས། །ཇི་ལྟར་འདོད་པའི་རྫས་འགྲུབ་སྟེ། །མགོ་ཐོད་གོ་ཆར་བཟུང་ནས་ནི། །ལྕེ་ཡི་རལ་གྲི་མཚོན་ཐོགས་ནས། །ལྷ་མིན་གཡུལ
iiif viewer powered by OpenSeadragon
