| e-texts navigator |
| Wylie |
21a1 བསྟན་པ་ཡིན། །ཀྱེ་སེམས་དཔའ་ཆེན་པོ་ཉོན་ཅིག་།ཡོ་ག་དོན་གྱི་དགོས་ཆེད་བསྟན་པ་ནི། །ཀུན་བྱེད་ང་ལས་བྱུང་བའི་སྐུ་གསུམ་གྱིས། །ལོངས་སྤྱོད་སྐུ་དང་ཆོས་སྐུའི་བསྟན་པ་ཡི། །ཏན་ཏྲ་ལ་སོགས་ཡོ་ག་སྡེ་རྣམས་ལ། །སོ་སོའི
21a2 ཁྱད་པར་བྱེ་བྲག་ཡོད་ཀྱིས་ཀྱང་། །རྒྱུ་འབྲས་འདས་པ་ང་ཡི་བསྟན་པ་ནི། །རྫོགས་ཆེན་ཨ་ཏི་ཡོ་གའི་དོན་འདི་ནི། །ཐེག་པ་ཤན་འབྱེད་རྫོགས་པའི་ལུང་ཞེས་བཤད། །དེས་ན་ཡོ་གའི་དོན་གྱི་དགོས་པ་བསྟན་པ་ཡིན་ཞེས་བྱ། །ཀྱེ་སེམས་དཔའ་ཆེན་པོ་ཉོན་ཅིག་།
21a3 དགོས་ཆེད་དོན་གྱི་དགོས་པ་བསྟན་པ་ནི། །བསྐལ་བ་དཔག་ཏུ་མེད་པའི་སྔོན་རོལ་ནས། །ཀུན་བྱེད་བྱང་ཆུབ་ང་ལ་དད་པ་ཡི། །ལས་དང་སྐལ་ལྡན་ཤིན་ཏུ་རྣལ་འབྱོར་པ། །ལྟ་བ་བསྒོམ་མེད་དམ་ཚིག་བསྲུང་དུ་མེད། །ཕྲིན་ལས་བཙལ་མེད་ལམ་ལ་བགྲོད་དུ
21a4 མེད། །ས་ལ་སྦྱང་མེད་རྒྱུ་དང་འབྲས་བུ་མེད། །དོན་དམ་དང་ནི་ཀུན་རྫོབ་རྣམ་གཉིས་མེད། །བསྒོམ་ཞིང་བསྒྲུབ་ཏུ་མེད་པར་མཐོང་བ་དང་། །སེམས་བསྐྱེད་མེད་ཅིང་གཉེན་པོ་མེད་མཐོང་བ། །ཀུན་བྱེད་སེམས་ཀྱི་རང་བཞིན་མཐོང་བ་ཡི། །དེ་ལྟ་བུ་ཡི
21a5 དགོས་ཆེད་བསྟན་པ་ཡིན། །ཞེས་གསུངས་སོ། །ཀྱེ་སེམས་དཔའ་ཆེན་པོ་ཉོན་ཅིག་།ཚིག་གི་དོན་གྱི་དགོས་པ་བསྟན་པ་ནི། །ཀུན་བྱེད་བྱང་ཆུབ་སེམས་ང་དེ་བཞིན་ཉིད། །ཇི་ལྟར་སྣང་བའི་ཆོས་རྣམས་བསྟན་པ་ནི། །ཀུན་བྱེད་དེ་བཞིན་ཉིད་ཀྱི་རང་བཞིན
21a6 ཏེ། །ཚིག་དང་ཡི་གེ་སྒྲ་རུ་མ་བསྒྲགས་ན། །གང་ཟག་ཡིད་ཀྱི་དབང་པོ་རིག་པོ་ཡིས། །དེ་བཞིན་ཉིད་ཀྱི་རང་བཞིན་གབ་མི་སྣང་། །དེས་ན་ཚིག་དང་ཡི་གེ་སྒྲ་རུ་བསྒྲགས། །དེས་ན་ཚིག་གི་དོན་གྱི་དགོས་པར་བཤད། །ཀྱེ་སེམས་དཔའ་ཆེན་པོ། །གང
21a7 དང་གང་གི་ལོ་རྒྱུས་བཤད་པ་ནི། །སྟོན་པ་བསྟན་པ་འཁོར་གྱི་ལོ་རྒྱུས་ཏེ། །སྟོན་པ་ཀུན་བྱེད་རང་བཞིན་རྣམ་གསུམ་ལས། །འཁོར་གྱི་རང་བཞིན་སྐུ་གསུམ་སྟོན་པ་བྱུང་། །སྐུ་གསུམ་སྟོན་པའི་བཤད་ལུགས་རྣམ་གསུམ་ནི། །སྟོན་པ་བསྟན་པ་གསུམ
iiif viewer powered by OpenSeadragon
