| e-texts navigator |
| Wylie |
216a1 དཔྱོད་ལ་སོགས་པ་མཚན་མར་མི་གནས་ཆོས་ཉིད་དུ་ཞི་བར་གྱུར་ཏོ། །དེ་ནས་འོད་ཟེར་དེ་དག་མཁའ་ལ་འཁྱིལ་བ་དང་། འཁོར་མང་པོ་དེ་དག་ཤིན་ཏུ་སྐྲག་སྟེ་གསོལ་བ་བཏབ་པ། ཨེ་མའོ་ཨེ་མ་བདག་ཅག་བཅོམ་ལྡན་འདས་ཀྱིས་སྣོད་དུ་རུང་བར
216a2 བྱིན་གྱིས་བརླབ་ཏུ་གསོལ་ཐེག་པ་ཆེན་པོའི་རིགས་སུ་གཟུང་དུ་གསོལ་ཞེས་གསོལ་བ་བཏབ་པ་ལས། བཅོམ་ལྡན་འདས་ཀྱི་ཞལ་གྱི་མདངས་ཕྱུང་བས་འོད་ཟེར་དེ་དག་ཡེ་ཤེས་ཀྱི་འོད་ཞི་ཞིང་འཁྱིལ་བ་དང་། མཛེས་ཤིང་བདེ་བས་ཐམས་ཅད་རངས་པར་བྱས་ནས
216a3 སྣོད་རྣམ་པར་སྦྱངས་ཏེ། འོད་ཀྱི་གནས་སུ་ཐིམ་པར་གྱུར་ཏོ། །ལང་ཀའི་བདག་པོ་དེ་ནས་བཅོམ་ལྡན་འདས་གསང་བ་མཆོག་གི་བདག་པོ་དེ་མི་གནས་པའི་ཡེ་ཤེས་ཆེན་པོའི་ཀློང་ནས་ངེས་པར་བཞེངས་ནས་སེང་གེ་རྣམ་པར་རྒྱལ་བའི་སྒྲ་ལྟ་བུས། དོན་གྱི་བཀོད
216a4 པ། རྟགས་ཀྱི་རོལ་པ། གསང་བའི་ངེས་པ། བཀའི་འགྲེལ་བ། ཆོས་ཀྱི་མེ་ལོང་། གཏན་ཚིགས་ཀྱི་འབྱུང་གནས། དགོངས་པ་ཀུན་འདུས་རྡོ་རྗེ་རྣམ་པར་བསྒྱིངས་པའི་གཞུང་ཆེན་པོའི་སྒྲ་འདི་བྱུང་ངོ་། ཨོ~ཾ་ཧཱུ~ཾ་མཱུ~ཾ་ཞེས་གསུངས་ནས་ཅང་མི་གསུང་། རབ་ཏུ་མི
216a5 གསུང་། གསུངས་པ་མི་འགོག་།འགོག་པ་མ་ཡིན། མ་གསུངས་པ་ཉིད་ན་རྒྱ་ཆེར་བཤད་པའི་ངོ་བོར་བཞུགས་སོ། །ལང་ཀའི་བདག་པོ་དེ་དག་ནི་རྩ་བ་སྦྱོར་བའི་ཡན་ལག་ཅེས་བྱའོ། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་རྩ་བ་སྦྱོར་བའི
216a6 ཡན་ལག་བསྟན་པའི་ལེའུ་སྟེ་བཞི་བཅུ་བརྒྱད་པའོ། ། །།ལང་ཀའི་བདག་པོ་དེ་ལ་འབྲེལ་པའི་ཡན་ལག་གང་ཞེ་ན། གང་དང་གང་དག་ཏུ་འབྲེལ་བ་སྟེ། དེ་ནི་འདི་ལྟར་ཆེད་དུ་འགྲོ་བ་ཆེད་དུ་བརྗོད་པར་བྱའོ། །ལང་ཀའི་བདག་པོ་ནས་བདག་དེའི་ཚེ
216a7 དེའི་དུས་ན་དམ་ཚིག་ཆེན་པོ་རྡོ་རྗེ་སེམས་དཔར་གྱུར་པ་ལ། བཅོམ་ལྡན་འདས་གསང་བ་མཆོག་གི་བདག་པོ་དེས་ཐེག་པ་ཆེན་པོ་གསང་བའི་དོན་བདག་ཉིད་ཀྱིས་རྒྱ་ཆེར་ཆེད་དུ་རྗོད་ཅིག་པར་དགོངས་པའི་ཕྱིར་བདག་ལ་ཉི་ཚེར་ཞལ་འདུད་པས་གཟིགས་ཏེ། འཛུམ་པས
iiif viewer powered by OpenSeadragon
