| e-texts navigator |
| Wylie |
235a1 གསལ་བ། །གསང་བ་འདུས་པ་རྣམས་ཀྱིས་ཡིན་པར་བསྔགས། །མ་ཡེངས་སྐྱེ་འགག་མེད་ཉིད་ཏིང་འཛིན་ཏེ། །རྣལ་འབྱོར་གསུམ་དོན་དེ་ཡི་སྐབས་ན་རྫོགས། །དེས་ན་ཀུན་གྱི་བཤེས་ཉེན་དགོངས་བརྒྱུད་ནས། །དམ་པའི་དོན་དུ་སེམས་ཉིད་ཤེས
235a2 པར་བྱ། །དེ་ཉིད་རྡོ་རྗེ་སེམས་དཔའ་ཡིན་པས་ན། །གང་གིས་འདི་མཐོང་དེ་ཡི་ཞལ་མཐོང་ཡིན། །དེ་མཐོང་ཕན་ཆད་དམ་པ་ཉིད་ཡིན་པས། །དེས་ན་ཀུན་གྱི་བཤེས་ཉེན་ཡིན་པར་གྲགས། །དེ་ལྟའི་དོན་མཐོང་གང་དང་གང་ཞིག་གིས། །ཅི་ལའང་མི་ལྟ་དེ་ལ་ཞེན་པར་བྱ། །
235a3 དེས་ན་བྱས་ཟིན་བཙལ་མེད་དེར་ངེས་ནས། །རང་འབྱུང་ཡེ་ཤེས་ཡོངས་སུ་དག་ཅེས་བྱ། །དེས་ནི་ཟིན་ཆགས་བདེ་སྡུག་ཅི་བྱུང་བ། །ཚོགས་གཉིས་མ་བསགས་རྫོགས་པར་དམ་བཅའོ། །མི་རྟོག་ཏིང་འཛིན་མཚན་མ་རྣམ་དག་པ། །ཆོས་ཉིད་མངོན་འགྱུར་ཆེ་ཡོན་རྒྱུན་མི
235a4 འཆད། །སྒྲིབ་པ་གཉིས་བྱང་ཚོགས་ཆེན་རྫོགས་པས་ན། །གང་གི་ཕྱོགས་རྣམས་མཐུན་པར་ས་རྣམས་ནོན། །འདི་ནི་ཀུན་འདུས་དགོངས་སྤྱོད་ཟབ་མོ་ཡིན། །གང་དག་ཀུན་གྱི་སྤྱོད་ཡུལ་མ་ཡིན་ནོ། །གང་གིས་གང་ལྟར་དེ་ཡི་དོན་མཐོང་ལྟར། །གང་དག་འཁྲུལ
235a5 པ་རྣམས་ཀྱིས་མ་མཐོང་བས། །གདོད་ནས་ཞེན་པའི་མུན་པ་སངས་དཀའོ། །ས་དང་ས་ཡི་ཁྱད་པར་ཡོད་ཅེས་པ། །མཐོང་དང་མ་མཐོང་གཉིས་མེད་གསལ་དུས་ན། །དམ་པའི་དགོངས་པ་ལྷུན་གྱིས་གྲུབ་ངེས་པའོ། །སྟོང་དང་མ་སྐྱེས་རང་བཞིན་ཁྱད་པར་ཅི། །
235a6 ཡོད་མེད་རྟག་ཆད་བྱ་བཙལ་ལ་སོགས་པ། །ཀུན་ནས་ལྷུན་གྱིས་གྲུབ་པར་ཡེ་གནས་པའོ། །རྒྱུ་དང་འབྲས་བུ་ཅིར་སྣང་ཅིར་སྲིད་ཀྱང་། །ཆོས་ཉིད་དེ་བཞིན་ཉིད་ཀྱི་རྒྱན་དུ་སྣང་། །དེ་ཉིད་མ་བཀག་ཡོངས་སུ་རྫོགས་པའི་ཚུལ། །གོང་འོག་ལ་སོགས་སྐྱོན་ཡོན་གཉིས་པོ
235a7 དག་། མཐོང་དང་མ་མཐོང་རེ་རྩོལ་རྐྱེན་ཙམ་གྱིས། །རྒྱུ་འབྲས་སོ་སོར་གསལ་ཞེས་སྨྲ་བ་ཡང་། །ཐམས་ཅད་དེ་བཞིན་ཉིད་དུ་གཅིག་པར་ཟད། །དེ་ལ་ཡེ་ནས་འདུ་འབྲལ་མེད་བཞིན་དུ། །མི་མཉམ་མཉམ་པའི་སྤྱོད་ཡུལ་ཅིར་སྣང་ཡང་། །ཇི་བཞིན་ཉིད་འདི་མ་ཡིན
iiif viewer powered by OpenSeadragon
