| e-texts navigator |
| Wylie |
246b1 མི་མཐུན་ཉེན་ཆེན་འབྱུང་། །གལ་ཏེ་དེ་ལ་དེ་འབྱུང་ན། །མགོན་བཙུན་དེ་ལ་དེ་ལས་མེད། །དེ་གང་མ་ཟིན་འབན་ཐག་ཆད། །གང་གི་དོན་དུ་གང་འགྱུར་ན། །ཕྲ་མོའི་ཕྲ་མོ་ཕྲ་ཡན་ཆད། །ཐམས་ཅད་ཐམས་ཅད་ཇི་ལྟ་བར། །ནན་ཏན་གྱིས་ནི་དགའ་ནས་བྱ། །སློང
246b2 མོ་པ་དང་སློང་ལ་དགའ། །སློང་ལ་འཚོ་བའི་ཚེ་སྤྱོད་རྣམས། །སྡེ་དང་ཚན་དང་གྲར་བྱས་ཏེ། །སྙིང་རྗེ་ཁུད་པའི་ཞིང་དུ་བྱ། །སྨན་དང་འབྲུ་དང་རྩི་རྣམས་དང་། །བཅུད་ཀྱི་མཆོག་ཏུ་གྱུར་པ་དག་།བཏགས་སམ་ཕྱེ་མར་བྱས་ནས་ཀྱང་། །ཀླུང་ངམ་ཆུ་གང་མཚོ་ཆེན
246b3 དུ། །དོར་ཏེ་ཆགས་མེད་སྦྱིན་པར་བྱ། །གང་གི་རྟེན་དུ་ཁས་བླངས་ཏེ། །ནད་གསོ་གང་སློབ་སྤྱོད་སྒོམ་གྲ། །བཙུགས་ཏེ་བསྟི་གནས་མཆོག་བྱ་ཞིང་། །དུས་ཀྱི་འཁོར་ལོའི་མཆོད་སྦྱིན་བྱ། །གང་ལ་དམ་པའི་ལུང་བྱུང་བ། །གསུང་གི་མཆོད་རྟེན་ཀུན་རྟེན་ཏེ། །བརྗོད
246b4 དང་བསྙེན་བཀུར་བསྟི་གནས་ཀྱིས། །རྒྱ་ཆེ་ཡངས་པའི་ལམ་རྣམས་བྱ། །གང་གི་དམ་པ་འཕེལ་འགྱུར་བ། །འདི་ལྟར་ངེས་པའི་དམ་པ་དག་།སྨྲའམ་སྦྱིན་ནམ་བསྟན་ནམ་ཁྲིད། །དེ་ཡི་ཡེ་ཤེས་ཚད་མེད་འགྱུར། །གོམས་དང་གོམས་པར་བྱེད་པ་ཡིས། །གང་དེ
246b5 དག་པར་བྱ་བའི་ཕྱིར། །བསམ་ཡུལ་བྱ་བ་མང་པོ་ལ། །དེ་ཉིད་ཡུལ་གྱི་རྩལ་རྣམས་སྦྱང་། །དམ་པའི་འཁོར་ལོ་རབ་བསྐོར་ཏེ། །རྒྱུད་སྦྱང་ལྷག་པའི་ཤེས་རབ་བལྟ། །ཤོ་གམ་སྲང་དང་ཤོ་གམ་ལམ། །མི་བདེའི་གནོད་པ་ཀུན་བསལ་ཏེ། །ཚད་མེད
246b6 སྙིང་རྗེའི་འཁོར་ལོ་བསྐོར། །སྦྱིན་པའི་འཁོར་ལོ་རྒྱུན་མི་གཅད། །ཆུ་འམ་ས་འམ་ནམ་མཁའ་འམ། །མེ་འམ་དེ་བཞིན་རླུང་རྣམས་ལ། །སྐུ་གདུང་སྤེལ་མཆོད་རིང་བསྲེལ་རྣམས། །བརྩམ་པའི་ལས་ཆེན་འཁོར་ལོར་བྱ། །མཚམས་མེད་ཟློག་པར་བྱེད་པ
246b7 ཡི། །ལུས་སེམས་རྒྱུད་ལ་རྡུལ་རླགས་ཏེ། །འཕགས་པའི་སྤྲིན་ཚོགས་ཕོ་བྲང་དུ། །རྡུལ་སྙེད་ལུས་ཀྱིས་མཆོད་སེམས་བཤགས། །རྒྱལ་མཉེས་ལས་ཀྱི་ཤིང་བསྲེགས་པ། །ཐབས་ཆེན་སྦྱོར་བའི་ལམ་ཆེན་ལས། །རྣམ་བཞི་མེ་ཡི་ལས་མཆོག་བྱ། །
iiif viewer powered by OpenSeadragon
