| e-texts navigator |
| Wylie |
224b1 དང་། །ཆོ་འཕྲུལ་འབྱུང་དང་རྫོགས་པ་དང་། །གང་དུ་རིག་པ་ཐམས་ཅད་གསལ། །དེར་ནི་དོན་རྣམས་རྫོགས་པ་ཡིན། །དཔེར་ན་མུན་པ་སངས་པ་དང་། །སྣང་བ་བྱུང་དང་ནམ་མཁའ་དང་། །ཀུན་དུ་མཐོང་དང་ཐམས་ཅད་གསལ། །དེས་ན་དེ་ཡི་ཁྱད་པར་གྱིས། །
224b2 གང་དུ་ཆགས་པའི་མུན་བསལ་ཏེ། །ཇི་ལྟར་རླུང་གིས་སྤྲིན་ཕྱགས་ལྟར། །སྐད་ཅིག་ཙམ་གྱི་རྣལ་འབྱོར་གྱིས། །མུན་པའི་ཁམས་དེ་འཕྱག་པར་འགྱུར། །ཇི་ལྟར་མར་མེས་མུན་བསལ་ན། །དེ་ཉིད་སྣང་བར་གྱུར་པ་བཞིན། །སྐད་ཅིག་མ་ཡི་དེ་རིག་ན། །སྔོན་ནས
224b3 ཞེན་པའི་མུན་པ་སེལ། །དེ་གང་རིག་པ་དེ་དག་ནི། །དེ་ཉིད་དེ་ཡི་སྒོ་ཕྱེ་ཞིང་། །དེ་བཞིན་མིག་དང་དེ་ལྡན་པས། །མཐོང་ཐོས་ཚིག་ལམ་ལེའུ་བཞིར་བསྡེབས། །ས་པ་ཡིན་པས་དེ་ལ་ལྟོས། །དེ་ཡི་མིག་དང་མ་ལྡན་ན། །མུ་མཐའ་ཡས་པའི་ཚིག་རྣམས་ཀྱིས། །
224b4 དེ་ལ་ཐ་སྙད་ཅི་བརྗོད་ཀྱང་། །ངེས་མ་ངེས་ཀྱི་དམིགས་མི་ཕྱེད། །ཚིག་ཕྱིར་བློ་འབྲངས་དམུ་རྒོད་དག་།བསླབ་པའི་ས་དང་ལམ་མ་ཡིན། །ཚིག་ལམ་འབུམ་ཕྲག་ཅི་བརྗོད་ཀྱང་། །གཞན་ལ་སྨྲ་བར་བྱ་མ་ཡིན། །གལ་ཏེ་གང་ཞིག་གང་སྨྲ་བ། །ལོག་སྨྲ་རྡོ་རྗེ་བཀའ
224b5 རྐུན་པའོ། །ཐར་མེད་རྡོ་རྗེ་དེ་ལྟུང་འགྱུར། །དོར་སྒྱུ་ཚུལ་འཆོས་མཁན་དག་གིས། །ངེས་པའི་བློ་ཤེད་མ་བྱེ་བར། །ཚིག་ལམ་ཡི་གེས་ཁྲིད་ནས་ནི། །གང་མ་ངེས་པར་ལམ་བརྗོད་ན། །སྲོག་ཆགས་ཀུན་གྱི་སྲོག་ཕྲོགས་པས། །མ་ངེས་ཆོས་སྨྲ་དེ་བས་ལྗི། །
224b6 དེས་ན་མཐའ་དབུས་མཉམ་ཉིད་ལ། །བདུད་དེ་ཅིག་ཅར་གང་འཇུག་པ། །རྣལ་འབྱོར་གནས་ཡུན་རིང་ཐུང་དང་། །གང་འཕྲོ་ཡོད་དང་མེད་པ་དང་། །ནམ་ཞིག་མཉམ་པའི་ཁར་མ་ལུས། །དེ་ལ་དེ་བཞིན་དེར་བཞག་ན། །དེ་མ་ཐག་ཏུ་དེ་ཉིད་སྣང་། །དེ་ལས་དེ་བཞིན
224b7 མ་གཡོས་ན། །གྲོང་ཁྱེར་སྣང་བར་དེ་མི་འགྲོ། །དེ་ལ་དེ་ལྟར་མ་ཆགས་ན། །སྣང་བ་མེད་པར་ག་ལ་འགྲོ། །དེ་ཉིད་མངོན་དུ་གྱུར་པས་ན། །ཞི་བའི་གནས་སུ་དེ་དག་མིན། །ཡོད་དང་མེད་པའི་མཐའ་ཆོད་ན། །མཐའ་ལས་འདས་པའི་རྣལ་འབྱོར་ཉིད། །གང་འདིར
iiif viewer powered by OpenSeadragon
