| e-texts navigator |
| Wylie |
231b1 ལྟར་ཀུན་ལ་མ་ཡིན་ནོ། །གང་སྐལ་མཉམ་པའི་སྐྱེ་གནས་དང་། །དེ་དག་ཉིད་གནས་མཐོང་བར་གྱུར། །གང་དག་དྲི་མིག་ཐུར་དུ་གསལ། །སྤྱི་ཚུགས་འགྲོ་ལ་གཞན་མཐོང་མིན། །དྲི་མེད་མཐོར་གསལ་གཞན་དེ་བཞིན། །གང་གི་ཐད་དུ་དེ་ཉིད་སྣང་། །གཞན
231b2 ནི་གོང་མ་ཉིད་བཞིན་ནོ། །བར་བདུན་པ་ཡི་སྙིང་པོ་ཅན། །སྐྱེ་བ་དེ་མ་རྙེད་བར་དུ། །རིང་ལྟར་ཐོགས་ན་བདུན་པའོ། །གང་དེ་ལྡན་ན་ངེས་མེད་དེ། །གཅིག་གམ་གཉིས་སམ་གསུམ་ན་འཕོ། །གང་མ་ལྡན་ན་དེ་རྗེས་ནས། །ཡང་བདུན་བར་དུ་དེ་ན་གནས། །གང
231b3 ཡོད་དེ་གང་མི་ལྡན་ན། །བདུན་ཕྲག་བདུན་གྱི་བར་དག་ཏུ། །བདུན་ཉིད་རེ་ན་དེ་རྗེ་ཞིང་། །དེ་རྫོགས་སྲིད་དུ་དེ་ན་གནས། །དེས་ནི་གནས་པ་དེ་ཟད་ནས། །གཞན་དུ་གནས་པ་དེ་འཛིན་པའི། །གང་དེ་ཇི་སྲིད་ཟིལ་གྱིས་གནོན། །བདུན་ཉིད་བདུན་རྫོགས་དེ་ཕྱིན
231b4 ཅད། །ངེས་པར་དེ་མེད་ག་ལ་སྲིད། །གང་ནུབ་གང་སྣང་དེ་སྐབས་ན། །སྐད་ཅིག་གནས་པས་བར་མ་དོ། །བདུན་ཞིང་ནུབ་པའི་རང་བཞིན་པས། །ནུབ་པའི་སྲིད་པ་ཞེས་ཀྱང་བཤད། །བདུན་པའི་བར་དུ་གནས་པས་ན། །གང་དེ་བར་བདུན་པ་ཞེས་བྱ། །དྲི་ཡི་ཕྱིར
231b5 འབྲང་དྲི་རྟ་བས། །དྲི་ཟ་ཉེར་འགྲོ་ཞེས་ཀྱང་བྱ། །དེ་ལ་བརྟེན་ནས་དེ་བྱུང་བས། །དེ་ལས་བྱུང་བ་ཞེས་ཀྱང་བྱ། །སྐྱེ་བའི་དབྱིབས་ཚུགས་དེ་འཛིན་པས། །སྔོན་དང་ཕྱི་མའི་ཚུལ་བཞིན་ཅན། །སྐྱེ་བ་སྔོན་དུ་བྱེད་པས་ན། །མངོན་དུ་གྲུབ་པ་ཞེས་ཀྱང་བྱ། །རྟག་ཏུ
231b6 ཟས་ལ་ཉེ་འཁོར་བས། །ཉེ་བར་འཁོར་བ་ཞེས་ཀྱང་བྱ། །གཉིས་ཀྱི་བར་སྐབས་ཡིན་པས་ན། །སྲིད་པ་མཚམས་སྦྱོར་བ་ཞེས་བྱ། །དེ་ནི་གཟུགས་ཅན་ཡིན་པས་ན། །གཟུགས་མེད་པ་ཡི་གནས་མེད་དོ། །དེ་ན་གནས་པའི་སྲིད་པ་དེ། །སྔར་འགགས
231b7 པ་ཡི་སྲིད་པ་ལ། །དེ་དང་དེ་མིན་བཏང་སྙོམས་པ། །གསུམ་ལ་ཆགས་སྡང་ཞེན་གོམས་པས། །གང་སྔོན་གང་ལ་ཞེན་པ་བཞིན། །དུས་དེར་དེ་ལ་མངོན་པར་དགའ། །སྔོན་ཚེ་ལེགས་ཉེས་སྤྱད་པའི་ཡུལ། །ཀླུང་དུ་གང་གྱུར་དེ་ཉིད་སྣང་། །དེ་དག་རྨི་ལམ
iiif viewer powered by OpenSeadragon
