| e-texts navigator |
| Wylie |
218b1 ནི། །སྨྲ་བརྗོད་ཚིག་གི་ཡན་ལག་རྫོགས། །གང་ལ་ལྟ་དང་སྒོ་འབྱེད་དང་། །སྡུད་དང་འབྱོར་པར་འདྲེན་པ་དང་། །རྐྱེན་དང་གཞན་དམིགས་འཛིན་པའི་ཚིག་།མ་བཅོས་མེ་ལོང་སྣརེལ་ཞི་རྣམས། །མེ་ལོང་བཅུ་དང་མཐུན་སྦྱར་བས། །ཚིག་དོན་རྣམ་པར་སྦྱར
218b2 བ་ཡིན། །ལང་ཀའི་བདག་པོ་འདི་ལྟ་སྟེ། །གང་ལ་ལྟ་དང་ལྟ་བ་ནི། །གང་འདིར་མཁའ་ལ་འགྲོ་བ་ནི། །རྩལ་གྱིས་ནམ་འཕང་རླབས་སུ་གཅོད། །དེ་བཞིན་དེ་ཉིད་འདིར་འགྲོ་བ། །མ་འདྲེས་ལྟ་འཕང་རླབས་སུ་གཅོད། །བགྲོད་པར་བྱ་བའི་ས་ཚིགས་དག་།
218b3 རྩལ་ཚད་དག་གི་ཚད་དུ་གཅོད། །དེ་བཞིན་དོན་དང་ཚིག་མཚམས་དག་།དོན་གྱི་ཚིགས་དང་ཚོམས་སུ་གཅོད། །ཇི་ལྟར་གང་གི་ཁོབས་འོག་ཏུ། །ས་ཁམས་མང་པོ་ཆུད་པ་ལྟར། །བརྗོད་པའི་རྣམ་གྲངས་མང་པོ་ཀུན། །གང་གི་ངོ་བོ་གཅིག་ཏུ་སྡུད། །གང
218b4 དང་གང་ལྟར་འགྲོ་བ་དག་། དྲང་པོར་འབྲེལ་རྗེས་གནོན་པར་སྣང་། །བརྗོད་དང་བརྗོད་པའི་ཚིག་མཚམས་དག་།གང་འདིར་མི་འཁྲུག་འབྲེལ་པར་སྦྱོར། །གང་འགྲོ་གནས་སུ་བགྲོད་པ་ནི། །གཡོ་འགུལ་མི་མངོན་ཤུགས་ཀྱིས་འགྲོ། །ཡི་གེ་བརྗོད་དང་རང
218b5 གཉེར་གྱིས། །གང་གི་ངོ་བོ་དེ་བཞིན་སྦྱོར། །གང་ཞིག་གང་ལྟར་གང་འགྲོ་བ། །མི་འཚམ་པ་ལ་དེར་འཚམ་སྣང་། །བརླང་པོ་ཞེར་འདེབས་སྐྱོན་ཚིག་རྣམས། །གང་མི་འཚམ་པ་དེར་འཚམ་སྦྱོར། །གང་དག་ཡིད་ལ་བཏགས་པའི་ཟས། །ཁོང
218b6 ནས་འདོད་པའི་བཅུད་འབྱིན་བྱེད། །གང་དུ་དམིགས་སུ་འཛིན་པ་ཡིས། །གང་མི་གསལ་བར་མངོན་པར་སྟོན། །ཇི་ལྟར་སྒྲ་བརྙན་རྒྱུན་བྱུང་ན། །གང་སྐྱེའི་དུས་སུ་ཡིད་ཆེས་འགྱུར། །དེ་བཞིན་ཚད་མའི་ཡུལ་བྱུང་ན། །མ་བཅོས་དེ་ཉིད་ཡིན་པར་ངེས། །
218b7 གང་འདིར་དག་པའི་མེ་ལོང་གིས། །བཞིན་དང་གཟུགས་བརྙན་སྟོན་པ་ལྟར། །ཉེ་བར་མཚོན་པའི་མེ་ལོང་གིས། །གང་མི་མཐོང་བ་གསལ་བར་བྱེད། །ཇི་ལྟར་སྣརེལ་ཞི་འཆོལ་འཁྲུགས་པ། །སྣོལ་མཚམས་འཕེན་སྡུད་འཆོལ་མཚམས་སྦྱོར། །རྩལ
iiif viewer powered by OpenSeadragon
