| e-texts navigator |
| Wylie |
256b1 རྒྱལ་མཚན་རྩེ་ལས་དཔོག་མི་བྱ། །རྣལ་འབྱོར་ཐབས་ཀྱི་ཁྱད་པར་ཅན། །རྩལ་ཅན་རྣམས་ཀྱི་དམ་ཚིག་སྟེ། །སྐལ་ལྡན་དག་གི་ནོར་མཆོག་ཡིན། །རྒྱུན་དུ་སྦྱང་བའི་ནོར་མཆོག་ནི། །རྡོ་རྗེ་ལས་ཀྱི་བསམ་གཏན་དག་།རྡོ་རྗེ་གོ་ཕུར་ཏྲོམ་ཆེན་གྱིས། །སྲོག
256b2 ལ་བར་ཆད་བྱེད་པའི་དགྲ། །ཉོན་མོངས་ཐིབས་པོ་དེ་གཞོམ་བྱ། །སྙོམ་ལས་ལེ་ལོའི་གཞིར་གྱུར་པ། །ཐུགས་ཐུབ་ར་ཅོད་ང་རྒྱལ་རི། །དྲེགས་བྱེད་དབང་པོ་ཉམས་པའི་བཅུད། །དཔའ་བྱེད་རྐྱེན་ཡང་བསྡམ་པར་བྱ། །ཐེག་ཆེན་གསང་སྔགས་མ་གཏོགས་པ། །མཚན
256b3 མ་གང་དག་བྱིས་པའི་ཚིག་། ཟུར་ཡང་བརྗོད་པར་མི་བྱ་ཞིང་། །ཐམས་ཅད་དེ་ཉིད་ཁོ་ནར་བྱ། །ཇི་ལྟར་གསད་པའི་མི་གང་དག་།གཤེད་མ་མིས་ནི་གསོད་པའི་ཚེ། །ཐར་པའི་ཐབས་ལ་བརྩོན་པ་ལྟར། །ལེ་ལོ་དགྲ་བཅོམ་བརྩོན་པར་འབད། །རྣལ་འབྱོར་སྒྲིབ་པའི
256b4 གགས་བསལ་བ། །དཀའ་ཐུབ་སྡོམ་པའི་མདུད་པ་ཅན། །འདོད་སྤྱོད་ཞེན་དང་མི་མཐུན་དང་། །གཅིག་ལ་གང་འདིར་མི་གཅིག་པ། །ཕྱི་ནང་ཅན་དང་གནོད་སྦྱོར་ཅན། །འདོད་མྱོས་བྱིང་རྨུགས་བརྐམ་པ་དག་།དད་མེད་རྩ་ཉམས་འཕྱར་གཡེང་ཅན། མཁས
256b5 པ་ཡོངས་ཀྱིས་སྤང་བར་བྱ། །དེ་ནི་རྣལ་འབྱོར་བགེགས་ཡིན་ཏེ། །རྣལ་འབྱོར་བར་དུ་གཅོད་པར་བྱེད། །རྣལ་འབྱོར་ངེས་པར་ཞུགས་པ་ལ། །རྒྱུན་གྱི་བར་དུ་གཅོད་པའི་བདུད། །རྣམ་རྟོག་འཕྲིག་པ་ཆེན་པོ་དང་། །གང་ལ་བཏང་སྙོམས་ལེ་ལོ་དང་། །ལོངས་སྤྱོད
256b6 འདུ་འཛི་གཡེང་བ་དང་། །ཚིག་རྩུབ་མཚོན་ཆ་རྣོན་པོ་དང་། །ཁྲོ་གཏུམ་ངང་ཐུང་ཤིན་ཏུ་འཁྲུག་།རྣལ་འབྱོར་སྦྱོར་བའི་བདུད་ལྔ་ཡིན། །ཡང་དག་དོན་ལ་སྒྲིབ་པ་སྟེ། །གཉེན་པོ་བྱང་ཆུབ་སེམས་མཆོག་གིས། །ཞི་བ་ཆེན་པོའི་ངང་དུ་བཟློག་།རྣལ་འབྱོར་ནོར
256b7 ལ་འཕྲོག་པའི་དགྲ། །ཐབས་ལ་མཁས་པས་དུལ་བར་བྱ། །གང་གི་རྣལ་འབྱོར་རང་བཞིན་བཅོས། །དྲང་སྲོང་ཉིད་ལས་ཉམས་འགྱུར་ཏེ། །ཁ་ན་མ་ཐོ་གྲགས་པ་ཡིས། །དེ་དག་བཅས་དགར་འགྱུར་བའི་དགྲ། །ལྟ་དམན་སྤྱོད་རྩིང་འཆོལ་བ་ཡིས། །ལུགས་པོར
iiif viewer powered by OpenSeadragon
