| e-texts navigator |
| Wylie |
228b1 བྱུང་བ་དང་དེ་བཞིན་འབྱུང་། །ནམ་མཁའ་འབྱུང་བ་ཇི་བཞིན་ནོ། །ཐོག་མ་ཐ་མ་དུས་མི་དམིགས། །མ་ནོར་མ་བཅོས་དེ་བཞིན་ཉིད། །རང་བཞིན་ཀུན་དུ་སྣང་བའི་དབྱིངས། །མ་བྱུང་རང་བཞིན་ཡེ་ནས་གསལ། །གཞི་འམ་དེ་རྒྱུན་ཞེས་བྱ་བ། །ཤེས་རྒྱུན
228b2 ཐམས་ཅད་སྐྱེ་འབྱུང་བའི། །རྩ་བ་མཐུ་ཅན་གཞིར་གཞག་པ། །སྣ་ཚོགས་འབྱུང་རྒྱུ་དེ་ཉིད་དོ། །དང་བའི་མཁའ་ལ་རྒྱུ་བའི་སྤྲིན། །གསེར་གྱི་གྲངས་ཙམ་བྱུང་ཚུན་ཆད། །ཁུག་རླངས་སྤྲིན་ཕུང་འཐིབས་ཞེས་བྱ། །འབྱུང་བའི་སྐད་ཅིག་དེ་སྔོན་ཅད། །དང
228b3 བའི་མཁའ་ཉིད་སྣང་ཞེས་བྱ། །དེ་བཞིན་དེ་ཉིད་དེ་གཞིར་གཞག་།མཚུངས་པ་ཡིན་ཕྱིར་དེར་སྣང་སྟེ། །སོ་སོའི་བྱེ་བྲག་དེ་ཙམ་མོ། །དེ་ཉིད་དེ་ཡི་རྒྱུ་བ་ལས། །འཇུག་པའི་ཚོགས་རྣམས་རྩལ་དུ་སྣང་། །རྩ་བ་མཐུ་ཆེན་འཕེལ་འགྱུར་བས། །གང་དང་གང་དུ
228b4 གང་ཉོན་མོངས། །མཚན་མར་སྣང་འཛིན་གཡོ་འགུལ་བསྐྱོད། །རང་སྣང་གང་ལ་དེ་གསལ་རིག་།གང་དུ་ལྟ་དང་གང་འཛིན་པའི། །དེ་རྒྱུན་དེ་ལས་དེར་འདི་འབྱུང་། །གང་ཚོར་གང་ཤེས་གང་དེ་ཤེས། །སྐྲག་ཅིང་དངང་འཇིགས་དངོས་པོ་ཉིད། །མེ་ལོང་མེ་ཤེལ
228b5 མེ་འབྱུང་གསུམ། །གང་དང་ཕྲད་ན་དེ་བཞིན་འབྱུང་། །མེ་ལོང་མཚོ་རླབས་ས་རླབས་གསུམ། །ཇི་སྲིད་དེ་རྒྱུན་བྱུང་ཚོར་རྣམས། །དེ་ཉིད་རྒྱུ་ཡིས་རང་བཞིན་ལྔ། མེ་འཛིན་དེ་འཛིན་འདབ་འཛིན་ལྟར། །དེ་ཉིད་དེ་ཡིས་དེ་རྒྱུན་ལ། །གང་ཞེན་དེ་འཛིན་བྱེད་པ་ཡིན། །
228b6 རས་དཀར་ལ་སོགས་དེ་དག་ནི། །གང་སྒོའི་དབང་དུ་དེ་དག་འདུའོ། །དེ་ཉིད་དེ་ལ་དེ་རྒྱུན་རག་།གང་ཉིད་བསྒོས་པ་དེ་ཉིད་དུའོ། །གངས་དྲེག་ལ་སོགས་དེ་དག་ནི། །སོགས་པས་དེ་དག་ཉིད་དུ་སྣང་། །དེ་རྒྱུན་འབྱུང་གང་དེ་དག་ནི། །དེ་ཡང་དེ་དག་ཉིད་དུའོ། །འོ་མ་ཆུ
228b7 དང་ས་བོན་ལས། །དེ་མི་འདྲ་བས་དེ་རྟས་ཡིན། །དེ་ཉིད་དེ་ཡི་རྒྱུན་དེ་ལས། །དེ་ཡང་དེ་ལྟར་སྣང་བ་ཡིན། །གནས་པ་དེ་དག་གང་ཡིན་པ། །དེར་འབྱུང་བ་དེ་ཉིད་དུའོ། །མྱུར་སྨིན་དུས་སྨིན་དུས་གཉིས་མིན། །ས་བོན་ཆེ་ཆུང་འཕེལ་འགྲིབ་དེའོ། །སྤྲིན་དང་ལིང
iiif viewer powered by OpenSeadragon
