| e-texts navigator |
| Wylie |
263b1 དང་། །ཐ་དད་རྣམ་པ་དུ་མར་སྣང་། །ཡོ་བྱད་མེད་པའི་ཕྱོགས་འཛིན་ལས། །འཇིག་པའི་ཚོགས་དང་མཐར་འཛིན་དང་། །ལོག་པར་འཛིན་དང་ལྟ་ཁྱད་དང་། །རང་གི་བརྟུལ་ཞུགས་མཆོག་འཛིན་ཏེ། །རིགས་མི་མཐུན་པ་སྡེ་ལྔར་གྲགས། །རང་བཞིན་ལོག་པས་ལོག་པ
263b2 ཉིད། །གཞན་རྐྱེན་ལོག་པ་ཕྲ་མེད་སྤྱོད། །ལུང་ལ་བརྟེན་དང་རྟགས་ཙམ་འཛིན། །བཅོས་མར་སྤྱོད་དང་མུ་ཅོར་སྨྲ། །ལུང་གི་ཕྱོགས་ཙམ་བརྟེན་པ་དང་། །ཕྱོགས་ལོག་གོལ་དང་བསླང་བས་འཆལ། །ཕྱོགས་ལྟོས་གཅོད་པ་རྣམ་བཞིར་གྲགས། །བཅོས་མ་གཞན
263b3 ལས་གྱུར་པ་དང་། །འདི་ལས་གྱུར་པ་གཉིས་ཁོ་ན། །གནས་དང་འཁོར་དང་ཡོ་བྱད་ནོར། །ལོངས་སྤྱོད་ལྔ་ལྡན་གཞན་ལས་གྱུར། །དྲན་པ་རྟག་ལྟ་ལྟོས་འཛིན་རྒྱུ། །མེད་པའི་མཐའ་དང་མཐའ་མེད་ཤེས། །ཀུན་ནས་རྣམ་པར་མི་གཡེང་ལྟ། །གོང་དུ་ཤེས་པ
263b4 ཡོད་སྨྲ་ལྟ། །དེ་བཞིན་མེད་པར་ལྟ་བ་དང་། །འདི་གང་འདི་ལས་གྱུར་ལྟ་བ། །གང་དུ་ཡོད་མིན་མེད་མིན་ལྟ། །བདག་ཤི་འདི་ཚེ་མྱ་ངན་འདས། །གང་འདིར་ཕྱོགས་ཙམ་བརྟེན་པ་ནི། །གང་མ་ཡིན་པ་མ་ཡིན་ཉིད། །ཕྱོགས་ལོག་གོལ་བར་གང་གྱུར་པ། །དྲུག
263b5 སྟེ་སོ་སོ་ཐ་དད་དང་། །སྤྱིར་ལྟ་གང་རིག་སྐྱོན་མེད་པའོ། །རྒྱུར་ལྟ་བྱམས་པས་དག་པར་ལྟ། །འཚོ་བ་བཅོས་པས་དག་ལྟ་དང་། །རྒྱན་ལ་ལྷམ་དང་གོས་བཅོས་པ། །སྐྲ་སྤུངས་བཅས་དང་རྒྱན་ཅན་དང་། །དཀའ་ཐུབ་སྟེན་པ་དྲུག་པའོ། །བསླད་པས
263b6 འཆལ་པ་གང་འདི་ལ། །བརྟེན་པས་བདག་ལྟ་རྟེན་རྟོག་དང་། །རྟེན་ཆགས་བྱིན་ཆགས་བཀྲ་ཤིས་མཚན། །སྐྱབས་ལོག་ཡོངས་སུ་འཆལ་པའོ། །ཕྱོགས་ལྟོས་གཅོད་པ་གང་ཞེ་ན། །ཕྱི་རོལ་པ་དང་ཡང་དག་པ། །གསང་སྔགས་པ་དང་གསང་ཆེན་པའོ། །གང
263b7 འདིར་ཕྱི་རོལ་རྣམ་པ་གསུམ། །བྱེ་བྲག་པ་དང་ཐ་སྙད་པ། །རང་སྣང་གཅིག་ཕྱོགས་གཅོད་པའོ། །ཡང་དག་ཕྲ་དང་ཟབ་པ་དང་། །རྒྱ་ཆེ་ཡངས་པ་དེ་ཁོ་ན། །གསང་སྔགས་རིག་བྱེད་རིག་སྤྱོད་དང་། །རིགས་སྦྱོར་དམ་པར་ཕྱོགས་ལྟོས་གཅོད། །གསང་ཆེན་བརྟུལ
iiif viewer powered by OpenSeadragon
