| e-texts navigator |
| Wylie |
238b1 ཉིད་དྲང་པོར་སོང་། །དུག་འགྱུར་སྨན་བསྲེལ་མཚོན་ཆར་ལྡན། །རྡོ་རྗེ་རྫོང་ལ་ཞེན་པ་དང་། །ཡིད་བཞིན་ནོར་བུ་བློ་གྲོས་ལྡན། །གང་དུ་མི་འགྱུར་གང་མི་འགྱུར། །དབྱིངས་འདིར་ཀུན་དང་གཅིག་པ་དང་། །གང་གི་བློ་ལ་མངོན་པའི་ཕྱིར། །ཡོངས་སུ་མཛེས་དང་བག
238b2 ཡོད་དང་། །དེ་ཉིད་དབང་ལས་ཁྲེལ་ཡོད་དང་། །དེ་ལ་ངའམ་ང་མེད་པས། །ཀུན་ལ་ཡོངས་སུ་ལྡན་པ་དང་། །ཐམས་ཅད་བདེ་བས་ངེས་པ་དང་། །གང་འདི་སྟོང་བས་ཅིར་མི་རྟོག་།དེ་ཉིད་ཞི་བས་འཁྲུག་མེད་དང་། །གང་ནས་ཅི་ཡང་མི་འབྱུང་བས། །གཞན་དུ་ཚོལ
238b3 བ་མེད་པ་དང་། །ཟང་ཟིང་མེད་པ་ཚུལ་མི་འཆོས། །གདུང་བ་མེད་པས་འདོད་པ་མེད། །མ་ཆགས་འབྱུང་བས་ཆོག་པར་འཛིན། །གང་ལ་མཚན་མར་མི་འཛིན་པས། །གཙང་སྨེ་མེད་ཅིང་དུས་གསུམ་མེད། །དེ་བཞིན་དམ་པ་ཡོད་མ་ཡིན། །སེམས་ཉིད་ནམ
238b4 མཁའི་སྙིང་པོ་དེ། །གློ་བུར་སྤྲིན་གྱིས་གཏིབས་སྤུངས་པས། །ཤེས་རབ་རླུང་གིས་མ་གཏོར་བར། །ག་ཞ་མཁན་གྱི་སྤྱོད་འདྲ་ཡིས། །སྒྲིབ་བསལ་ཆོས་ཉིད་གསལ་འདོད་པས། །ཇི་ལྟར་ཆུས་གཤེར་བྱས་པ་དག་།ཉི་མ་སྤྲིན་ལྟར་གྲིབ་མ་ཡིས། །ཤིན་ཏུ་བསྒྲིབས
238b5 པར་གྱུར་པ་ན། བྱིས་པའི་རང་བཞིན་མི་ཤེས་པས། །སྤྲིན་ཆེན་འདུས་པའི་ཕུང་པོ་ལ། །ཁ་ཡི་དབུགས་ཀྱིས་བུས་བྱས་ནས། །སྤྲིན་བསལ་ཉི་འོད་གསལ་འདོད་འདྲའོ། །གྲོགས་པོ་དག་དེ་དག་ནི་དེ་ལྟར་སྤྱོད་པའི་རང་བཞིན་དུ་ཤེས་པར་བྱའོ། །ཞེས་ཐོས་པ་ཕྱིན་ཅི་མ
238b6 ལོག་པར་སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་རྣལ་འབྱོར་རང་བཞིན་གྱི་ལེའུ་ཞེས་བྱ་སྟེ་ལྔ་བཅུ་བདུན་པའོ། ། །།དེ་ནས་ཡང་ལང་ཀའི་བདག་པོ་ལ་སོགས་པ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱིས་གསང་བ་པའི
238b7 བདག་པོ་ལ་དྲི་བ་ཡོངས་སུ་དྲིས་པ། ཀྱེ་གསང་བ་པའི་བདག་པོ་ལྗོན་ཤིང་བསྐྱེད་པར་བྱའོ་ཞེས་དམ་བཅའ་བར་གསུངས་པ་དེ་ཇི་ལྟར་ཡོངས་སུ་ཤེས་པར་བགྱི། དེ་གང་གི་ལྗོན་ཤིང་ལགས་ཞེས་དྲིས་པ་ལས། གསང་བ་པའི་བདག་པོས་སྨྲས་པ། ཀྱེ་གྲོགས་པོ
iiif viewer powered by OpenSeadragon
