| e-texts navigator |
| Wylie |
216b1 བསྐུལ་བ་རྣམ་པར་མཛད་དོ། །དེ་ནས་བདག་དམ་ཚིག་ཆེན་པོའི་རྡོ་རྗེ་སེམས་དཔའ་ཞེས་བྱ་བར་སྣང་བ་དེས་ཡང་དག་པར་བསྐུལ་བར་རྣམ་པར་རིག་ནས་རང་གི་སྟན་ལས་ལངས་ཏེ་རང་གི་མཚན་མ་གནས་ལྔར་རེག་པར་བྱས་ནས་ཐེག་པ་ཆེན་པོ་དེ་ཁོ་ན
216b2 ཉིད་རྒྱ་ཆེར་བརྗོད་པར་བྱ་བའི་ཆེད་དུ་ལྕེ་པདྨའི་སྟེང་དུ་བཞག་སྟེ། ཤིན་ཏུ་གུས་པས་ལུས་ཀྱི་བག་བཞི་ས་ལ་ཕབ་པའི་ཕྱག་རྣལ་འབྱོར་ལུགས་སུ་བྱས་ནས་སེང་གེའི་ལྟ་སྟངས་ཀྱིས་སྟོན་པའི་ཞལ་དུ་བལྟས་ཏེ། འདི་སྐད་དུ་གསོལ་ཏོ། །རྡོ་རྗེ་རྒྱལ་པོ་ཚོགས
216b3 བདག་དགོངས་སུ་གསོལ། །ཆོས་ཀྱི་རྒྱལ་པོ་མི་གཡོ་རྒྱལ་ཚུལ་མཛད། །རྒྱལ་མཆོག་བདེ་ཆེན་ས་ལ་རབ་བཞུགས་ཏེ། སྨྲ་བའི་ལས་མཆོག་རྡོ་རྗེ་ལྕེ་འབར་བས། །སྒྲ་དབྱངས་རྒྱལ་པོ་རྣམས་ཀྱིས་བདག་བྱིན་རློབས། །གསང་སྔགས་རྒྱལ་པོ་ཆོས་ཀྱི་མེ
216b4 ལོང་འདི། །རྒྱལ་མཆོག་ཆོས་ཀྱི་རྒྱལ་པོ་ཉིད་ཀྱི་མཐུས། །འདུས་པའི་ཚོགས་ལ་རྒྱ་ཆེར་བརྗོད་པར་འོས། ། ཧོ་ཞེས་གསོལ་བ་བཏབ་པ་ལས། གསང་བ་མཆོག་གི་བདག་པོ་དེས་བདག་རྡོ་རྗེ་ལས་ཀྱི་བཀའ་བར་བསྒོ་བ་དེ་རྡོ་རྗེ་བརྗོད་པ་ཆེན་པོར་བྱིན་གྱིས
216b5 བརླབ་པའི་ཕྱིར་རྡོ་རྗེ་རྣམ་པར་འཕྲོ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་ལྗགས་ཀྱི་འོད་ཟེར་ལས། བཛྲ་ཀརྨ་ས་ཏྭ་ཙ་ཀྲ་ཧ་ཧ་ཧ~ཾ། རྡོ་རྗེ་རྒྱ་གྲམ་གྱི་འཁོར་ལོ་འབར་བ་སེམས་དཔའ་རྡོ་རྗེ་ཁོ་ན་བདག་དེའི་ལག་ཏུ་བབས་པར་གྱུར་ནས་ལས་ཀྱི་རྡོ་རྗེའི
216b6 དབང་ཐོབ་སྟེ། རྣམ་པར་སྨྲ་བ་ཆེན་པོ་ཤིན་ཏུ་བླ་བཀྱལ་བའི་སྤོབས་པ་ཅན་དུ་བྱིན་གྱིས་བརླབས་ནས་ཀུན་དུ་མི་གཟོ་བ་རབ་ཏུ་བག་དང་ལྡན་པ་ཆེན་པོར་གྱུར་ཏོ། །དེ་ནས་བདག་སེམས་དཔའ་རྡོ་རྗེ་དེས་ལས་ཀྱི་མཚན་མ་དེ་ལག་ཏུ་བླངས་ནས་རྡོ་རྗེ་ཚིག་སྣ་ཚོགས
216b7 ཀྱིས་ལན་ལྔ་སྟེ། རྣམ་པ་བཅུ་གཉིས་སུ་བསྐོར་ནས། གྲངས་གཉིས་དང་ལྔར་བསྒྱུར་བས་ཞིང་ཁམས་མཐའ་རྣམ་པར་དག་པར་གཡོས་ཏེ། གཡོས་རབ་ཏུ་གཡོས། ཀུན་དུ་རབ་ཏུ་གཡོས། འགུལ་རབ་ཏུ་འགུལ། ཀུན་དུ་རབ་ཏུ་འགུལ། ལྡེག་རབ་ཏུ་ལྡེག་།
iiif viewer powered by OpenSeadragon
