| e-texts navigator |
| Wylie |
251b1 དགྲར་གྱུར་པས། །ཟུག་རྔུའི་ནད་རྣམས་ཞི་བར་མཛོད། །དེ་སྐད་ཞུ་བ་འདུན་པ་ལས། །ཆེ་མཆོག་སྨན་གྱི་རྒྱལ་པོ་དེས། །དྲང་སྲོང་དེ་ལ་རྗེས་དགོངས་ནས། །སྔོན་འདུས་གསུངས་པ་གང་གསུངས་པ། །ཁམས་གསུམ་ཟ་མ་ཏོག་ནང་དུ། །སྲིད་གསུམ་སེམས་ཅན་དུག
251b2 ཆེན་རྣམས། །དུས་གསུམ་སངས་རྒྱས་རྩི་སྦྱར་བས། །རང་འབྱུང་བདུད་རྩིའི་དཀྱིལ་འཁོར་རྫོགས། །དེ་སྐད་ངེས་པར་གསུངས་པ་ལས། །ནག་པོ་ཀ་ལས་དོན་གསོལ་པ། །རང་བཞིན་སྣང་བའི་ལུས་འདི་ལས། །ཡོ་བྱད་ཆེན་པོ་ལྔ་བྱུང་བ། །དུག་ལྔ་སེལ་བའི་བདུད་རྩི་སྟེ། །
251b3 དྲང་སྲོང་རྣམས་ཀྱི་སྨན་གྱི་མཆོག་།དེ་སྐད་ངེས་པར་འདུན་པ་ལས། །སྨན་པ་དམ་པས་འདི་སྐད་གསུངས། །རང་འབྱུང་གདོད་ནས་དག་པ་སྟེ། །རྩ་བརྒྱད་སྟོང་ལ་སྦྱར་བའི་སྨན། །རིགས་ལྔ་དམ་ཚིག་ལྔ་ཡི་དངོས། །ཡེ་ཤེས་ལྔ་རྫོགས་གྲུབ་པའི་རྫས། །རྒྱུད་ལྔའི
251b4 སེམས་ཅན་ཀུན་སྒྲོལ་ཕྱིར། །དུག་ལྔ་སེལ་བའི་བདུད་རྩི་མཆོག་།དེ་སྐད་ཅེས་གསུངས་ནས་ཅང་མི་གསུང་བར་བཞུགས་སོ། །དེ་ནས་ཀ་ལ་ནག་པོས་ཡང་གསོལ་པ། །རང་ལས་བྱུང་བས་གཞན་བྱུང་མིན། །དངས་སྙིགས་ཁོ་ནར་ཟད་པས་དག་།རྩ་བ་བརྒྱད་དང
251b5 ཡན་ལག་སྟོང་། །ཉིས་སྦྱར་ལྔ་དག་རྫོགས་པར་འགྱུར། །དེ་སྐད་ཞུ་བ་འདུན་པ་ལས། །འཁོར་དེར་འདུས་པར་གྱུར་པའི་སྲས། །བློ་གྲོས་ཐབས་ལྡན་ཁྱོད་ཉིད་ཀྱིས། །ཞེན་པ་འགྲོལ་བའི་ཐབས་འདི་སྨྲས། །ཟག་པ་ཕྱི་མ་རྫས་ལྔ་པོ། །འབྱུང་བ་དང་ནི་ཟས་ཁམས
251b6 ཀྱི། །རྒྱུན་གྱི་རྒྱུ་ལས་བྱུང་བས་ན། །རང་ལས་མ་བྱུང་གཞན་འབྱུང་ཡིན། །གྲོགས་པོ་དམ་པས་དེ་སྨྲས་པས། །ཀ་ལ་ནག་པོས་ཡང་སྨྲས་པ། །ཇི་ལྟར་གལ་ཏེ་དེ་ལྟར་ན། །འགལ་བ་ཉིད་དུ་ཡིན་ཟིན་ན། །རང་འབྱུང་རང་འབྱུང་ཞེས་བྱ་བའི། །ཆོས་དེ་གང་ནས་རྙེད་པར
251b7 འགྱུར། །དེ་སྐད་དྲི་བ་དྲིས་པ་ལས། །དམ་པ་ཉིད་ཀྱིས་དེས་བླན་པ། །རྒྱུ་དང་རྐྱེན་ལས་མ་བརྟེན་པར། །གང་ཞིག་འབྱུང་བའི་ཆོས་ཡོད་ན། །གཞན་ལས་མ་བྱུང་བྱེད་མེད་པས། །ཆོས་དེ་རང་འབྱུང་ཉིད་དུ་འདོད། །དེ་སྐད་སྨྲས་པས་དེ་ལན་དུ། །ཀ་ལ་ནག་པོས་འདི་སྐད
iiif viewer powered by OpenSeadragon
