| e-texts navigator |
| Wylie |
229a1 ཐོག་མུན་པ་ཡིས། །རྫས་གང་མི་མཐོང་སྒྲིབ་པ་ལྟར། །དེ་ཡི་རྒྱུན་འཁྲིགས་མུན་པ་ཡིས། །བལྟ་བྱ་དེ་ཉིད་མཐོང་མ་ཡིན། །དང་པོ་གཉིས་དང་ཕྱི་མ་ལ། །གསལ་དང་འགགས་དང་ཐ་དད་སྣང་། །དེ་ཉིད་ཀུན་ལ་འགྲོ་བའི་ཕྱིར། །གཅིག
229a2 གིས་སྣ་ཚོགས་ཐ་དད་ལེན། །དེ་ཉིད་རྩལ་ལས་འཇུག་པ་དྲུག་།སླར་འཇུག་པ་ཡང་དེ་ཉིད་ལས། །ཆར་རྒྱུན་སྨིག་རྒྱུ་ཇི་བཞིན་ནོ། །མིག་ནད་དབང་གིས་ཡུལ་དག་ལ། །ཐ་དད་མ་ཡིན་ངོ་བོ་ཙམ། །གང་དང་འདི་གཅིག་འདྲེས་པ་ལས། །སྒྱུ་རྩལ་དེ་འབྱེད་དེ
229a3 དག་ལེན། །དེ་ཉིད་ལས་བྱུང་དེ་རྣམས་འབྱེད། །གང་འདིར་སྦྱོར་ཞིང་མི་སྣང་ཡང་། །གང་གི་དབང་གིས་ཐ་དད་སྣང་། །དེ་ལས་དེ་འབྱུང་དེ་ཉིད་ལས། །དེ་བཞིན་དེ་དག་འབྱུང་བའོ། །དྲི་ངའི་དྲི་འབྱུང་གང་གི་དྲི། །གང་མེད་གང་ལ་ཞེན་པ་ནི། །མི་འདྲ་མི་གཅིག་དེ
229a4 ཉིད་ལས། །དེ་ཉིད་གཞན་ལ་དེ་རྒྱུན་གཞན། །གང་གི་ངོ་བོ་དེ་གཅིག་ལ། །དེ་ཡང་གནས་དང་སྐབས་ཀྱིས་འགྱུར། །གང་ལ་བག་ཆགས་རྣམ་དག་པ། །དང་བས་ཐམས་ཅད་གསལ་བ་བཞིན། །གང་གི་རྒྱུན་སངས་ཀུན་ཁྱབ་རྒྱས། །དབུ་མ་རྣམ་དག་དེ་ཉིད་ཅེས། །
229a5 མུན་པའི་སྤྱོད་ཡུལ་བ་དག་འཛིན། །མུན་པའང་དེ་ཉིད་དེ་ལ་འབྱུང་། །མུན་པའི་རང་བཞིན་ངོ་བོ་དང་། །མཚན་ཉིད་ཡན་ལག་རྩ་བ་དང་། །གནས་དང་སྒྲིབ་པ་བྱེ་བྲག་ཆོས། །གང་དུ་གང་གིས་གང་ཕྱིར་གང་། །དེ་དག་ངེས་པར་དབྱེ་བར་བྱའོ། །ལང་ཀའི་བདག
229a6 པོ་དེ་དག་ནི་གཞི་ཡི་མདོ་ཞེས་བྱ་སྟེ། གང་མུན་པའི་སྤྱོད་ཡུལ་བ་ལས་ཀྱི་བསྒྱིངས་པ་རྣམས་ལ་དགོངས་ཏེ་མུན་པའི་ཆོས་རྣམས་གསུངས་པའོ། །ལང་ཀའི་བདག་པོ་དེ་ལ་དམིགས་པའི་མདོ་གང་ཞེ་ན། འདི་ལྟ་སྟེ། གཟུགས་ཁམས་དེ་འཛིན་གནས་གཅིག
229a7 ཉིད། །དེ་འཛིན་དེ་ཉིད་དེ་ལ་ལྟ། །དེ་འཛིན་དེར་བྱེད་མུན་པ་ཅན། །ཕྱོགས་འཛིན་ཕྱོགས་མེད་རྣམ་དང་གཅིག་།མ་ངེས་སྤྱིར་འགྲོ་གཉིས་མི་དམིགས། །སྣ་ཚོགས་མེད་དེ་བདག་ཉིད་འཛིན། །དྲི་མེད་འཛིན་མེད་གཞན་འདྲ་མེད། །དེ་འཇུག་རྟེན་མེད་ཁྱད་པར་མེད། །
iiif viewer powered by OpenSeadragon
