| e-texts navigator |
| Wylie |
255a1 རྩད་ནས་ཕྱུང་སྟེ་མེད་པར་བྱེད། །ཅི་ཕྱིར་ལྡུམ་ཟས་དེ་དག་ལ། །དུག་འཕེལ་གྱུར་ན་འཆི་ཕྱིར་རོ། །གང་དག་ཉམས་འགྱུར་དུག་ཅན་དེ། །བརྟུལ་ཞུགས་ཅན་གྱི་རྣལ་འབྱོར་པས། །གནས་སམ་ལོ་ཡིས་ཤུགས་ཏེ་སྤང་། །གང་དག་མི་སྤོང་མགོན་བྱེད
255a2 པ། །དེ་དག་གསང་བའི་དམ་སྲི་ཡིན། །དོན་ལ་རྣལ་འབྱོར་གང་ཞིག་གིས། །ཐ་ཚིག་ཟབ་མོར་བཅས་རྣམས་ལ། །བསྲུང་བའི་བསམ་པ་མི་གཡོ་བཞིན། །རྩ་བ་ཡན་ལག་བཅས་རྣམས་ལ། །གལ་ཏེ་མ་ཚོར་ཞིག་འགྱུར་ཡང་། །རྣམ་སྨིན་ཡོད་ཀྱང་རྩ་མི་ཉམས། །
255a3 ཇི་ལྟར་གླང་པོ་ཨེ་ན་ཡ། །ཤི་ནས་རོར་ནི་གྱུར་མོད་ཀྱང་། །གི་ཝང་རྩིས་ནི་དོན་བྱེད་ལྟར། །རྣལ་འབྱོར་ཉམས་ཏེ་རོར་གྱུར་ཀྱང་། །གཞན་གྱི་དམ་པར་དེ་འགྱུར་ཞིང་། །དེ་ཡི་དོན་བྱེད་ནུས་པ་ཡིན། །དེ་ལྟ་མོད་ཀྱང་འདི་ཀུན་རྣམས། །རྨི་ལམ་དུ་ཡང་མཐོང་མི་བྱ། །
255a4 ཅི་ཕྱིར་འོ་མ་ཉུང་ངུ་ཞིག་།རུལ་བས་འོ་མ་ཀུན་རུལ་བཞིན། །རྣལ་འབྱོར་ཉམས་འགྱུར་གཅིག་གིས་ནི། །རྣལ་འབྱོར་ཅན་ཀུན་མ་རུངས་འགྱུར། །འཁོར་བའི་གཡུལ་རྒྱལ་བྱེད་པ་ཡི། །ལོག་པའི་རྣལ་འབྱོར་ཐམས་ཅད་ཀུན། །དོན་དམ་ངེས་པའི་རྣལ་འབྱོར་པས། །
255a5 ཐམས་ཅད་བསྒྲིམས་ཏེ་སྤང་བར་བྱ། །གལ་ཏེ་མ་སྤངས་ལོག་སྤྱོད་ན། །འཁོར་བའི་གཡུལ་ནི་རྒྱལ་འགྱུར་ཏེ། །བདེན་པའི་བྱིན་བརླབས་མཐུ་ཆུང་འགྱུར། །ཀུན་ཀྱང་དགེ་སྤྱད་དོན་ཆུང་ཞེས། །ཡང་དག་དོན་ལ་ཡིད་འབྱུང་ཞིང་། །ལོག་པའི་ཆོས་ལ་གཞོལ་བར
255a6 འགྱུར། །ཀུན་གྱིས་ལོག་པའི་ལས་སྤྱད་པས། །ཡིད་དུ་མི་འོང་སྣ་ཚོགས་འབྱུང་། །དེས་ན་སྒྲོ་སྐུར་གཉིས་བྱས་པས། །བཀའ་ཡི་ཆད་པ་གང་ཡིན་པ། །ཡེ་ཤེས་ཅན་ལྟ་རང་བཞིན་གྱིས། །ནམ་ཡང་གནོད་པ་ཡང་མི་མཛད། །དེ་ཡི་འཁོར་ན་གནས་པ་ཡི། །དེ
255a7 དག་མ་རུངས་མཐུ་ཆེན་རྣམས། །རྣལ་འབྱོར་ལོག་པར་སྤྱོད་རྣམས་ཀྱི། །སྐྱོན་མཐོང་ཙམ་ན་ཆད་པས་གཅོད། །ཐམས་ཅད་ངན་འགྲོར་སྤྱིའུ་ཚུགས་ལྷུང་། །སྒྲུབ་པའི་གནོད་མཆོག་གཅིག་ཡོད་དེ། །འདི་དང་མི་མཐུན་ཀུན་རྫོགས་པའི། །རྒྱུད་ལྡན་དོན་ལྡན་དང་ཚུལ
iiif viewer powered by OpenSeadragon
