| e-texts navigator |
| Wylie |
219b1 ཀྱི་སེམས་དཔའ་ཆེན་པོ་ལང་ཀའི་བདག་པོ་ལ་ཡིད་ཡོངས་སུ་འཇུག་པའི་ཐབས་ཀྱིས་བོས་ཏེ་སྨྲས་པ། ལང་ཀའི་བདག་པོ་ཡན་ལག་གི། །མཐར་ཟད་རྟོགས་འཇུག་ཐབས་ཉིད་ནི། །རང་བཞིན་འབྱུང་སྒོ་དབང་སྦྱོར་དང་། །ངེས་པ་ཁོང་དུ་ཆུད་པ་ཡིས། །ཡང
219b2 དག་དོན་ལ་ངེས་གཞག་བྱ། །ཤེས་དང་འཇུག་དང་འབྲས་བུ་དང་། །ལྷུན་གྱིས་གྲུབ་པའི་མཚན་ཉིད་ཡིན། །དེ་འབྲེལ་དེ་དགོས་དེ་མཚོན་དགོས། །དེ་ཡི་རྗེས་སུ་བྱེད་དགོས་ཡིན། །ཐོས་ཆུང་གོམས་དང་ངེས་པར་གྱུར། །ཕྱེ་མཐོང་ཞུགས་དང་ཐོབ་པ་ཡིན། །
219b3 དེ་ཚོལ་དེ་རྙེད་འཇུག་མངོན་གྱུར། །བསྙེན་པ་ཉེ་བསྙེན་བསྒྲུབ་དང་འགྲུབ། །དེ་བཞིན་མཉམ་འགྱུར་རྣལ་འབྱོར་པར། །ལྷུན་གྲུབ་ལས་སུ་རུང་བའོ། །དེ་ནི་ངེས་པར་འཇུག་རིམ་ཡིན། །གཞན་གྱི་དོན་དུ་འབྱུང་རིམ་བཞི། །གཡོ་དང་ཆོ་འཕྲུལ་སྣང་མཛད
219b4 པའོ། །ཇི་ལྟར་རིམ་བཞིན་སྦྱར་བ་ཡིན། །དེ་ཤེས་དེ་མ་སྐྱེས་པར་ཤེས། །དེ་དུས་དངོས་མེད་ཤེས་པ་དང་། །ཡེ་ནས་ཤེས་པའི་རིམ་བཞིན་ནོ། །ཐམས་ཅད་མཉམ་ཉིད་དེ་ཉིད་དང་། །བསྒྲུབ་དང་མི་འདའ་སྤྱོད་མཐུན་རྫས། །རང་བཞིན་རྣམ་པ
219b5 ལྔར་སྣང་བའོ། །གང་མཁས་ཆེ་དང་མང་ཡས་ཡངས། །སྒྱུར་དང་རླབས་ཆེན་ཅིར་སྟོན་དང་། །ཀུན་ཤོང་ཀུན་སྤྱོད་བདེར་འཇུག་པའོ། །བཅོམ་དང་ཞི་དང་མཐའ་རྒྱས་དང་། །ཆུབ་པར་འདུས་པ་ལས་བཞིའོ། །གང་དུ་སྦྱོར་བའི་ཡན་ལག་འདིས། །ཡན
219b6 ལག་ཐམས་ཅད་རྫོགས་པ་ཡིན། །ལང་ཀའི་བདག་པོ་དེ་དག་ནི་ཡན་ལག་ཡིན་ཏེ། ཡན་ལག་དེས་གང་ལྟར་བརྗོད་པ་ཐམས་ཅད་རྣམ་པར་འབྱེད་པར་ཤེས་པར་བྱའོ། །དེ་སྐད་ཅེས་གསང་བ་པའི་བདག་པོས་སྨྲས་པས། དམན་པའི་ལུས
219b7 ཀྱི་སེམས་དཔའ་རྣམས་ཆོས་ཐམས་ཅད་ཁོང་དུ་ཡོངས་སུ་ཆུད་པར་གྱུར་ཏོ། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་འཇུག་པ་ཐབས་ཀྱི་ཡན་ལག་ལས་ཐབས་རྣམ་པར་འགྲེལ་བའི་ལེའི་སྟེ་ལྔ་བཅུ་གཉིས་པའོ།། །།དེ་ནས
iiif viewer powered by OpenSeadragon
