| e-texts navigator |
| Wylie |
249b1 གི་འཁོར་འདུས་པས། །དགའ་བས་གླུ་བྲོ་གར་གྱིས་བསྟན། །དགྱེས་པ་ཆེན་པོའི་གཉིས་པས་བསྟབས། །དེ་ཚེ་དམ་པའི་ཡུལ་མིན་ཡང་། །དམ་པ་གསང་བ་མཆོག་ཉིད་ཀྱིས། །དེ་ཉིད་སྤྱོད་མཐུན་དགྲོལ་བ་ཡིས། །ཡུལ་གྱི་དམ་པ་ཉིད་དུ་དགོངས། །གང་དེས་སྲས་ཀྱི
249b2 ཚོགས་འདུས་ལ། །ཀྱེ་མ་འདུས་པ་ཆེན་པོའི་ཚོགས། །ང་ཡི་གདུང་རྒྱུད་རིགས་བྱུང་གང་། །ལྷ་ཡི་རོལ་མོ་གླུ་བྲོ་གར། །སྙན་དང་འཇོ་སྒེག་མཛེས་པའི་སྟབས། །གང་གི་ཡིད་འཕྲོག་འཇུག་འདྲེན་ཐབས། །གླུ་ཡི་ཡན་ལག་སུམ་བརྒྱ་དང་། །སྟབས་དང་གར་ཐབས་མི
249b3 ཟད་པས། །ཀུན་སྡུད་ཀུན་མཉེས་ཆ་མཐུན་སྦྱོར། །དམ་པ་དེ་ཡིས་དེ་གསུངས་པ། །དེ་ནས་སྲས་ཀྱི་དེ་ཁོ་ན། །བློ་གྲོས་ཐབས་ལྡན་ཉིད་ཀྱིས་འདིར། །གང་དག་གང་འདུལ་རིག་ནས་ནི། །འཇིག་རྟེན་དྲུག་དང་མཐུན་སྦྱོར་ཕྱིར། །གང་གི་གནས་ནས་མཐུན་གཡོས་ཏེ། །
249b4 གར་མཆོག་གློག་ལྟར་འགྱུར་བ་ཡི། །དཔལ་ལྡན་ལག་པ་བྱེ་བ་ཡིས། །ནམ་མཁའི་ཁམས་འདི་ཡོངས་བཀང་ནས། །གོམ་པའི་སྟོབས་ཀྱིས་གར་བྱེད་ཅིང་། །གླུ་ཡི་ཡན་ལག་སུམ་བརྒྱའི་སྒྲ། །སྲིད་གསུམ་འབྲུག་སྒྲས་གང་བ་ལྟར། །མཐའ་ཐུག་མེད་པའི
249b5 འཇིག་རྟེན་དྲུག་། གང་བས་ཡིད་འཕྲོག་འདྲེན་པར་བྱེད། །ཐེག་ཆེན་རྨད་འབྱུང་གསང་བའི་ཚིག་།ཚིག་གཅིག་བསྒྱུར་བས་ཚིག་མཐའ་ཡས། །ཚིག་ལམ་རབ་ཏུ་བྲལ་བའི་དོན། །ཟབ་མོ་སངས་རྒྱས་སྤྱོད་ཡུལ་སྟོན། །ེ་མའོ་ངོ་མཚར་རྨད་ཀྱི་ཆོས། །རྨད་འབྱུང
249b6 རོལ་པའི་དོན་འབྱུང་ངོ་། །ཆ་མཐུན་སྦྱོར་བའི་ཁྱད་པར་ལས། །འཇིག་རྟེན་དྲུག་ཏུ་རོལ་པ་འབྱུང་། །འཁོར་བའི་ལམ་རྒྱུད་གཅད་པའི་ཕྱིར། །འཇིག་རྟེན་དྲུག་གི་སྙིང་པོ་ལ། །ཐུགས་རྗེ་ཐབས་ཀྱི་འོད་འཕྲོས་པས། །རྒྱུད་དྲུག་དངོས་པོ་ཐམས་ཅད་བསྲེགས། །སྤྱོད་ལམ
249b7 མ་ཆགས་ཡེ་ཤེས་ཀྱིས། །ཆ་མཐུན་ཐབས་སུ་སྦྱར་བའི་ཕྱིར། །འཇིག་རྟེན་བྱིས་པའི་སྤྱོད་པ་བཞིན། །འཇིག་རྟེན་བུ་མོ་དྲུག་དང་རོལ། །སྟབས་དྲུག་བསྐྱོད་པས་འགྲོ་དྲུག་བསྒྲལ། །གླུ་དྲུག་བླངས་པས་ཡུལ་དྲུག་དྲངས། །ཚིག་དྲུག་བསྒྲགས་པས་དོན་དྲུག་རྫོགས། །
iiif viewer powered by OpenSeadragon
