| e-texts navigator |
| Wylie |
261b1 མི་བྱའོ། །དམ་པའི་གནས་སུ་གྱུར་པ་ལ། །རྗེས་སུ་རིགས་དང་འཐད་པའི་ཡོན། །ནོར་གྱི་དབྱིག་དང་ན་བཟའི་མཆོག་།རྩི་མཆོག་ཟས་ལ་སོགས་པ་རྣམས། །དབུལ་དང་གསོལ་བས་མཉེས་པར་བྱ། །དེས་ནི་ནད་དང་དབུལ་ལ་སོགས། །བཀྲེས་དང་ཚ་བའི་སྡུག
261b2 བསྔལ་གྱིས། །ནམས་ཀྱང་འདེབས་པར་མི་འགྱུར་རོ། །ཞུ་བ་དབུལ་བ་ནད་པ་དང་། །ལུང་བྱང་འདུན་པར་འདུག་པ་དང་། །དམ་པའི་སྤྱོད་པ་མ་རྟོགས་པ། །དམ་པ་དག་དང་གནས་གཅིག་ཏུ། །ཞབས་འབྲིང་མ་རྟོགས་ནམས་ཀྱང་མིན། །འདི་ལྟར་མ་བྱས་ཉེས་བྱས
261b3 སོ། །སྐུ་ཡི་གྲིབ་མ་མི་འགོམ་ཞིང་། །ཞབས་རྗེས་བརླམ་པར་མི་བྱའོ། །ན་བཟའ་ཆགས་གདན་རྟེན་ལ་སོགས། །ནམས་ཀྱང་འགོམ་པར་བྱ་བ་མིན། །དམ་པའི་ལུང་བྱུང་མིང་གིས་བསྒྲུབ། །མིང་ལྕོགས་མ་ཡིན་མ་ལྕོགས་ན། །སྒྱུ་སོགས་མེད་པ་གནས་དོར་རོ། །
261b4 དམ་པའི་དཀོར་རྣམས་སྲོག་བཞིན་བསྲུང་། །དེ་ཡི་ཉེ་གནས་དམ་པ་བཞིན། །དེ་ཡི་འཁོར་གཡོག་ཉེ་དུ་བཞིན། །རྟག་ཏུ་མཉམ་པའི་སེམས་ཀྱིས་བལྟ། །ཁྲི་མལ་སྟན་བདེ་བླ་མའི་ཐབས། །མི་གུས་ལ་སོགས་མི་ཚུལ་རྣམས། །དམ་པའི་ཐད་དུ་ཡོང་མི
261b5 མཛེས། །བྱས་ན་སྲི་ཞུ་དམ་ཚིག་ཉམས། །མགོ་ལ་ཟེར་ལྡིར་གདུགས་ཐོགས་དང་། །ལག་རྟེན་ལུས་བརྟེན་དེ་བཞིན་སྟོད། །གང་འདིར་མ་རབ་ཐོར་བུའི་ཐབས། །སྣང་བའི་ཡུལ་ནས་བྱ་མ་ཡིན། །དམངས་རིགས་གདོལ་པ་གཡུང་མོའི་ཚུལ། །དམ་པའི་གཟིགས
261b6 ཡུལ་ནམས་ཀྱང་མིན། །ཁུ་ལྗོ་སྨྱོན་པ་ཀུན་དུ་རྒྱུའི། །སྤྱོད་པ་དམ་པའི་ཡུལ་དུ་མིན། །སྣང་བའི་ལུང་ལ་གང་འབྱུང་སྤྱོད། །ཇི་ལྟར་སྤྱོད་བྱུང་སྤྱོད་པ་བྱུང་། །འཇམ་དལ་ཐོས་འཕྲིགས་དོགས་བཞིན་སྤྱད། །དམ་པའི་སྤྱོད་པའི་སྣང་ཡུལ་ནས། །བག་མེད་ཆེ་བའི
261b7 ཐབས་མི་བྱ། །བསྒྲུབས་ནས་མཛེས་པའི་ཚུལ་བཟུང་སྟེ། །བག་དང་ལྡན་པས་གནས་པར་བྱ། །ལུས་ཀྱི་དོར་བ་གང་དག་ཀུན། །མཐོང་ཚོར་ཡུལ་ནས་ཡོད་མི་བྱ། །སྣང་བ་ལུས་ཀྱི་བྱ་བྱེད་རྣམས། །བློ་གྲོས་ལྡན་པས་བྱ་བ་མིན། །འདུས་ནས་འདུ་གང་བྱེད་སྤྱོད་རྣམས། །
iiif viewer powered by OpenSeadragon
