| e-texts navigator |
| Wylie |
260a1 ཟེ་རྒྱལ་པོ་རྣམས། །བསད་བརླག་ཡོངས་སུ་བཅོམ་བྱས་ན། །དེ་དག་རྟག་ཏུ་བདེ་བའི་མཆོག་།དེ་བསྟན་དེ་ཡིས་དེ་སྤྱད་ནས། །བདེ་མཆོག་བདེ་དང་ལྡན་པ་ཡིན། །དེ་བཞིན་བཀའ་ཡི་ལྡེམ་དགོངས་ལ། །མདོ་དང་དོན་གལ་ཆེ་ཡོད་པས། །
260a2 སྐྱབས་ཆེན་དམ་པར་བཟུང་བ་དེ། །ཚད་མ་དམ་པར་ཡིད་ཆེས་ན། །དེ་ཡི་ལུགས་ཀྱང་དམ་པར་བྱ། །ལང་ཀའི་བདག་པོ་གང་གི་ཚེ། །གསང་བ་མཆོག་གི་བདག་པོ་དེས། །ཁོ་བོ་ལ་ནི་འདི་སྐད་བསྒོ། །སེམས་དཔའ་རྡོ་རྗེ་འཛིན་པ་ཉོན། །བསྐལ་པ་འབུམ་གྱི
260a3 སངས་རྒྱས་པས། །སློབ་དཔོན་གཉན་པར་ཤེས་པར་བྱ། །ཅིའི་ཕྱིར་བསྐལ་པའི་སངས་རྒྱས་རྣམས། །སློབ་དཔོན་དག་ལ་བརྟེན་ནས་བྱུང་། །སློབ་དཔོན་དག་ལ་མ་བརྟེན་པར། །སངས་རྒྱས་རྣམས་ཀྱང་མི་འབྱུང་སྟེ། །འབྱུང་བར་ཡང་དག་ངས་མ་མཐོང་། །བྱུང
260a4 ན་དམ་པའི་ལུགས་དང་འགལ། །དོན་དང་ལྡན་པའི་དམ་པ་ལ། །དུས་གསུམ་དུས་ནི་ཐམས་ཅད་དུ། །ཕྱོགས་བཅུའི་ཞིང་ན་བཞུགས་པ་ཡི། །བདེ་གཤེགས་རྒྱལ་བ་ཀུན་བྱོན་ན། །སྔགས་དང་འདུན་པས་ཕྱག་མཛད་དོ། །སེམས་དཔའ་ལྷ་དང་མི་དག་དང་། །དེ
260a5 བཞིན་ཀླུ་དང་གནོད་སྦྱིན་དང་། །སྲིན་པོ་ལོག་ལྟ་ཅན་དག་གིས། །རིག་པ་འཛིན་པ་ཀུན་འདུས་ནས། །སྤྲུལ་པའི་མེ་ཏོག་ཀུན་འཐོར་ཞིང་། །བླ་མ་བཤེས་གཉེན་དམ་པ་ཁྱོད། །བདག་ཅག་རྣམས་ཀྱི་ཕ་ལགས་སོ། །བླ་མ་བཤེས་གཉེན་དམ་པ་ཁྱོད། །
260a6 བདག་ཅག་རྣམས་ཀྱི་མ་ལགས་སོ། །བླ་མ་བཤེས་གཉེན་དམ་པ་ཁྱོད། །བདག་ཅག་རྣམས་ཀྱི་མགོན་ལགས་སོ། །མི་ཤེས་རྨོངས་པའི་བློ་གྲོས་མཁན། །ལམ་སྟོར་རྣམས་ཀྱི་ས་མཁན་ལགས། །མུན་ཁུང་འཁྱམས་པའི་སྒྲོན་མ་ལགས། །གདུང་བ་སེལ
260a7 བའི་རིན་པོ་ཆེ། །ཉི་མའི་ཞལ་ལ་ཕྱག་འཚལ་འདུད། །ནམ་མཁའི་ཐུགས་ལ་ཕྱག་འཚལ་འདུད། །ཟླ་བའི་སྐུ་ལ་ཕྱག་འཚལ་འདུད། །པདྨའི་ཞབས་ལ་ཕྱག་འཚལ་འདུད། །འདི་ལྟར་དགའ་དང་གུས་པ་ཡིས། །སྔགས་དང་འདུན་པས་ཕྱག་མཛད་དོ། །དེའི་ཕྱིར
iiif viewer powered by OpenSeadragon
