| e-texts navigator |
| Wylie |
227a1 ཆེད་དུ་ཤེས་པར་གྱིས། །འདི་ཡང་འདི་ལྟར་ཡོངས་སུ་སྣང་། །ཡན་ལག་མདོ་དང་རྩ་བ་སྟེ། །འབྱེད་དང་འགྲོལ་དང་འབྱིན་པ་ཡིན། །ཡན་ལག་དྲུག་ཏུ་གང་གྲགས་པ། །མཐོང་ཐོས་ཚོར་མྱོང་རེག་ཤེས་དྲུག་།འབྱུང་འཇུག་གཅོད་པའི་ཡན
227a2 ལག་ཡིན། །ལང་ཀའི་བདག་པོ་མདོ་བཞི་ནི་གང་ཞེ་ན། འདི་ལྟ་སྟེ། གཞིའི་མདོ་དང་། དམིགས་པའི་མདོ་དང་། སྣང་བའི་མདོ་དང་། འཇུག་པའི་མདོའོ། །དེ་ཡང་འདི་ལྟར། མདོ་བཞི་གཞི་དང་དམིགས་པ་དང་། །སྣང་དང་འཇུག་པ་ལུང་བཞིན་བཤད། །ལང
227a3 ཀའི་བདག་པོ་དེ་ལ་གཞིའི་མདོ་ནི་འདི་ལྟ་སྟེ། གཞི་ནི་བྱིས་པ་འདི་ལྟར་འདོད། །གཟུགས་མེད་མིང་ལ་མངོན་ཞེན་པ། །མེད་པའི་ཁམས་ཉིད་དེ་ཁོ་ན། །ཤེས་པ་ཀུན་གྱི་ངོ་བོར་འབྱུང་། །ཤེས་བྱ་ཉིད་དེ་ཡུལ་དུ་སྣང་། །ཐམས་ཅད་འབྱུང་བར་བྱེད་པའི་རྒྱུ། །ཡེ
227a4 ནས་ངང་གིས་མ་སྐྱེས་ལ། །མ་བཅོས་ཡང་གིས་འོད་གསལ་བ། །རྒྱུ་རྐྱེན་མེད་པས་འདུས་མ་བྱས། །ཡོངས་སུ་མ་ཆད་ཡུལ་ཀུན་ལ། །ཤེས་ལ་མི་གསལ་ལྷན་ཅིག་འབྱུང་། །ཁྱབ་འཇུག་བཏང་སྙོམས་དངོས་མེད་ཉིད། །རྣམ་པར་མི་རྟོག་དཔྱོད་དང་བྲལ། །མི
227a5 རྟོག་དེ་ཡི་དེ་ཉིད་ལ། །སྐད་ཅིག་སྔ་ཕྱི་ཇི་སྙེད་པ། །རྒྱུན་དང་བཅས་པའི་ཆུ་བོ་བཞིན། །རྒྱུན་འབྱུང་སྐྱེ་འགག་བཅས་པའོ། །གཅིག་ཏུ་ཆད་པ་མེད་པ་ཡི། །སོ་སོ་རིས་ལྟར་མི་སྣང་བ། །བྱེ་བྲག་རྣམ་པར་འབྱེད་པ་ནི། །འདི་དང་འདི་ཞེས་ག་ལ་ཡོད། །ཐ་སྙད་གཉིས
227a6 ཀྱིས་བསྡུས་པའི་ཆོས། །ཐམས་ཅད་ཐམས་ཅད་པ་ཉིད་དེ། །ཀུན་འགྲོ་ཀུན་འཇུག་ཀུན་ལ་སྦྱོར། །དངོས་རིག་སྣ་ཚོགས་དབྱེར་མི་རིག་།གཡོ་བ་ཉིད་དང་རྣམ་པར་བཀོད། །ཡོངས་མྱོང་གཅོད་དང་དེ་འཛིན་བྱེད། །ལྔ་ལྡན་མདུན་དུ་ལྡན་པ་ལ། །དེ་ནི་ཀུན་ལ་སྙོམས
227a7 པ་ཡིན། །གང་ཞེན་དེ་འཛིན་ཀུན་མི་གཏོང་། །གོ་སྐབས་ཡོད་པའི་ནམ་མཁའ་ལྟར། །ཆོས་ཀུན་གནས་འབྱུང་གོ་ཡོད་པ། །སྐྱེད་མིན་སོགས་དང་ལེན་པ་ཡིན། །རྐྱེན་ནི་གཉིས་དང་མི་ལྡན་ཏེ། །མ་ངེས་དེ་ཉིད་ཁོ་ན་ལ། །ཐམས་ཅད་དུ་ནི་གནས་པ་ཡིན། །རྐྱེན་ནི
iiif viewer powered by OpenSeadragon
