| e-texts navigator |
| Wylie |
227b1 གང་ཕྲད་དེ་ཉིད་དུའོ། །ཆོས་རྣམས་རྩ་བར་གཅིག་པ་ལ། །དེ་རྒྱུན་དབང་གི་རྣམ་པ་གཉིས། །གཞི་དང་རྟེན་ཞེས་གྲགས་པ་ལ། །རྨོངས་དང་ཤེས་པའི་ཁྱད་པར་སྣང་། །གཞི་ལ་ཀུན་འགྲོ་ཀུན་ལ་རྨོངས། །རྣམ་པ་ཞེན་པའི་བསྟི་གནས་མེད། །རྟེན་ནི་གཞི་སྦྱོར་སྣང
227b2 བ་དང་། །འགྱུར་མེད་རྣམ་དག་བཙལ་མེད་གནས། །དེ་དག་རེ་ཞིང་རྒྱུ་འབྲས་གཉིས། །སྔ་མ་སྔ་མ་གང་དག་གང་། །ཕྱི་མི་ཕྱི་མ་སྨིན་པའི་རྒྱུ། །དེ་བཞིན་ཀུན་དུ་འཁོར་བར་འབྱུང་། །རྟེན་ལྔ་དེ་རྒྱུན་དེ་དབང་གིས། །རྣལ་འབྱོར་ལྔར་སྣང་གཉེན་པོ་ལྔ། །སྨིན
227b3 པའི་དཔེ་ལྔ་སྦྱོར་དཔེ་བཞིན། །སྐབས་ལྔ་ལམ་ལྔ་དེ་བཞིན་ས། །ལྔ་ལྔ་བསྟི་གནས་དུས་ལྔ་དང་། །གནས་ལྔ་མཐར་ཕྱིན་རྣམ་པ་ལྔ། །འདིར་དབྱེ་བ་ལས་ལྔ་བཅུ་དྲུག་།རྫོགས་པར་སྣང་བས་ལྔར་བཤད་དོ། །ཆོས་རྣམས་ཀུན་གྱི་གཞིར་གྱུར་པས། །ནོར
227b4 བའི་རྐྱེན་གྱིས་འཁོར་བར་སྣང་། །རང་བཞིན་ཇི་ལྟར་ཡིན་པའི་དོན། །ངེས་པར་མཐོང་ན་མྱ་ངན་འདས། །ཀུན་གྱི་གཞི་དང་གང་དེ་ཤེས། །ཆོས་ཀྱི་ཕུང་པོ་སྲིད་གསུམ་འབྱུང་། །དེ་བྱུང་རྩ་བ་སྣ་ཚོགས་ལེན། །དབྱིངས་དང་འབྱུང་གནས་རྒྱུ་ཞེས་གྲགས། །
227b5 སྟོང་པ་ཉིད་དང་མཚན་ཉིད་མེད། །དེ་བཞིན་ཉིད་དེ་མ་ནོར་བ། །མ་བཅོས་གཞན་མ་ཡིན་པ་ཉིད། །ཏིང་འཛིན་རྟོག་པ་སྟོང་ཉིད་གྲགས། །ལྷག་མཐོང་ཞི་གནས་རྣམ་པར་ཐར། །དབུ་མ་མཐའ་བྲལ་གཟུང་བ་མེད། །འཛིན་མེད་ཆད་མེད་རྟག་པ་མེད། །
227b6 སྐྱེ་མེད་འགག་མེད་རྟོག་པ་མེད། །རྣམ་པར་རྟོག་མེད་མཚན་མ་མེད། །དེ་བཞིན་བདག་མེད་གཞན་མེད་པ། །འགྲོ་བ་མེད་ཅིང་འོང་བ་མེད། །དྲི་མེད་འདུ་བ་འབྲལ་བ་མེད། །ཕུང་མེད་ཁམས་མེད་སྐྱེ་མཆེད་མེད། །ཡུལ་མེད་ལས་མེད་རྒྱུ་འབྲས་མེད། །མ
227b7 སྐྱེས་སྙིང་པོ་བྱང་ཆུབ་མེད། །སངས་རྒྱས་ཆོས་དང་བྱང་ཆུབ་སེམས། །དེ་ནི་མི་སྐྱེ་མི་འགག་ལ། །དེ་ནི་ནམ་མཁའ་ལྟ་བུའོ། །ཆོས་ཀྱི་དབྱིངས་ཉིད་ཆོས་ཀྱི་སྐུ། །མི་རྟོག་ཡེ་ཤེས་ཡིན་ཞེས་གྲགས། །མ་བྱུང་ཡེ་ནས་རང་བཞིན་སྣང་། །ཇི་སྲིད་ལེན་པའི་སྲིད་པ
iiif viewer powered by OpenSeadragon
