| e-texts navigator |
| Wylie |
229b1 དུས་གསུམ་དུས་སུ་དེ་འཛིན་མེད། །དེ་འཛིན་དེ་ལ་དེར་འཛིན་པས། །གཟུགས་མིང་གཉིས་ལ་ཆགས་ཁམས་སོ། །ལང་ཀའི་བདག་པོ་དེ་ལ་སྣང་བའི་མདོ་གང་ཞེ་ན། འདི་ལྟ་སྟེ། འདོད་ཁམས་དེ་འཇུག་དེ་འབྲང་གནས། །གསུམ་པ་ཡིན་ཏེ་དེ་དག་ནི། །དེ་ཉིད
229b2 འབྱུང་རྟེན་དེ་མ་ཐག་། འདོད་པ་ལྔ་དང་ཆོས་གཉིས་སོ། །བྱེད་པ་ཀུན་དང་རྟག་ཏུ་གཅིག་།རིགས་གསུམ་དག་དང་ཕྲད་རིགས་འཛིན། །དེ་འཇུག་ཚོལ་གཅོད་འབེབས་པའོ། །མ་འགགས་གང་དུ་རྒྱུན་ཁྱབ་འཇུག་།དུས་གསུམ་སྐབས་གསུམ་འཇུག་མེད་པའོ། །
229b3 སྣ་ཚོགས་དེ་ཉིད་དེ་ལ་འདེབས། །དེ་ཡང་འཇུག་པ་རྣམ་གཉིས་ཏེ། །ལྔ་དང་ཐུན་མོང་དེ་ཁྱད་པར། །ཡུལ་རིག་པ་དང་མཚན་ཉིད་རིག་པ་དང་། དུས་རིག་པ་དང་། སྐད་ཅིག་མའི་རྒྱུན་རིག་པ་དང་། ལས་ལ་འཇུག་པ་དང་། གང་གི་འབྲས་བུ་ཡོངས་སུ་མྱོང
229b4 བའོ། །དྲུག་གཉིས་ལྔ་གསུམ་བཅུ་གཉིས་གཅིག་།ཐམས་ཅད་དེ་འཇུག་བྱེད་པ་ཡིན། །ལང་ཀའི་བདག་པོ་འདི་ལྟ་སྟེ། གསང་བ་མཆོག་གི་བདག་པོ་དེ། །གསང་བ་མཆོག་གི་དགྱེས་པ་ན། །དགོངས་ཏེ་ཡུལ་འདི་རྒྱ་ཆེར་བཤད། །དང་པོ་རྣམ་རྟོག་བདུན
229b5 རྟོག་པ། །མཚན་མ་ཅན་དང་མཚན་མ་ཡིན། །རང་གི་ངང་གིས་འཇུག་ཚོལ་བ། །སོ་སོར་རྟོག་དང་ཉོན་མོངས་ཅན། །དེ་མིན་རྣམ་པར་རྟོག་པའོ། །གཉིས་པ་ཉེ་བར་སེམས་གསུམ་སྟེ། །རིགས་བསྐྱེད་རིགས་མིན་གཉི་ག་མིན། །གསུམ་པ་རྨོངས་བྱེད
229b6 དཔའ་བྱེད་རྐྱེན། །གང་འདིར་འབྱུང་འགྱུར་དབང་རྟེན་འགྱུར། །དབང་པོ་འབྱུང་འགྱུར་རྣམ་ཤེས་ཀྱི། །དེ་དང་ཆ་མཐུན་འབྱུང་ཆ་མཐུན། །ཉམ་ཆུང་བ་དང་མ་གོམས་དང་། །རྣོ་དང་ཚད་ལས་འདས་པའོ། །བཞི་པ་བླ་འཁྱལ་སྙིང་ཁྲིན་དང་། །གང་མ་སྙོམས
229b7 དང་འཇིགས་སྐྲག་དང་། །གནད་དུ་གྱུར་དང་གཞན་གྱིས་བརླམས། །ལྔ་པ་ནད་འཇུག་ཉམ་ཆུང་བ། །ངལ་དང་དྲགས་དང་འཐིབས་པ་དང་། །གཏད་དང་གོམས་དང་གཞན་རྐྱེན་འགྱུར། །ལྔ་གཉིས་དང་པོ་ཕྱིར་བྱུང་བ། །རྟས་དང་གང་འདིར་སངས་པ་དང་། །གང
iiif viewer powered by OpenSeadragon
