| e-texts navigator |
| Wylie |
266b1 འདི་ལྟ་སྟེ། ཐོབ་པ་དང་། མི་ཆགས་པ་དང་། མི་གོས་པ་དང་། སྲེག་པའོ། །རྟགས་གང་ཞེ་ན་འདི་ལྟ་སྟེ། གྲགས་པ་དང་། འགྱུར་བ་དང་། བཙན་པ་དང་། འབྱུང་བའོ། །གྲོགས་པོ་དག་ཐོབ་པ་གང་ཞེ་ན། འདི་ལྟ་སྟེ། བསྐུར་བས་ཐོབ་པ་དང་། རྩལ་གྱིས་ཐོབ་པའོ། །
266b2 གྲོགས་པོ་དག་དེ་ཡང་འདི་ལྟར་ཐོབ་པར་རིག་པར་བྱ་སྟེ། གང་འདིར་སྙིང་རྗེའི་ཡུལ་རྣམས་ལ། །བྱིན་བརླབས་འབྱུང་བ་གང་ཡང་རུང་། །འདུན་པའི་རྣལ་འབྱོར་པ་དག་ལ། །གླེགས་བམ་བཅུ་གཉིས་སྦྱིན་པར་བྱ། །གང་སྦྱོར་བ་ཡི་རྣལ་འབྱོར་ལ། །ཉི་ཟླ་གཉིས་ནི
266b3 སྦྱིན་པར་བྱ། །དབུགས་ཆེན་འབྱིན་པའི་རྣལ་འབྱོར་པས། །རིན་ཆེན་བདུན་ཉིད་ངེས་པར་འཐོབ། །ལུང་ཆེན་ཐོབ་པའི་རྣལ་འབྱོར་པས། །གཡུང་དྲུང་བརྒྱད་དག་ཐོབ་པ་ཡིན། །རྩལ་ཆེན་རྫོགས་པའི་རྣལ་འབྱོར་པས། །རྩལ་བཅུའི་ཁྱད་པར་དེ་ཉིད་འཐོབ། །ཀུན
266b4 གྱི་བླ་མ་དམ་པས་ནི། །རྟོག་སྟོང་འབར་བ་བླ་མེད་འཐོབ། །དགོངས་པ་ཀུན་འདུས་གསང་ཆེན་འདི། །མ་ཐོས་གཟུ་ལུམས་རང་བཤད་པས། །རབ་འབྱམ་བསྟན་པ་ཀུན་བརྩལ་ཡང་། །དམ་པ་མཐོང་བར་མི་འགྱུར་རོ། །ཇི་ལྟར་རྒྱལ་རིགས་རྒྱུད་བྱུང་བ། །མང་པོས
266b5 དབང་པོར་དཔོན་བསྟབས་ཏེ། །འཁོར་ལོ་ལ་སོགས་རིན་ཆེན་གྱིས། །ཀུན་ལ་དབང་སྒྱུར་ཐོབ་པ་ལྟར། །དེ་བཞིན་རྣལ་འབྱོར་རྒྱུད་བྱུང་བ། །ཆོས་ཀྱི་རྒྱལ་པོར་དབང་བསྟབས་ཏེ། །རྟོག་སྟོང་འབར་བ་ལ་སོགས་པས། །ཁྱད་པར་བླ་མ་དམ་པར་འགྲོ། །འདི་ནི་བླ་མའི
266b6 ཁྱད་པར་ཏེ། །རྒྱལ་སར་ངེས་པར་འབྱུང་བ་ཡི། །རྩལ་གྱིས་བགྲོད་ཅིང་བསླབ་པའི་ཐབས། །གོམས་པར་བྱ་བ་རབ་ཏུ་གཅེས། །ཀྱེ་གྲོགས་པོ་དག་དེ་དག་ནི་ཐམས་ཅད་འདུ་བར་བྱ་བ་ཡོངས་སུ་བགྲོས་པར་ཤེས་པར་བྱའོ། །དེ་སྐད་ཅེས་སྨྲས་པས། དམན་པ་དམ
266b7 པ་དག་ལུང་དམ་པ་བསྟན་པའི་དྲོད་ཐོབ་པར་གྱུར་ཏོ། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་རྣལ་འབྱོར་དམ་པ་ལུང་བསྟན་པའི་ལེའུ་ཞེས་བྱ་སྟེ་བདུན་ཅུ་པའོ།། །།དེ་ནས་ཡང་གསང་བ་པའི་བདག་པོ་དེས་དམན་པའི་ལུས་ཀྱི་སེམས
iiif viewer powered by OpenSeadragon
