| e-texts navigator |
| Wylie |
232a1 བཞིན་མཐོང་ནས། །མཐོང་ཉིད་ཡུལ་དུ་མངོན་པར་གྱུར། །དེ་ཚེ་འཁྲུལ་པའི་གཟུགས་མཐོང་ལྟར། །གང་གིས་སྔ་ལྟས་འབྱུང་བར་འགྱུར། །བདེ་རྐྱེན་མི་ལྡན་པ་ཞིག་ན། །དེ་ན་གནས་དང་དེ་ནུབ་ན། །དམན་པར་འབྱུང་བའི་སྔ་ལྟས་ནི། །
232a2 སྲོག་ཆགས་ལྡེམ་བུ་ལ་སོགས་པའི། །གང་དུ་འབྱུང་བའི་རིགས་མཐུན་མཐོང་། །ཅ་ཅོའི་སྒྲ་དང་འདམ་བུའི་ཐིབས། །ནགས་ཚལ་ཐིབས་པོ་ལ་སོགས་པ། །ལྡུམ་བུའི་ཚལ་དང་དྲི་སྣ་ཚོགས། །ཁང་རྫིང་དང་འཁྲིགས་སྤྲིན་གྱིས། །ནང་དུ་འཇུག་པའི
232a3 མཚན་མ་འབྱུང་། །གང་འདིར་དག་པ་བ་ཞིག་ན། །རིགས་མཐོང་གྱུར་པའི་སྔ་ལྟས་ནི། །ཞི་བའི་ཡུལ་དང་སྙན་པའི་སྒྲ། །ཡིད་འོང་དབང་པོ་ཚིམ་པ་དང་། །ཁང་དང་ནི་གཞལ་མེད་ཁང་། །སྐྱེད་མོས་ཚལ་དང་སྣང་ཡུལ་དུ། །འབྱུང་བའི་མཚན་མ་སྣང
232a4 བར་འགྱུར། །འཁོར་ལོས་སྒྱུར་རྒྱལ་ལ་སོགས་པའི། །དག་པས་དག་པ་དེ་རིགས་མཐོང་། །དེ་ན་གནས་པའི་སྙིང་པོ་དེ། །འདོད་ལ་ཞེན་པས་ཞེན་པའི་ཕྱིར། །གང་དུ་དྲི་བྱུང་དེར་འབྲངས་པས། །ང་དང་མི་ང་དྲི་འབྱུང་ཡུལ། །དེ་ལ་ཞེན་པས་ཚིམ་འགྱུར་ཏེ། །
232a5 འཁྲིགས་པས་དེ་ལ་ཞེ་སྡང་འབྱུང་། །དེས་ནི་བར་བདུན་རྒྱུན་འགགས་བྱེད། །དེ་ཞེན་བར་དུ་དེ་ཟད་ནས། །དེས་ནི་དེ་ཉིད་དེ་རྟས་ཏེ། །གང་དུ་རྟས་པའི་སྙིང་པོ་ལས། །སོགས་པའི་ལུས་ཅན་ཐ་དད་སྣང་། །དྲོད་རྐྱེན་རླན་རྣམས་དེ་རིགས་འཛིན། །དེ་མེད་ཁམས
232a6 སུ་དེ་མི་འབྱུང་། །དེ་མེད་མ་ཡིན་མཁའ་རྡུལ་འདྲ། །གང་དེ་ལྡན་པའི་ཡུལ་རྣམས་ནི། །དཔག་པར་གང་ནི་རིང་གྱུར་ཀྱང་། །ཐོགས་མེད་མིག་རིས་མཐོང་ཚོར་ཕྱིན། །གང་གི་དབང་གིས་དེ་འགྲོ་བས། །རིག་ལ་ཉིད་ན་ཕྱིན་པ་ཡིན། །དེ་ལ་དེ་རིང་ཐ་སྙད་མེད། །
232a7 ཅི་ཕྱིར་ཁྱབ་འཇུག་གདོས་མེད་དེ། །ལུས་ཅན་རྣམས་ཀྱི་སྤྱོད་ཡུལ་མིན། །ལ་ལ་གང་ལ་ཞེན་པའི་མཐུས། །མཐུན་པར་སྣང་བའི་རིགས་ཅན་དག་།གང་དུ་འཕྲོད་བྱེད་མཐོང་བར་འགྱུར། །དེ་ན་ཉིད་ན་དེར་འཁྱིམས་ནས། །དེ་ལ་དེ་འཁོར་རྟོག་དཔྱོད་འཛིན། །ཞེན
iiif viewer powered by OpenSeadragon
