| e-texts navigator |
| Wylie |
242a1 ལུས་མཐར་འགོག་གཉིས་མཚུངས་མིན། །སློབ་པའི་ས་དང་དེ་མི་མཚུངས། །རྣལ་འབྱོར་སེམས་པ་རྟོག་མཐའ་དང་། །གང་མཚུངས་དེ་འདྲ་དེ་མི་མཚུངས། །དེས་ན་རྣམ་དག་ལམ་ཆེན་ནི། །སེམས་ཀྱི་གསང་འདི་ཡིན་པས་ན། །དགོངས་པ་ཀུན
242a2 ལས་འདུས་པ་ཡི། །གསང་བའི་ལམ་འདི་ཤེས་བྱས་པས། །བཙལ་བའི་བྱ་བ་རྒྱུ་མེད་དེ། །ལམ་འདི་མཐོང་བ་དེ་ཉིད་ཀྱིས། །དཀའ་བ་རྩོལ་བ་གང་མེད་པར། །ཐམས་ཅད་ཐམས་ཅད་གྲུབ་པ་ཡིན། །སེམས་ཀྱི་གསང་བ་གར་གནས་པ། །དེ་ནི་དབེན་པ་དམ
242a3 པ་སྟེ། །དགོན་པ་ཆེན་པོ་མཆོག་ཉིད་དུ། །དགོངས་པ་ཀུན་ནས་འདུས་པ་གསུངས། །དེ་ཉིད་དཔག་མེད་གཞལ་ཡས་མཆོག་།རྨད་འབྱུང་ནོར་བུ་ཡིད་བཞིན་ཁང་། །མ་བྱས་རང་བྱུང་ཕྱི་ནང་མེད། །ཀུན་དུ་ནང་དུ་གྱུར་པ་ཡིན། །གང་འདིར་གང་འདུས་ཚོགས་མ
242a4 ཡིན། །དེ་ལ་དེ་ཉིད་ཚོགས་འདུས་མཆོག་།ཆོས་ཀུན་བསྡུས་པས་འབྱུང་བ་མེད། །དཔག་མེད་རྒྱལ་བ་དགྱེས་པའི་མཆོག་།གང་འདིར་འདོད་སྤྱོད་ཡོ་བྱད་ཡིན། །དེ་ཉིད་ཡོ་བྱད་ཆེན་པོ་སྟེ། །ལྷག་པའི་ཡོ་བྱད་འདི་ཤེས་ན། །ཡོ་བྱད་ཀུན་གྱི་རྩ་བ་ཡིན། །སྒོམ་པར
242a5 བྱེད་པ་བསྒོམ་པ་མིན། །བསམ་བྱ་དམིགས་སུ་མེད་པ་སྟེ། །དམ་པའི་གསང་ལམ་འདི་ཤེས་ན། །བསྒོམ་ལམ་དམ་པ་འདི་ཉིད་དོ། །བསྲུང་ཞེས་བསྲུང་བར་བྱ་མི་དམིགས། །སྟོང་ཉིད་མེད་འབྱུང་གསང་ལམ་འདི། །དབུས་མཐར་ཆེ་བས་ཚིག་ཤེས་ན། །བསྲུང
242a6 བའི་གསང་བ་དམ་པའོ། །ཚིག་ལམ་མཉམ་བརྗོད་མཉམ་མི་དམིགས། །གསང་འདི་ཐམས་ཅད་གཅིག་པ་ལ། །མཉམ་ཞེས་ལྷག་པར་ག་ལ་ཡོད། །དགོངས་པ་ཀུན་ནས་འདུས་དང་མཉམ། །གང་གཞན་བརྟུལ་ཞུགས་སྤྱོད་པ་ཡིན། །དེ་ལ་དེ་གཞོལ་རོལ་སྤྱོད་པས། །
242a7 ཐམས་ཅད་འདིར་བརྟུལ་འདིར་ཞུགས་པས། །བརྟུལ་ཞུགས་མཆོག་ཏུ་ཀུན་འདུས་གསུངས། །ལམ་འདི་དངོས་ཉིད་སེམས་ཀྱི་གསང་། །ཡེ་གྲུབ་ཟིན་པས་གསོལ་ཐོབ་མེད། །དངོས་གྲུབ་རྒྱུན་མི་འཆད་པ་ཞེས། །དགོངས་པ་དམ་པ་ཀུན་འདུས་གསུངས། །དེ་ལྟར
iiif viewer powered by OpenSeadragon
