| e-texts navigator |
| Wylie |
221b1 མེད་པའི་ཕྱིར་མ་བྱས་པས་གཉེན་པོ་མེད་དོ། །ལང་ཀའི་བདག་པོ་འདི་ལྟ་སྟེ། གང་ཞིག་ནམ་མཁའི་མཐའ་ཚོལ་བ། །ཚོལ་བས་རྙེད་པར་མི་འགྱུར་ཏེ། །གོ་སྐབས་ཡོད་པར་གང་ཤེས་པ། །དེ་ནི་ནམ་མཁའ་རྙེད་པའོ། །སེམས་ཀྱི་སེམས་ཉིད་རྩད་གཅོད་པ། །
221b2 རྩ་བ་མེད་པས་རྙེད་མ་ཡིན། །གཞི་རྩ་མེད་འབྱུང་གང་ཤེས་པ། །དེ་ནི་སེམས་ཉིད་རྙེད་པའོ། །སེམས་ཀྱིས་སེམས་བཙལ་སེམས་མི་རྙེད། །སུ་ཞིག་སེམས་ཀྱི་གཏིང་རྩ་ཚོལ། །གང་ཞིག་སེམས་ཀྱི་དབུས་མཐའ་འབྱེད། །བཙལ་བས་རྙེད་པ་ག་ལ་ཡིན། །
221b3 སེམས་ཀྱིས་སེམས་ལ་ཇི་ལྟར་མཚོན། །སེམས་ལ་དངོས་པོ་ཡོད་ཅེའམ། །སེམས་ཀྱི་དངོས་པོ་གང་གིས་བྱ། །དངོས་མེད་དངོས་སྤྲུལ་བྱང་ཆུབ་སེམས། །ཕྱོགས་བྲལ་ཆེན་པོ་གང་སུ་ཞིག་།ཕྱོགས་གཅིག་བྲལ་བས་ཕྱོགས་ཀུན་བྲལ། །བརྟགས་པའི་སྤྱོད་ཡུལ
221b4 ལས་འདས་པ། །དེ་ཉིད་རྟོགས་ན་དེ་ཁོ་ན། །སེམས་ཀྱིས་སེམས་བཙལ་དྲོད་ཅིག་རྙེད། །དྲོད་དེ་རྙེད་ན་བྱང་ཆུབ་སེམས། །ཅི་ཡང་ཡིན་ནོ་གང་ཡང་རུང་། །དེ་ཉིད་ཆོས་ཀྱི་དོན་པོ་མཆོག་།དེས་ན་འཁོར་བའི་ཆོས་ཉིད་འདི། །གཉིས་སུ་ཡོད་པ་མ་ཡིན་ཏེ། །
221b5 འཁོར་བའི་དེ་བཞིན་ཉིད་དེ་ནི། །ཆོས་ཉིད་ཡིན་པར་ལུང་དུ་བསྟན། །འཁོར་བར་འཁྲུལ་པའི་སྒྱུ་མ་དང་། །རྣམ་དག་རྣམ་བྱང་སྒྱུ་མ་གཉིས། །སེམས་ཅན་སངས་རྒྱས་ཐ་དད་ཀྱང་། །དེ་བཞིན་ཉིད་ལས་ཡོང་ཡེ་མེད། །དཔེར་ན་རས་སྣམ་རྒྱུ་གཅིག་ལས། །
221b6 ཚོན་གྱི་རྐྱེན་གྱིས་བསྒྱུར་བྱས་ནས། །ཁ་དོག་སྣ་ཚོགས་ཐ་དད་ཀྱང་། །རས་སྣམ་ཉིད་ལས་ག་ལ་ཡོད། །ལོག་རྟོག་ཡང་དག་རྟོག་སྨིན་པ། །སེམས་ཅན་ཡེ་ཤེས་ཅན་འདི་དག་།རྒྱུ་གཅིག་རྐྱེན་གྱིས་བསྒྱུར་བ་ལས། །རིག་དང་མ་རིག་གཉིས་སུ་སྣང་། །
221b7 འཁོར་བའི་སྡུག་བསྔལ་རྨི་འདྲ་བ། །དབུགས་ཆེན་ཕྱིན་ནས་རྨི་སངས་ལྟར། །ཐམས་ཅད་བདེ་ཆེན་བྱང་ཆུབ་སེམས། །མཁའ་ལྟར་ཁྱབ་གདལ་ཉིད་དུ་སྣང་། །ཀློ་བུར་ལས་ཞེས་བརྟགས་པ་ཀུན། །འདུས་བྱས་ཡིན་ཏེ་མ་སྐྱེས་པས། །དེ་བཞིན་ཉིད་དེས
iiif viewer powered by OpenSeadragon
