| e-texts navigator |
| Wylie |
230a1 དེ་བློང་བས་ཀུན་དཀྲིས་ཟད། །གཟའ་གཏད་རྐྱེན་གྱིས་དེ་འཇོམས་དང་། །གཞན་གྱི་རྐྱེན་གྱིས་འགྱུར་བའོ། །ཐང་གཅིག་འགགས་དང་དེ་སངས་པ། །དེ་ཡང་དེར་འཇུག་དེ་ཉིད་དོ། །གཉིས་པ་གཉིས་བྱེད་ལ་འཇུག་པ། །འདིའོ་སྙམ་དུ་སྔོན
230a2 འགྲོ་དང་། །བདུན་པ་སྐྱེད་དང་འབད་རྩོལ་སྦྱོར། །ཐམས་ཅད་འབྱུང་བ་གཡོ་བར་བྱེད། །གསུམ་པ་ཆགས་དང་བྲལ་བྱེད་པ། །ཆགས་པ་ཡུལ་གནས་ལས་སྐྱོ་ཞིང་། །གཞན་གྱིས་བྲལ་དང་བར་གཅོད་དང་། །ཡང་དག་ཡིད་ལ་བྱེད་པས་བྱེད། །བཞི་པ
230a3 ཆགས་པས་ཉམས་གྱུར་པ། །རྨོངས་པའི་ལྟ་བས་བརྟན་པར་གནས། །གང་འདིར་གོམས་པ་ཆུང་བ་དང་། །རྣམ་པ་རྟགས་དང་མཚན་མ་དང་། །དེ་བྱེད་ཡིད་ཉམས་སོགས་འགྱུར་བས། །ཡང་དག་བླངས་ཏེ་དེར་འཇུག་དང་། །སྒྲིབས་དང་གཞན་གྱིས་ཟིན
230a4 པའོ། །ལྔ་པ་དོན་རྒྱུན་ཆད་བྱེད་པ། །གསལ་དང་ལོག་པའི་སྟོབས་ལྡན་དང་། །ལོངས་སྤྱོད་མཐུན་པའི་གྲོགས་རྙེད་དང་། །དེ་དག་རྒྱུན་མི་འཆད་འགྲོ་དང་། །རྒྱུན་དུ་གཅོད་ལྡོག་མི་བྱེད་པ། །ལོག་རྒྱུན་གནས་བྱེད་དོན་རྒྱུན་བཅད། །ལྔ་གསུམ་དང་པོ
230a5 མཚམས་སྦྱོར་བ། །དེ་ལས་ལྡོག་པའི་དོན་རྒྱུན་ལྡན། །གཉིས་པ་ཉིང་མཚམས་སྦྱོར་བ་ཡི། །འཆི་བའི་ཆོས་ལ་གཉིས་ཡོད་དེ། །དུས་དང་དུས་མ་ཡིན་དེ་ལ། །ཁ་ཅིག་དུས་མིན་འཆི་བ་ཡི། །དེ་རྐྱེན་ཟད་དང་དེ་གཞན་རྐྱེན། །དེ་ཚེ་ཡུན་རིང་རྒྱུ་ཡོད་ཀྱང་། །
230a6 ཡུན་རིང་གནས་པའི་རྐྱེན་མ་ཚང་། །ཡ་ང་མ་སྤངས་ལས་ཀྱི་རྐྱེན། །ཚད་ལས་འདས་དང་མི་འཕྲོད་དང་། །གང་མ་སངས་པར་གང་ནོན་དང་། །རྙིང་འཁྲིགས་འབྱིན་པར་མི་བྱེད་དང་། །གང་དེ་འགགས་པར་རྒྱུན་འགོག་དང་། །སོ་སོའི་གཉེན་པོ་སྟེན་མི་བྱེད། །མ
230a7 གོམས་མཐུན་འཕྲོད་མི་ཤེས་དང་། །དུས་མིན་འགྲོ་དང་སྤྱོད་པས་ཉེས། །དེ་ནས་འདུ་ཤེས་གསུམ་ལྡན་ཏེ། །དོན་དང་ལོག་པ་བཏང་སྙོམས་ལྡན། །དོན་དེ་གང་ལྡན་གར་འགྲོ་བ། །སྔོན་དུ་དེ་བསྟེན་དེ་དྲན་ནས། །གཞན་གྱིས་གསལ་བར་བྱས་ཀྱང་ནི། །རགས་པས
iiif viewer powered by OpenSeadragon
