| e-texts navigator |
| Wylie |
243a1 དུས་གནས་འཇིག་ནུབ་མཚན་ཉིད་ལས། །ཐ་དད་བྱེ་བྲག་ཐམས་ཅད་དུ། །བཤིག་ནས་མེད་སྨྲ་ཡོད་ཅེས་འདོད། །མོས་པ་ཆུང་བས་དེ་ལས་མིན། །གང་འདིར་རྣལ་འབྱོར་ཕྱོགས་རིག་པ། །འདི་ཀུན་གང་འདིར་ཁོ་ན་བས། །དངོས་མེད་རྣམ་ཤེས་ཉིད
243a2 དུ་སྣང་། །དེ་ཉིད་མ་བཅོས་དེ་བཞིན་ཉིད། །ཡོད་པས་ཆོས་སྐུ་རྟག་པར་འདོད། །ངེས་པར་འབྱེད་པའི་རྣལ་འབྱོར་པ། །གང་དག་སྒྱུ་མའི་མཚན་ཉིད་དུ། །སྣང་བས་ཀུན་རྫོབ་བྱ་བ་བྱེད། །ངེས་པར་དབྱེ་བ་མེད་པའོ། །ལ་ལ་དེ་ལྟར་དེ་ངེས་ཏེ། །དེ་ལས་མ་གཏོགས་དེ
243a3 འོང་མིན། །དེ་ཉིད་དེས་ནི་དངོས་མེད་ཕྱིར། །དམ་པ་ཉིད་དུ་མེད་པའོ། །ལ་ལ་གང་མ་ཟིན་པའི་ཕྱིར། །དེ་སྣང་བ་ནི་གང་ནའང་རུང་། །ཕྲ་རབ་ས་ནི་རྣམ་ཀུན་མཁྱེན། །སླུ་འདྲིད་པ་ལྟར་ཡོད་མ་ཡིན། །དམ་པ་ཉིད་ཀྱི་དམ་པ་གང་། །ཆོས་ཉིད་ཡེ་ནས་སངས་རྒྱས་ལ། །
243a4 དེ་མིན་ལྟ་བ་བཟློག་པའི་ཕྱིར། །ཡེ་ནས་སངས་རྒྱས་ཞེས་བརྗོད་པ། །ཐ་སྙད་ཙམ་དུ་བརྗོད་པར་ཟད། །ཡེ་ནས་བརྗོད་པ་ཚིག་གི་ལམ། །ཐ་སྙད་གཉིས་དང་བྲལ་བ་ལ། །སྒྲོ་སྐུར་ཚིག་གི་སྙད་མི་གདགས། །བརྗོད་པའི་ཐ་སྙད་ཚིག་ལམ་འདས། །ནམ་མཁའ་འདི་ནི
243a5 ཡོད་མེད་ཅེས། །བླུན་པོ་རྣམས་ནི་རྩོད་པར་འགྱུར། །མཁས་པ་རྣམས་ནི་དེ་ལྟ་མིན། །གང་དེ་རྩོད་ལ་ངོ་མཚར་ཆེ། །དེ་བཞིན་ཉིད་འདི་ཡོད་མེད་ཅེས། །བྱིས་པ་རྣམས་ནི་རྩོད་པར་འགྱུར། །སྐྱེས་བུ་གང་དག་དེ་ལྟ་མིན། །རྩོད་པ་ཤེས་རབ་འཆལ་པར་ཟད། །འདི
243a6 ལྟར་སྣང་བའི་ཆོས་ཐམས་ཅད། །ཡེ་འམ་ངང་གིས་སངས་རྒྱས་ལ། །མིན་ལས་ཡིན་པར་འགྱུར་མ་ཡིན། །ངོ་བོ་ཉིད་ཀྱི་དེ་ཉིད་ལ། །ཡིན་དང་མིན་ཞེས་ཅི་བྱར་ཡོད། །ནམ་མཁའ་འདི་ནི་མེད་དོ་ཞེས། །མི་ཤེས་གང་གིས་རྟོག་པར་བྱེད། །གང་ཤེས་ཡེ་ནས་ཡང་མི
243a7 རྟོག་། མིན་པར་མི་རྟོག་ཚིག་མི་བརྗོད། །རྒྱུ་དང་ལས་དང་རྣམ་གྲངས་ལ། །མཚན་ཉིད་ངེས་པ་ངོ་བོ་དང་། །འབྲས་བུ་དགོས་ཆེད་རེ་རེ་འབྱུང་། །འདི་ལྟར་འདིར་ནི་གང་གི་རྒྱུ། །རང་འབྱུང་དེ་ཉིད་རྟོག་དཔྱོད་བཅས། །གང་དག་གང་ལ་སྐྱེ་མཆེད་པ། །གཉིས་པོ་འདི
iiif viewer powered by OpenSeadragon
