| e-texts navigator |
| Wylie |
223a1 རྟོག་ཐོས་མཐོང་ཇི་སྙེད་ཀུན། །ཡིད་ལ་ཇི་ལྟར་འགྱུས་པ་བཞིན། །དེ་ཉིད་སྐད་ཅིག་དེ་ལྟར་སྣང་། །རྟག་པ་མི་གནས་སྐད་ཅིག་མ། །མི་ནུབ་མ་ཆགས་བདེ་ཆེན་སེམས། །སེམས་ཀྱི་དབྱིངས་ལས་མ་གཏོགས་པ། །གཞན་ཞེས་གང་ཡང་མེད་པས་ན། །
223a2 གོལ་སྒྲིབ་བྱ་བ་ག་ལ་ཡོད། །སུ་ཞིག་གོལ་སྒྲིབ་དོན་དུ་གཉེར། །གང་གིས་གོལ་སྒྲིབ་ཇི་ལྟར་རྙེད། །གོལ་སྒྲིབ་ཉིད་ཀྱང་དེ་ཉིད་དབྱིངས། །བཙལ་བས་དེ་ཡང་དེ་ལ་ཐུག་།གཞན་དུ་བཙལ་ཞིང་དེ་ལས་བྱུང་། །བལྟས་པས་མཐོང་བ་རྟོགས་པ་མེད། །འཇའ་སྣང་མུན
223a3 ཁུང་ཇི་བཞིན་ནོ། །དེ་ཉིད་མཐོང་བའི་ཁྱད་པར་ལས། །སྤྱོད་ལམ་དངོས་བཞི་གང་སྤྱད་ཀྱང་། །འཆིང་བར་མི་འགྱུར་འགྲོལ་འགྱུར་ཐབས། །ཐམས་ཅད་དེར་སྦྱངས་ལམ་གནས་མཆོག་།གང་ཉིད་དོན་གྱི་རྗེས་ཚོལ་ཞིང་། །གོལ་སྒྲིབ་ཡོངས་སུ་གཅོད་འདོད་པའི། །མཐའ
223a4 སེལ་རྣལ་འབྱོར་སེམས་དཔའ་པ། །གང་ལ་ཞེན་པའི་ཕྱོགས་བཟུང་སྟེ། །དབུས་མཐར་ལྟ་བ་དེ་བཟུང་བས། །ཆོ་གའི་ངེས་བློ་བརྟན་པ་ཅན། །དེ་ཀུན་རྣལ་འབྱོར་ཡིན་མོད་ཀྱི། །ཡང་དག་དོན་ལ་རྣལ་མི་འབྱོར། །སྤྱོད་ལམ་རྣལ་དུ་འབྱོར་མོད་ཀྱི། །ཡང་དག་དོན་དུ་ཡང
223a5 མ་འབྱོར། །ཕྱོགས་སུ་ལྟ་ལ་ཞེན་མོད་ཀྱི། །དམ་པའི་དོན་དུ་ཡང་མ་ཞེན། །གློ་བུར་ལས་རོ་ཚོར་མོད་ཀྱི། །ཆོས་ཉིད་ཀྱི་ནི་རོ་མ་ཚོར། །བདག་མེད་ཕྱོགས་བྲལ་ཟེར་མོད་ཀྱི། །ཕྱོགས་སུ་ལྟ་དང་ཡང་མ་བྲལ། །བརྟུལ་ཞུགས་རྟོག་པ་ཆོམས་མོད་ཀྱི། །གཟུང་འཛིན
223a6 རྟོག་པ་ཡང་མ་ཆོམས། །དབུས་མཐར་རྟོག་པའི་རྣལ་འབྱོར་པ། །བརྗོད་པ་ཚིག་ལམ་སྒྲོན་མ་ཡིས། །ཡང་དག་དབུ་མའི་གསེར་ཚོལ་བ། །རྟོག་འདོད་སྤྲེའུ་འདི་གཟུང་བྱས་ནས། །རྐུན་མོ་བྱི་ལ་གདགས་པར་བྱ། །གསེར་ཁུང་སྐར་ཁུང་ཀུན་བཀག་སྟེ། །རེའུ
223a7 ཆ་ཕང་ཕུང་བཤིག་ནས་ནི། །རྒྱལ་པོའི་དཀོར་མཛོད་ཁ་ཕྱེ་ན། །དེ་དག་ལོངས་སྤྱོད་རྫོགས་བདག་པོ། །ཡང་དག་དབུ་མའི་ལམ་ཚོལ་བ། །རྟོག་པའི་སྐྱོན་ལྔ་སྤང་བར་བྱ། །རྟོག་པ་རགས་པའི་རི་བོ་དང་། །མཚན་མ་རྒྱུ་བ་ཚོར་བ་དང་། །བྱུང་ཚོར་འབྱུང་བ་རྣམ་པ་ལྔ། །
iiif viewer powered by OpenSeadragon
