| e-texts navigator |
| Wylie |
250a1 ལེ་ལོ་གཡེང་བའི་ས་གཞི་ལ། །བརྩོན་འགྲུས་མྱུར་བ་ཅང་ཤེས་སྟབས། །ཚངས་པའི་དབྱངས་ཀྱི་སྙན་པའི་གླུ། །དོན་གྲུབ་རྡོ་རྗེ་གསང་བའི་ཚིག་།ང་རྒྱལ་རི་བོའི་ས་གཞི་ལ། །དཔའ་བོ་ཚམ་ངམ་གྱད་ཀྱི་སྟབས། །སིལ་སྙན་འབུམ་གྱིས་སྙན་པའི་གླུ། །ཞི
250a2 གནས་མི་རྟོག་ནམ་མཁའི་ཚིག་། ཀུན་ནས་འདུས་པའི་ས་གཞི་ལ། །ཁྱུ་མཆོག་ལྔ་ཡིས་རོལ་པའི་སྟབས། །གླུ་གར་ཡིད་འཕྲོག་སྙན་པའི་གླུ། །འཛིན་པའི་རྟོད་ཕུར་འབྱིན་པའི་ཚིག་།གཏི་མུག་འདུས་པའི་ས་གཞི་ལ། །སེང་གེ་རྔམ་པས་རོལ་པའི་སྟབས། །ཀ་ལ
250a3 པིང་གའི་དབྱངས་སྙན་གླུ། ཡེ་ནས་དོན་གྱིས་གསལ་བའི་ཚིག་།ཆགས་པ་འདུས་པའི་ས་གཞི་ལ། །རྡོ་རྗེ་ཁྱུང་ཆེན་ལྡིངས་པའི་སྟབས། །འབྲུག་ཆེན་འདིར་བས་སྙན་པའི་གླུ། །ཡིད་བཞིན་ནོར་བུ་འབར་བའི་ཚིག་།ཞེ་སྡང་འདུས་པའི་ས་གཞི་ལ། །ཁྲོ་བོ་མ་རུངས་ཁྲོས་པའི་སྟབས། །སྲིན
250a4 མོ་མ་རུངས་ཁྲོས་པའི་གླུ། །རྡོ་རྗེ་བུ་ཡུག་སྐར་མདའི་ཚིག་།རྨད་འབྱུང་གསང་བའི་དཀྱིལ་འཁོར་ནས། །ཡེ་ཤེས་འབར་བའི་མེ་འབྱུང་བས། །ཁམས་གསུམ་འཁོར་བའི་བུད་ཤིང་བསྲེགས། །སྲིད་གསུམ་འཁོར་བའི་ཁྲག་མཚོ་བསྐམས། །ང་རྒྱལ་རི་བོ་རྨང་ནས་བཤིག་།ཞེ་སྡང
250a5 འབར་བའི་མེ་དབལ་གསད། །གཏི་མུག་མུན་པ་གཏན་ནས་བཅོམ། །འཁོར་བ་འདུས་པའི་འདམ་རྫབ་བསྐམས། །ལང་ཀའི་བདག་པོ་འདི་དག་ནི། །གང་གི་ཆ་དང་མཐུན་སྦྱར་བས། །དམ་པའི་དོན་ལ་སྦྱར་བ་ཡིས། །བྱིས་པ་འདྲིད་པའི་རོལ་པའོ། །ལང་ཀའི་བདག་པོ
250a6 གཞན་ཡང་གང་། །ཐབས་འཛུད་བསྲེ་བའི་བརྟུལ་ཞུགས་ནི། །འཇིག་རྟེན་ལོག་སྲེད་ཇི་ལྟ་བར། །བརྟུལ་ཞུགས་སྤྱོད་པའི་ཁྱད་པར་སྤྱོད། །ཝ་དང་ཅང་ཤེས་གྱི་ལིང་དང་། །ཤིན་ཏུ་གླང་ཆེན་མྱོས་འདྲ་བ། །དཔའ་བརྟུལ་ཟ་བྱེད་གཏུམ་རྔམ་འཁྲུག་།མཁའ་ལྡིང་ཁྱུང
250a7 ཆེན་གང་མི་ལྟ། །གཏུམ་ཐུང་སྡོང་ཆེན་འཇིགས་འདྲིལ་བ། །གང་ཐུབ་མི་ལྡོག་རྒྱ་མཚོའི་གསེར། །མུན་ལྟར་ལྐུགས་པའི་བློ་ཚུལ་ལྡན། །ལྷུན་པོ་མི་འགྱུར་བརྟན་པ་ཆེ། །མཁའ་ལྟར་ཡངས་དོག་ཀུན་དང་བྲལ། །གནམ་ལྕགས་ལྕེ་ཡི་དྲག་ཤུལ་ཅན། །དྲག
iiif viewer powered by OpenSeadragon
