| e-texts navigator |
| Wylie |
240a1 པོ་དམ་པ་རྣམས་ཀྱི་རྗེས་སུ་འཇུག་པར་བྱའོ་ཞེས་དམ་བཅའ་བར་དགོངས་པ་དེ་དམ་པ་རྣམས་ཀྱི་རྗེས་སུ་ཇི་ལྟར་འཇུག་པར་བགྱི། དེ་ཇི་ལྟར་ཡོངས་སུ་ཤེས་པར་བགྱི། དེ་སྐད་ཅེས་ཡོངས་སུ་དྲིས་པ་ལས། གསང་བ་པའི་བདག་པོས་སྨྲས་པ།
240a2 ཀྱེ་གྲོགས་པོ་དག་དེ་ནི་འདི་ལྟར་དམ་པ་རྣམས་ཀྱི་རྗེས་ནི་གང་ངེས་པར་ཤེས་པའི་ལམ་དམ་པ་ལ་བྱའོ། །གྲོགས་པོ་དག་ལམ་དམ་པ་གང་ཞེ་ན། དེ་ལྟར་དེ་ཁོ་བོས་མཐོང་ཐོས་པའི་སྐབས་གཅིག་ན་བཤེས་གཉེན་དམ་པ་ཉིད་ཀྱིས་ངེས་པར་གསུངས་པ་ངོ་བོ་ཉིད
240a3 ཀྱི་སྐུ་གཉེན་པོ་མེད་པས་རྣམ་པར་རྟོག་པ་ཐམས་ཅད་དང་ལྡན་ཏེ། རྟག་པ་ཉིད་དང་ཆད་པ་ཉིད་དང་། སྐྱེ་བ་དང་། འགག་པ་ཉིད་དང་། དམིགས་པ་དང་། འདོད་ཆགས་པ་ཉིད་དང་། ཞེ་སྡང་བ་ཉིད་དང་། གཏི་མུག་པ་ཉིད་དང་། ང་རྒྱལ་བ་ཉིད་དང་། ཕྲག་དོག་པ་ཉིད
240a4 དང་། འདོད་པ་ལྔ་དང་། སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་དང་། དང་། ཕྲ་མ་དང་། ངག་རྩུབ་མོ་དང་། ཚིག་འཁྱལ་པ་དང་། བརྣབ་སེམས་དང་། གནོད་སེམས་དང་། ལོག་པར་ལྟ་བ་ཉིད་དོ། །མཚམས
240a5 མེད་པ་ལྔ་དང་། དེ་དང་ཉེ་བ་ལྔ་དང་། ལྕི་བ་བཞི་དང་། ལོག་པ་བརྒྱད་དང་། སྨེ་ཤ་དང་། བཤང་བ་དང་། གཅི་བ་དང་། ཁྲག་དང་། ཁུ་བ་ལ་སོགས་པ་དག་ལ་ངེས་པར་སྤྱོད་པ་ནི་དམ་པ་རྣམས་ཀྱི་ལམ་དམ་པ་ཡིན་པར་ཤེས་པར་བྱའོ་ཞེས་ངེས་པ་དམ་པར་གསུངས
240a6 པ་ལས། ཁོ་བོས་དེ་ལ་འདི་སྐད་དུ། ཨེ་མའོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་སྨྲ་རྣམས་ཀྱི། །ཡང་དག་ཚད་མའི་གསུང་དག་ལས། །ཕྱིན་ཅི་ལོག་ཀུན་འབྱུང་ཅི་ལགས། །དེ་སྐད་ཞུ་བ་འདུན་པ་ལས། །བཤེས་གཉེན་དམ་པས་བཀའ་སྩལ་པ།
240a7 ཕྱིན་ཅི་ལོག་ལ་ཞེན་པ་རྣམས། །ཐབས་མཆོག་དཔག་གིས་མི་ལང་བས། །ངེས་པའི་དོན་ལ་གཟུད་པའི་ཕྱིར། །ཁྲིད་པའི་ཐབས་སུ་བསྟན་པ་ཡིན། །ལོག་ཞེན་གང་ལ་ངེས་བརྟན་ཡང་། །འཇུག་པར་མི་འགྱུར་སྤོང་འགྱུར་རྣམས། །ལོག་སྤྱོད་ཐབས་ཀྱིས་དེ་དྲངས་ན། །
iiif viewer powered by OpenSeadragon
