| e-texts navigator |
| Wylie |
233a1 ས་བོན་ལས་རྣམས་ཀྱིས། །ཉེས་པའི་བར་ཆད་གསུམ་མེད་ན། །མངལ་དུ་ཐམས་ཅད་སྨིན་པར་འགྱུར། །དེ་ཡང་འབྱུང་གནས་གཅིག་ལ་གཅིག་།ཞེན་པ་དྲག་པོ་འབྱུང་སྐབས་སུ། །མཐར་འཛིན་པ་ཡི་བཅུད་འབྱུང་འགྱུར། །དེ་ནས་དེ་བཞིན
233a2 གཉིས་ཀ་ལས། །གང་བཅུད་ཐིག་ལེ་རེ་རེ་དག་།གདོན་མི་ཟ་བར་འབྱུང་བར་འགྱུར། །དེ་ཉིད་གང་དེར་འདྲེས་འགྱུར་ནས། །གང་དྲོད་ཞབས་བཞིན་འདུ་བ་ཡིན། །ཐམས་ཅད་པ་དེ་དེར་འཇུག་འགྱུར། །གང་ལ་ངོ་བོ་མེད་པ་དེ། །དངོས་པོ་ཅི་ཕྱིར་འཛིན་པར
233a3 འགྱུར། །དཔེར་ན་མཁའ་འགྲོ་འདོད་དབང་གིས། །ས་ཁུས་བྲིས་པའི་རྙིས་འཛིན་བཞིན། །གང་མེད་ཆགས་པའི་རྙིས་འཛིན་ཏོ། །ཐམས་ཅད་པ་ཡི་དབང་དེས་ན། །མི་འདྲུལ་དངོས་སྨིན་རྟ་བ་ཡིན། །དེ་དག་མེད་ནུར་ཕྱོགས་གང་དུ། །དེ་ཞུགས་པ་ཉིད་སྙིང་རྟེན
233a4 པའོ། །གནས་མ་ཐག་པ་བཏང་སྙོམས་ལྡན། །དེ་མཚམས་དེ་ནི་གཉིས་སུ་འགྱུར། །འདུ་མཆེད་དྲུག་འདོད་སྐབས་དག་ཏུ། །གང་གི་དུས་ན་དངས་སླ་བ། །ཤིན་ཏུ་རྟས་པར་གྱུར་པ་ཡིན། །དེ་བཞིན་འདྲིལ་དུས་འདུལ་བ་དེ། །འདྲེན་པ་ནས་འཇུག་དེས་རྟ་བའོ། །
233a5 ལྔ་གང་གང་འདི་འབྱུང་བས་བསྐྱེད། །གཅིག་ཏུ་གང་རྟེན་འབྱུང་བ་ཉིད། །དེ་ཉིད་རྟེན་ཞུགས་སྙིང་པོའོ། །ཐ་མ་གཉིས་ལ་དབང་འབྱུང་སྐྱེ། །ཁམས་བཞིན་རྒྱས་སྲ་སྡུད་སྨིན་འཛིན། །ཡན་ལག་རྣམས་འབྱེད་འབྱིན་པ་ཡིན། །གང་དང་གང་གིས་བཞིན་མདོག་འགྱུར། །
233a6 གནས་ཡིན་བཞིན་ཕྱོགས་མཐུན་ལྟར་གཡོན། །འབྱུང་ཉིད་སྣརེལ་ཞི་ཕན་ཚུན་གཡས། །གནས་ན་གནས་དུས་བརྒྱད་ཉིད་དེ། །མེར་ནུར་ལྟར་མཁྲང་ཡན་ལག་འགྱུར། །དེ་ལ་དེ་ཕྱིར་འབྱུང་བ་དང་། །དབང་པོ་དང་ནི་མཚན་དོད་པའོ། །ཡོངས་སུ་རྫོགས་པའི་དུས་དེ་ན། །
233a7 བདུན་ཕྲག་པ་ཡི་རླུང་བྱུང་སྟེ། །གང་གི་ནད་ནི་སྐྱེད་པར་བྱེད། །འབྱུང་བའི་ཆར་གཏོགས་རླུང་འབྱུང་བས། །གཡོ་འགུལ་ཅན་དུ་འགྱུར་བ་སྟེ། །སྲིད་འབྱུང་ལུགས་སུ་ཇི་བཞིན་བཟློག་།དེ་དག་དེ་ན་གནས་པའི་ཡུན། །བདུན་ཕྲག་སུམ་ཅུ་རྩ་བརྒྱད་ཀྱིས། །ཐམས་ཅད་དེས
iiif viewer powered by OpenSeadragon
