| e-texts navigator |
| Wylie |
237a1 མཁའ་ལས། །མཚན་མའི་རྣམ་རྟོག་ཅི་བྱུང་ཡང་། །ཆོས་ཉིད་ནམ་མཁའ་བཞིན་གནས་པར། །རྣལ་འབྱོར་ཅན་གྱིས་བལྟ་བར་བྱ། །ཇི་བཞིན་མ་བཅོས་དེ་བཞིན་ལ། །མཐོང་དང་མ་མཐོང་ཁྱད་པར་གྱིས། །ལྟ་བའི་ཁྱད་པར་སོ་སོར་བལྟ། །རྣམ
237a2 པར་རྟོག་ལ་རྣམ་རྟོག་ཉིད། །ལོག་སྲེད་ཅན་ལ་ལོག་རྟོག་ཉིད། །ཕྱོགས་འཛིན་ཙམ་ལ་ཐ་སྙད་རྫས། །ཕྱོགས་ཤེས་དག་ལ་སྒྱུ་མར་སྣང་། །དེ་ཉིད་དེར་ངེས་ནམ་མཁའ་མཐོང་། །ནམ་མཁའ་བཞིན་གནས་ནམ་མཁའ་ལ། །ནམ་མཁའ་ཉིད་དུ་སྣང་བར
237a3 ཟད། །གྲོགས་པོ་དག་དེ་དག་ནི་ལྟ་བའི་རང་བཞིན་དུ་ཤེས་པར་བྱའོ། །ཞེས་ཐོས་པ་ངེས་པར་བགྲོས་པའོ། །གྲོགས་པོ་དག་དེ་ལས་མི་འདའ་བའི་རང་བཞིན་གང་ཞེ་ན། འདི་ལྟ་སྟེ། ཆོས་ཉིད་ནམ་མཁའ་ལྟ་བུ་འདིར། །ཐམས་ཅད་ཡོངས་ཀྱིས་གཅིག་པ་ལ། །བསྲུང
237a4 དང་མི་སྲུང་ཕྱོགས་དང་བྲལ། །བསྲུང་བའི་ཚད་གཟུང་ག་ལ་ཡོད། །ནམ་མཁའ་ལྟ་བུའི་རྣལ་འབྱོར་པས། །ནམ་མཁའ་ལྟ་བུའི་དམ་ཚིག་བསྲུང་། །གང་འདིར་བསྲུང་མཚམས་མེད་ན་བདེ། །དེས་ནི་ཐམས་ཅད་བསྲུངས་པ་ཡིན། །ཅི་ཕྱིར་ཐམས་ཅད་ཐམས
237a5 ཅད་ཀུན། །དམ་པར་ངེས་པ་ཡིན་པས་ན། །ཚང་འཛིན་ཚད་ཡོད་བྱེད་ཉིད་ཉམས། །གང་ལ་བསྲུང་དང་མི་སྲུང་བའི། །རྣམ་རྟོག་དེ་དག་མེད་ཀྱང་བླའི། །དེ་འདྲ་བསྲུང་བའི་མཚམས་འཛིན་པ། །སྒྱུ་མ་ཡིན་པས་དམ་པ་ཡིན། །དེ་ལ་བསྲུང་ཞེས་སུ་ཞིག་ཟེར། །བསྲུང
237a6 དང་མི་སྲུང་ཚིག་མེད་དེ། །ཆོས་ཉིད་དེ་ལ་བླང་དོར་བྱེད། །དམ་པར་གྱུར་པ་ག་ལ་ཡིན། །བསྲུང་དང་མི་སྲུང་ཆོས་རྣམས་ནི། །སྲུང་དུ་མེད་པས་དེ་བཞིན་གཞག་།དེ་བཞིན་ཉིད་ཀྱི་དོན་དམ་ལ། །ཇི་བཞིན་པ་ཡི་བློ་བཞག་སྟེ། །བརྗོད་པ་མེད་པའི་དམ་ཚིག་གིས། །
237a7 བསྲུང་མཚམས་མེད་པའི་དང་དུ་བསྡམ། །བསྲུང་མེད་ནམ་མཁའི་དམ་ཚིག་འདི། །ཇི་ལྟར་གྲགས་པའི་རང་བཞིན་ལ། །སྡོམ་དང་ཚུལ་ཁྲིམས་སོ་སོར་སྣང་། །འཇིག་རྟེན་པ་ལ་ཆད་མདོ་བཙན། །བྱིས་པ་རྣམས་ལ་ཚུལ་ཤེས་པ། །ནར་སོན་པ་ལ་སྡོམ་པར
iiif viewer powered by OpenSeadragon
