| e-texts navigator |
| Wylie |
226b1 རྩ་བ་ཐམས་ཅད་འབྱུང་བ་ཡི། །རྩ་བ་མེད་པའི་རྩ་བ་ནི། །ཆོས་རྣམས་ཀུན་གྱི་རྩ་བ་ཡིན། །ཁམས་གསུམ་འདི་དག་ཉིད་དུ་འདུས། །ཆོས་འདི་ཟབ་སྟེ་མཐོང་བར་དཀའ། །རྟོགས་པར་ཡང་ནི་མི་ནུས་ཏེ། །མཐར་ཕྱིན་ས་ལ་གནས་པ་ཡིན། །སྐྱེས་བུས་ཀྱང་ནི
226b2 མཐོང་མ་ཡིན། །མེད་པས་སྟོང་པའི་ཆོས་ཉིད་འདི། །ཡོད་པའི་དངོས་པོར་ཡང་མི་དམིགས། །དམིགས་དང་མི་དམིགས་ཚིག་ལམ་ཆད། །རྣམ་པར་མི་རྟོག་སྐྱེ་བ་མེད། །གསལ་བས་དུས་མཐའ་མེད་པ་རུ། །མ་ལུས་ཁྱབ་པར་ཀུན་བཙལ་ཡང་། །འདི་ཞེས་བྱ
226b3 བའི་དངོས་པོ་ཞིག་། མི་རྙེད་རྙེད་པར་མི་འགྱུར་རོ། །མཁས་པས་དུས་མཐའ་མེད་པ་རུ། །ཤིན་ཏུ་བསྒྲིམས་ཏེ་ཅིར་བརྟགས་ཀྱང་། །གང་འདིར་ཅི་ཡང་མཐོང་བ་མེད། །མགྱོགས་པས་དུས་མཐའ་མེད་པ་རུ། །ཉམ་ཐག་ཆད་པས་བརྒྱུགས་ཀྱང་ནི། །ད་དུང
226b4 དེ་ཉིད་དབྱིངས་འདི་ལས། །གར་ཡང་མ་ཕྱིན་ཕྱིན་པ་མེད། །སྐྱེ་མེད་ཆོས་ཀྱི་སྡོང་པོ་ལ། །རྣམ་པ་བཞི་ཡི་ཡན་ལག་གེལ། །བྱང་ཆུབ་བླ་མེད་སྙིང་པོར་སྨིན། །དེ་ནི་ཀུན་འབྱུང་བྱང་ཆུབ་ཤིང་། །འཇུག་པ་དོན་ལ་འདོད་པའི་ཁམས། །མངོན་མེད་འཛིན་པ
226b5 གཟུགས་ཁམས་སོ། །སྣང་མེད་མ་ཆད་གཟུགས་མེད་ཉིད། །གང་དེ་ཆེད་ལས་བྱེད་ལས་འགྱུར། །ཡུལ་དུ་གང་འགྱུར་འཇུག་པ་ཉིད། །གང་ལ་འཇུག་པ་དེ་རྣམས་ཤེས། །དེ་ཡུལ་མུན་པའི་ཁམས་གྱུར་ཀྱང་། །མུན་པའི་ཁམས་ན་དེ་ཉིད་སྣང་། །སྣང་དང་སྣང
226b6 བའི་འོད་བྱུང་བ། །སྐྱེ་འབྱུང་རྩ་བའི་སྙིང་པོ་ཉིད། །ཕྱོགས་རིག་དེས་མི་རིག་པ་ཡི། །ངོ་བོ་ཉིད་མེད་དེ་ཉིད་དོ། །མུན་ཁུང་གསེར་སྟོར་ཇི་བཞིན་དུ། །འཁོར་བ་མུན་པ་མུན་ནག་ཏུ། །རིན་ཆེན་གསེར་དང་འདྲ་བ་ཡི། །བྱང་ཆུབ་སེམས་འདི་སྟོར་བར་འགྱུར། །
226b7 མུན་པའི་ཁམས་སུ་གྱུར་པ་དག་།མུན་པའི་འདུ་ཤེས་ཉིད་དུ་འབྱུང་། །མུན་པའི་ཁམས་པས་གང་ཤེས་པ། །ཕྲ་མོའི་ཆ་ཤས་ཙམ་ཡན་ཅད། །གང་འདི་བློ་ཆུང་བྱིས་པ་རྣམས། །ཆེད་དུ་གླེང་ཞིང་གང་བརྗོད་པ། །བློ་ལྡན་ཀུན་ལ་འདི་བརྗོད་ཀྱིས། །བླུན་པོའི
iiif viewer powered by OpenSeadragon
